Luɔi 9:31 - JAM DE NHIALIC 2011

³¹ Go ɣööt ke Nhialic jɔ rëër ke ke lɔ dïu ë Juda ëbɛ̈n ku Galili ku Thamaria, gokï jɔ riɛl ë gäm, ku yek cath ë riëëu de Bɛ̈nydït, ku në muŋdepiɔ̈u de Wëidït ɣer, agokï kenyïïn ŋuak.

Luɔi 9:31 ပူးပေါင်းရင်းမြစ်များ

1 Lëk 22:18

Ku lëk keek an, “Bɛ̈nydït Nhialinydun aa tɔ̈u ke week, ku acï week gäm mät në ɣään yiic kedhie. Në biäk cï yen yɛn tɔ peec kɔc wään ceŋ ee pinyë kedhie, ku ënɔɔnë ayek kaku ku ayek kake Bɛ̈nydït.

1 Lëk 22:9

Ku acï ya lɛ̈k gutguut. Acï lueel an, “Yïn bï mɛwä dhiëëth, wën bï bääny muk ë mätic, abä gäm mät tëde kɔc ke aterde nu në yelɔ̈ɔ̈m ëbɛ̈n. Ku abïï cɔl rin Tholomon, ku yɛn bï Yithriɛl gäm mät ku rɛ̈ɛ̈r lɔ dïu në aköölkë yiic.

Neɣe 5:15

Bɛ̈ny ëbɛ̈n bɛ̈ny ɣɔn cï tɔ̈u ë yanɔm tueŋ aake cï röt tääu në kɔc yiëth, ku aake ye wëu ke atek kathiërŋuan kɔɔr tëde kɔc ke ye këcam ku mɔ̈u në kööl tökic. Ayïï lïïmken aake ye kɔc yɔŋ, ku yɛn kën luui aya, në biäk yan Nhialic riëëu guöp.

Neɣe 5:9

Ë tɛ̈ɛ̈n guɔ lɛ̈k keek an, “Kë luɔikï aa wäc! Wek duëër Nhialic riëëu ku luɔikï yic, ku ëtɛ̈ɛ̈n wek cïï kɔc ke aterda wën ee juöör bï gäm kë bïï kek wo geet gup.

Jop 28:28

Go lɛ̈k mɛnh ë raan an: “Riëëu de Bɛ̈nydït ee yen ee pɛlënɔm, ku pɔ̈kdu wekë luɔi de kërac ee yen ee yöŋ de käŋiic.”

Diɛt 111:10

Rïïu ye Bɛ̈nydït riëëu, ee göl de pɛlënɔm, ku yöŋ de käŋiic apiɛth anu tëde kɔc ee lööŋke looi kedhie. Bɛ̈nydït abï leec aɣet athɛɛr.

Diɛt 86:11

Wɛ̈ɛ̈të ë yɛn Bɛ̈nydït, në kë kɔɔr bä looi. Ku Yïn bä riëëu në piɔ̈n adöt. Wɛ̈ɛ̈të ë yɛn bä Yïn luööi në piɔ̈n tök.

Diɛt 94:13

Aye ke gäm lɔ̈ŋ në akööl ke nuan agut të bïï pul wec deepë kɔc rac.

Kɛ̈ŋ 1:7

Riëëu rïïu ë raan Bɛ̈nydït, yen aye göl de ŋïny ë käŋ. Dhän ayek pɛlënɔm dhɔ̈lic, ku reeckï wëët.

Kɛ̈ŋ 23:17

Du rɔt ee tɔ nɛ̈k ë piɔ̈u në biäk de kɔc ee karɛc looi, ye rëër ke yï riëëu Bɛ̈nydït në akööl ke pïïrdu ëbɛ̈n,

Kɛ̈ŋ 8:13

Të dhuëëŋ yïn Bɛ̈nydït guöp, ke yï man kërac. Yɛn man ɣɛ̈ɛ̈c ë nɔm, ku leec ë rɔt, ku maan jam de yic lueth.

Yith 11:10

Ade kööl bɔ̈, kööl bïï ë melik däŋ bɛ dɔm në mei de Jethe ke yen ee kïn bï juöör aa nyuööth. Abïk kenïïm mat pänydɛn dït ë bääny ku gëmkï riëëu.

