Amoth 5:27 - JAM DE NHIALIC 2011

²⁷ të la Yɛn week tɔ pec, leerë week paan tɔ̈u në Damathko kɔ̈u ciëën.” Yen kë cïï Bɛ̈nydït lueel ka, ku rinke acɔl keek Nhialic Awärjäŋ.

Amoth 5:27 ပူးပေါင်းရင်းမြစ်များ

1 Mel 14:15

Bɛ̈nydït abï Yithriɛl luööi këtuc, ka abï ke lath cï apäth nu ë nyinic. Abï kɔc ke Yithriɛl nyuän thäär bei piny piɛth cï gäm kuarken, ku thëi ke piny në wɛ̈ɛ̈r ë Yuparat kɔ̈ɔ̈th ya, në kë cï kek Bɛ̈nydït tɔ göth, në biäk cï kek röt luöi yanh cɔl Acera.

2 Mel 15:29

Në akööl ke bääny de Peka melik de Yithriɛl, yen aa dɔmë Tiglath Pilethar, melik de Athiriya wuötkë: yï Yijon, Abel Beth Maaka, Janowa, ku Kedec, ku Ɣadhor, ku piiny ke Giliyad ku Galili, ku Naptali, ku lee kɔc Athiriya ke ke mac.

2 Mel 17:23

agut të bï Bɛ̈nydït Yithriɛl nyaai në Yelɔ̈ɔ̈m, cït man cï Yen ke yɔ̈ɔ̈k ë röl ë lïïmke tït ke Nhialic. Ago Yithriɛl peec ku leerë keek Athiriya agut cï ë köölë

2 Mel 17:6

Në ruöön ye run ke Ɣocia dhoŋuan, go melik de Athiriya Thamaria dɔm, ku peec kɔc ke Yithriɛl leerë ke Athiriya, ku tɔ kɔc kɔ̈k rɛ̈ɛ̈r wun cɔl Ɣala, ku tɔ kɔ̈k rɛ̈ɛ̈r në wɛ̈ɛ̈r ë Ɣabor yɔu në aken ë Godhan nɔm, ku tɔ kɔc kɔ̈k rɛ̈ɛ̈r në wuöt ke Media yiic.

Jeremia 38:17

Aguɔ lɛ̈k Dhedekia nɔn cïï Bɛ̈nydït Awärjäŋ, Nhialic de Yithriɛl ye lueel an, “Na lɔ rɔt lɔ gäm bäny ke rem de tɔŋ de melik de Babilonia, ke yïn bï pïïr, ku pänydïïtë acïï bï nyuɔp piny. Yïn wekë baaidu wedhie wek bï pïïr.”

Amoth 4:13

Nhialic Ee Yen Raan ë cak kur ku ciɛk yom. Acï täŋde tɔ ŋic ë kɔc, ee wakɔ̈u puk ke ye aköl. Ee cath në ɣään thöny ke pinynɔm ëbɛ̈n. Ku rinke acɔl ke Bɛ̈nydït, Nhialic Awärjäŋ!

Amoth 5:26

Ku ënɔɔnë, në biäk cä wek yiëth lam, yanh cɔl Thakuth melikdun, ku Kaiwan yanhduön ë kuel, kek ee yiëthkuön cäk guɛ̈ŋ röt, abäk keek ɣääc wadäŋ,

Amoth 6:1

Amawoou në week, wek kɔc cï rëër lɔ läŋ yök në Dhiɔn, ku kɔc cï gup a päl piny në kuur ë Thamaria nɔm. Wek bänydït ke baai de Yithriɛl ee röt yök cït ka wär bäny ke juöör ëbɛ̈n. Wek kɔc ye kɔc ke kuɔɔny kɔɔr tëde keek!

Amoth 6:7

Në biäk de ee kënë, ee wek abïï kɔn peec, ka dhuëŋkuön ke kacaamdït, ayï tɛ̈ɛ̈c ya wek wekɔ̈ɔ̈th tääc acïkï bï bɛ nu.

Luɔi 7:43

Aa ye paany de yanh cɔl Molek yen ë ɣääckï, ku damkï kuel de yanhduön Repan, ka cäk cuëëc ayek yiëth bäk ke aa lam. Ku ënɔɔnë, we bä lɛɛr ë Babilon baŋ tui.’