Amoth 8:3 - JAM DE NHIALIC 2011

³ Në ee köölë, diɛt ke luaŋ ë bääny, abïk röt puk aye dhiëëu. Gup ke kɔc cï thou, abïk dhɔt piny ëbɛ̈n. Ku abïï keek aa cuat wei ke kɔc ë ke mim thook.

Amoth 8:3 ပူးပေါင်းရင်းမြစ်များ

Diɛt 39:9

Yɛn bï thok mim ke cïn kë luɛɛl, në luɔi yen yïn ë tɔ ya nuan aya.

Yith 37:36

Go tunynhial ë Bɛ̈nydït lɔ në paany cïï Athiriya piɔ̈ɔ̈t thïn ku nɛ̈k bɔt ku thiërbɛ̈t ku dhïc de agum 185,000 de rem de tɔŋ ɣɔn akɔ̈u, na ɣɔn amiäk aa lɔ kɔc pääc, go kɔc cï döŋ apïïr kɔc ëbɛ̈n tïŋ adhɔt piny ke ke cï thou.

Jeremia 22:18

Ago Bɛ̈nydït lueel në biäk de Jeɣoyakim wën de Jothia, melik de Juda an, “Acïn raan bï dhiau ë thonde yic, ku cïn raan bï ye lueel an, ‘Mɛ̈thädï! Eeŋö rɛɛc yen aya!’ Acïn raan bï ye dhiëëu ku cïn raan dhiau an, ‘Bɛ̈nydï! Melikdï!’

Dhiëëu 2:10

Röördït ke nyan de Dhiɔn ayek nyuc piny ke ke mim thook. Ku tɔ̈u abuui në kenïïm, ku ceŋkï lupɔɔ ke cual ë kekɔ̈ɔ̈th. Ku dhueec ke Jeruthalem ayek kenyïïn kuöm piny në ayäär.

Jowɛl 1:11

Ee këdïït de gäi, wek kɔc ee com, Dhiaukï wek kɔc ee enap com, dhiëëukï agamɔ aläl kekë barli, në biäk cïï këriëëc cï com riääk ëbɛ̈n.

Jowɛl 1:13

Dhiaukï, wek bäny ke kake Nhialic, ku jiɛthkï piɔ̈ɔ̈th, wek bäny ee luui në yïk kɔ̈u. Niɛnkï ke we kïïu, wek kɔc ee Nhialicdï luööi. Në luɔi cïï miɔ̈c ë rap, ku miɔ̈c ye dek tɛɛm wei ɣön ë Nhialicdun.

Jowɛl 1:5

Jatkï röt dhiaukï, wek kɔc ye mɔ̈u wit. Dhiëëukï mɔ̈u, wek kɔc ee mɔ̈u dek, në baŋ cï ye rɔ̈t bei në we thook.

Lebai 10:3

Na wën ke Mothe ë yöök Aron an, “Kënë ee kë wään bïï Bɛ̈nydït jam në biäkde, Ago Aron nɔm ciën këdɛn lueel në biäk de thon ë wɛ̈ɛ̈tke.

Amoth 4:10

“Wek cä luöi riääkdït, cït riääk ɣɔn cä kɔn luöi kɔc ke Rip. Yɛn ë wɛ̈ɛ̈t dhuökkun tɔ näk tɔŋ, ku jöŋgöörkun abä ke peec ë tɔŋ. Ku ta we tɔ nɛ̈k aŋuäc de kɔc cï thou ë pɛɛnykun yiic. Ku wek ŋoot ke we kën röt pɔ̈k Ɛn. Kë cïï Bɛ̈nydït lueel ka.

Amoth 5:16

Go Bɛ̈nydït Nhialic Awärjäŋ lueel an, “Abï dɛ dhiëëu ku arɔ̈ɔ̈l dït ë kuɛɛr ke pänydït yiic. Ayï kɔc nu në duum yiic, abï keek cɔɔl bïk kɔc cï thou bɛ̈n dhiëëu, mɛ̈tkï në kɔc cï riɔp bïk bɛ̈n dhiau.

Amoth 5:23

Lak ya, në awuɔɔu ë diɛtkun, ayï thoomkun, acä keek kɔɔr bä ke piŋ.

Amoth 6:4

Amawoou në week, wek kɔc ee wekɔ̈ɔ̈th tääc në biök piɛth yiic, ku rëërkï në thöckun nïïm, ku yak cuet në nyök ke thökkun yiic, ku miöör në ɣɔ̈kkun yiic!

Amoth 6:5

Wek nhiaar diɛt ke thoom cït man ë Debid, thoom ya wek diɛt ɣäär yiic gut.

Amoth 6:8

Bɛ̈nydït Awärjäŋ acï kuëëŋ në rinke, ku lueel an, “Yɛn man lɛc de kɔc ke Yithriɛl, ku maan ɣäänkɛn ril. Pänydïïtden abä gäm kɔckɛn ke ater, ayï kakɛn tɔ̈u thïn kedhie.

Amoth 8:10

Aköölkuön ke dhuëëŋ abä ke puk abïk ya akööl ke dhiëëu, ku pɔ̈k aköölkuön ke diɛt ke miɛtëpiɔ̈u, ke ke ye akööl ke diɛt ke jiɛthëpiɔ̈u ke tuaar. Wek bä tɔ mut wenïïm, ku ciɛŋkï lupɔɔ ke cual, ka wek bï ciët wun meth kekë man meth dhiëëu wëndɛn tök. Ku yen ee köölë abï thök ke kec.

Naɣum 3:3

Kɔc ke jöŋgöör alek tɔŋ, në abätɛ̈ɛ̈u ariauriau, ku tɔɔŋ lɔ bilbil. Ku näk kɔc juëc, ka kɔc cï thou acïk kenïïm dɔ̈ɔ̈r në akuut juëc arëët, ku acïï ke duëërë lëu në kuɛ̈n, ago kɔc ë bïï tɔŋ aa kɔ̈th në keek!

Dhep 1:7

Lak lik në Bɛ̈nydït Nhialic nɔm, në luɔi cï akööl thiɔ̈k, kööl bï Yen nyuc ke guiir löŋ. Bɛ̈nydït akïït kɔcke bïï ke gam ke ke ye miɔ̈c näk, ku acï kɔc ke ater cɔɔl bïk Juda bɛ̈n yakic.