Bäny 1:18 - JAM DE NHIALIC 2011

¹⁸ Go Juda Gadha nööm, ku Acekelon ku Ekeron kekë wuöt thiääk në keek.

Bäny 1:18 ပူးပေါင်းရင်းမြစ်များ

1 Mel 4:24

Tholomon aa mac piny ëbɛ̈n, gɔl në aköl athɛ̈i de wɛ̈ɛ̈r ë Yuparat në Tipatha ɣeet Gadha, ku meliik ë mac ëtɛ̈ɛ̈n kedhie aake ye yen luööi ku piŋkï thok, ku aa de mät ke wuöt thiääk në yen ëbɛ̈n.

Bɛ̈n 23:31

Ku pinydun abï rɔt gɔl në Wɛ̈ɛ̈r Thith agut cï Wɛ̈ɛ̈rdïït ɣer. Ku gɔl në wɛ̈ɛ̈r ë Yuparat ale guööt ë jɔ̈ɔ̈ric. Ku wek bä gäm riɛl bä wek kɔc cieŋ ee pinyë cuɔp wei.

Jeremia 47:5

Jiɛthëpiɔ̈u dït acï bɛ̈n në kɔc ke Gadha gup, ku kɔc ke Acekelon alek lik. Agut cï nɛn yen bïï kɔc kɔ̈k ke Pilithtiya jɔ dhiau?

Nyöŋ 2:23

Ku piny nu në Wɛ̈ɛ̈rdïït ɣer yɔu, acï kɔc ë bɔ̈ në tuur de Kerete ɣap. Acïk kɔc ke Awim wään rɛ̈ɛ̈r ë bɛ̈i yiic riɔ̈ɔ̈r nyïïn, ku nömkï pinyden abï ɣet të lɔ wöuwic ë pänydïït de Gadha, ku ɣapkï tëden.)

Jocua 11:22

Acïn raan töŋ de Anakim cï bɛ̈n döŋ piny de Yithriɛl. Ee kɔc liiakäŋ tei kek ë cï döŋ Gadha, ku dɔ̈ŋ kɔ̈k Gath ku Acedɔd.

Jocua 13:3

ayï piny de Awim ëbɛ̈n, (gɔl në wak de Ciɣor në aken ë Rip nɔm të lɔ aköl amiäk, ku ɣeet në aken ë Ekeron nɔm të lɔ rut, aaye piny de Kanaan. Ku ade meliik ke Pilithiin ë rɛ̈ɛ̈r ëtɛ̈ɛ̈n kadhïc: Melik de Gadha, ku melik de Acedɔd, ku melik de Acekelon, ku melik de Gath, ku melik de Ekeron.)

Jocua 15:11

Ku tëëk akeu në kuur de Ekeron baŋ të lɔ rut, ku tiööt rɔt Cikeron, ku bɛɛric kuur ë Baala, ku tëëk në Jamina, ku le guut në Wɛ̈ɛ̈rdïït ɣer kɔ̈u.

Bäny 14:19

Na wën ke Wëi ke Bɛ̈nydït ë ke bɔ̈ ë yeguöp, ku jɔ lɔ Acekelon, le ku nɛ̈k kɔc kathiërdiäk, ku yɔɔt lupɔɔ piɛth ë kekɔ̈ɔ̈th, ku gëm lupɔɔken kɔc ë meek këdäŋ. Ku jɔ lɔ dhiënden ke cï gɔ̈th arëët,

Bäny 16:21

Go kɔc ke Pilithiin dɔm, ku tukkï nyin bei. Ku leerkï Gadha, ke rɛk në kuɛɛt ke maläŋ, ku yek tɔ guär ɣön ye kɔc mac thïn.

Bäny 3:3

Juöör ɣɔn cï nyääŋ piny ee wuöt kadhïc ke kɔc ke Pilithiin, kɔc ke Kanaan kedhie, kɔc ke Thidon, ku kɔc ke Ɣib rɛ̈ɛ̈r në kur ke Lebanɔn, gɔl në kuur dïït ë Baal Ɣermon ɣeet në kueer ee lɔ Ɣamath,

1 Tham 6:17

Yen luɔi ë gëmë kɔc ke Pilithiin miɔ̈c de awäc Bɛ̈nydït ka, aake ye ŋoiŋooi ka adhääp kadhïc ke ke thöŋ në pii, tök ke wun tök në wuötken yiic: Acedɔd ku Gadha, ku Acekelon, ku Gath, ku Ekeron.