Bäny 1:19 - JAM DE NHIALIC 2011

¹⁹ Ku Bɛ̈nydït aa tɔ̈u kekë kɔc ke Juda, agokï piny ë kuur nööm. Ku akënkï kɔc ceŋ riaaŋ bɛ̈n cieec, në luɔi de kek nïïm abëël ke tɔŋ ë loi ë wëëth.

Bäny 1:19 ပူးပေါင်းရင်းမြစ်များ

Cäk 39:2

Bɛ̈nydït atɔ̈u ke Jothep, ku ye Jothep tɔ tiëm. Ku Jothep arɛ̈ɛ̈r baai de bɛ̈nyde, raan ë Rip.

Cäk 39:21

Ku Bɛ̈nydït atɔ̈u ke Jothep, ku ye Jothep nyuöth nhiëër agɔk. Ku tɔ nhiɛɛr ë raan ee kɔc mac tiit.

2 Tham 5:10

Go riɛlde lɔ ke ŋuak yenyin, në biäk tɔ̈u ë Bɛ̈nydït Nhialic Awärjäŋ kekë yen.

2 Mel 18:7

Ku Bɛ̈nydït aa Ye tɔ̈u ke yen agut të le yen thïn, aa cï dɛ kajuëc. Ku aacï melik de Athiriya rɛɛc thok, ku jiɛi bïï luööi.

Diɛt 46:11

Bɛ̈nydït de rɛm atɔ̈u ke wook, Nhialic de Jakop Yen ee tëdan ë thiaan.

Diɛt 46:7

Bɛ̈nydït de rɛm atɔ̈u ke wook, Nhialic de Jakop ee tëdan ë thiaan.

Diɛt 46:9

Acï tɔɔŋ dɔ̈m kɔ̈ɔ̈c ë pinynɔm ëbɛ̈n, acï dhɛ̈ŋ dhoŋ kɔ̈ɔ̈th, ku riëëk tɔɔŋ, ku nyop abëël ke tɔŋ në mac.

Diɛt 60:12

Të tɔ̈u ë Nhialic në biäkda wok bï tiam, Yen abï kɔc ke aterda tiaam.

Wɛ̈ɛ̈t 9:11

Ku yɛn cï rɔt puk guɔ këdäŋ tïŋ ë piny nɔm, acie raan ŋic kat yen ee tiam aköölnyïïn, acie jööt kek ee tɔŋ tiaam aköölnyïïn, acie kɔc pelnïïm kek ee këcam yök aköölnyïïn, acie kɔc tiëër nïïm kek ee kuɛth aköölnyïïn, acie kɔc ŋic käŋ kek ee miɛtëpiɔ̈u yök tëde kɔc aköölnyïïn. Piäl ë guöp ee këde raan ëbɛ̈n.

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 7:14

Apiɛth tei, Nhialic guöpde, abï yï nyuöth kë bï yïn en ŋic: Nyan dhuec abï mɛwä dhiëëth ku abïï cäk an, Emanwɛl, të lueelë yen në thoŋda, ee “Nhialic atɔ̈u ke wook.”

Yith 8:10

Luɔikï guiɛɛrdun! Ku acïkï bï tiam. Jamkï në jamduön cäk tak! Ku acïnkï naamden, në luɔi tɔ̈u ë Nhialic ke wook.

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?

Pilipoi 4:13

Yɛn ee këriëëc lëu ë luɔi ëbɛ̈n në yen, yen raan ë ya gäm riɛl.

Jocua 1:5

Acïn raan lëu bï yï gël nɔm në pïïrdu yic ëbɛ̈n. Yɛn bï tɔ̈u wo yïn, cït man wään täu Ɛn wokë Mothe. Ku yïn cä bï pɔ̈l, ku cä yï bï nyääŋ piny.

Jocua 1:9

Yïn cä yɔ̈ɔ̈k an rit yïpiɔ̈u, ku tɔ rɔt ril. Du rɔt tɔ riëëcë, ku du rɔt pɛ̈l wei, Bɛ̈nydït Nhialic abï tɔ̈u ke yïn alɔ të le yïn thïn.

Jocua 14:12

Ka yïn, gämë ya piny ë kuur cït man wään cïï Bɛ̈nydït ye than kööl ɣɔn bïï wok thok. Acuk bɛ̈n lɛ̈k yïn nɔn nu jööt ke Anakim në pɛ̈ɛ̈nydït cï gël aril. Go lueel an, Bɛ̈nydït abï tɔ̈u ke yɛn ka abä ke cuɔp wei cït man cïï Bɛ̈nydït ë lueel.”

Jocua 6:27

Ku Bɛ̈nydït aa tɔ̈u kekë Jocua, go Jocua rin jɔ tïc në pinyic ëbɛ̈n.

Jocua 7:12

Yen kë cïï Yithriɛl tɔ lëu kɔc ke ater ka. Acïk lɔ kat në keek, në luɔi cän ke kuöm riääk, keek gupken! Yɛn cï bï bɛ tɔ̈u wokë week, agut të bä wek käŋ riɔ̈ɔ̈k, ka wään cä lɛ̈k week an cïï ke nöm!’

Bäny 1:2

Go Bɛ̈nydït bɛ̈ɛ̈r an, “Ee dhiën de Juda yen bï lɔ tueŋ, ku abä keek tɔ tiëm.”

Bäny 4:13

Go Thithera bot kadhoŋuan ke abëël ke tɔŋ cï looi ë wëëth cɔ̈ɔ̈l bei kedhie, ku rem de tɔŋ ëbɛ̈n, ku tooc keek Ɣaroceth de juöör tɔ ke lɔ në wak de Kiconic.

Bäny 4:3

Ku yen ade nɔm bot kadhoŋuan ke abëël ke tɔŋ ke wëëth, ku yen aa yɔŋ kɔc ke Yithriɛl në yaaŋ rac ë run kathiërrou. Go kɔc ke Yithriɛl dhiau në Bɛ̈nydït nɔm bïï keek luök.

1 Tham 18:12

Ku Thaulo aaye riɔ̈ɔ̈c në Debid në luɔi cïï Bɛ̈nydït ye nyääŋ piny, ku le tɔ̈u kekë Debid.

1 Tham 18:14

Ku Debid aaye tiam në këriëëc ye looi yic ëbɛ̈n, në biäk tɔ̈u ë Bɛ̈nydït ke yen.

1 Tham 18:5

Ku Debid aaye tiam në tɔɔŋiic kedhie, tɔɔŋ cïï Thaulo ye tuɔɔc thïn. Na wään, ke tɔ ye bɛ̈ny ë rem de tɔŋ, go kɔc piɔ̈ɔ̈th miɛt ëbɛ̈n alɔ gut bäny ke tɔŋ de Thaulo.