Yith 33:6

ku gämë jur rëër adïu. Ee kɔcke gël anandu ku gëm keek pɛlënɔm ku ŋïnydekäŋ. Ku riëëu bï kek Bɛ̈nydït riëëu yen aye wëukɛn juëc.

Dhek 8:20

Acïï ë Bɛ̈nydït de rɛm lueel an, “Akööl abïkï, akööl bï kɔc ke pɛ̈ɛ̈nydït juëc guëër Jeruthalem.

Luɔi 12:24

Go jam de Nhialic piny kiët nɔm ku ŋuɛk e nyin aläl.

Luɔi 16:5

Ago ɣööt ke Nhialic tɔ ril në gäm kedhie, ku ŋuak kuënden e nyin ë aköölnyïïn kedhie.

Luɔi 2:47

ke ke ye Nhialic leec, ku mit kɔc piɔ̈ɔ̈th kedhie në keek. Go Bɛ̈nydït ɣön ë Nhialic ŋuak nyin ë kɔc ë aköölnyïïn kedhie kɔc kony wëi.

Luɔi 20:32

“Ku ënɔɔnë, wäthii, wek tääu ë Nhialic cin, ayï jam de dhuëëŋ de yenpiɔ̈u, jam duëër week kueet, agokï week gäm biäkduön bäk lɔ̈ɔ̈k lak ë kɔc piɛthpiɔ̈ɔ̈th yiic kedhie.

Luɔi 5:11

Go riɔ̈ɔ̈c dït ɣön ë Nhialic dɔm ëbɛ̈n, ku dɔm kɔc kedhie kɔc piŋ kakë.

Luɔi 6:7

Go jam ë Nhialic piny kiët nɔm: go kuën ë kɔc piööcë go e nyin ŋuak aläl ë Jeruthalem, ayï rem dïït ë bäny ke ka ke Nhialic acïk gäm döt.

Luɔi 8:1

Ku gam Thaulo thonde. Na wën, ee aköölkë, ke yöŋ dït cak rɔt tëde ɣön ë Nhialic nu ë Jeruthalem, gokï thiëi roor piny ë Judaya ëbɛ̈n kekë Thamaria, keek kedhie, ee tuuc kapäc kek ë dɔ̈ŋ.

Romai 14:17

Ciɛɛŋ de Nhialic acie cäm ku acie dëk, ee piathëpiɔ̈u, ku mät, ku piɔ̈nmit ë Wëidït ɣer yiic.

Romai 14:19

Yen ee wok ka ke mät cop ayï ka ke kuɛ̈t bï wok kueet.

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

Romai 5:5

ku aŋäth acïï raan ë tɔ yäär, luɔi cï nhiëër ë Nhialic luööŋ ë wopiɔ̈ɔ̈th në Wëidït ɣer cï gäm wook.

1 Kor 14:12

Ayï week ayadäŋ, na kaarkï ka ke Wëi aläldïïtë, jakï kɔɔr luɔi bä wek wöör në kuɛ̈t bä wek ɣön ë Nhialic kueet.

1 Kor 14:26

Jɔ aa ŋö, wek mïthëkɔckuɔ? Të guɛ̈ɛ̈r wek tëtök, week wedhie, ŋɛk ade din ë Debid, ku de ŋɛk wëët, ku de ŋɛk thoŋ mɛɛn, ku de ŋɛk kë cï nyuöth en, ku de ŋɛk puŋ puk en jam. Yak käŋ tɔ loi kedhie në këde kuɛ̈t bï kɔc kuet.

2 Kor 10:8

Ku na ya cak rɔt leec aläl në riɛlda (riɛl ë gëmë Bɛ̈nydït wook në këde kuɛ̈t bï wo week kueet, ku acie këde thuur bï wo we thuöör piny) ke yɛn cïï duëër yäär.

2 Kor 12:19

Cöök däŋ an, yak lueel an, konyku röt ë wenïïm ë caŋawën? Wok jam ë Nhialic nɔm ë Kërtho yic. Ku ka luelku kedhie, wek kɔc nhiaar, ee ka ke kuɛ̈t bï we kueet.

2 Kor 13:10

Yen a gäär ɛn kakë ke ya liu ë weyiic, ke we cä bï dhil nen ë nën rac miäk të cän bɛ̈n, ago riɛl cïï Bɛ̈nydït gäm ɛn, ago aa këde yïŋ de käŋ, ku acie këde dhuur ë käŋ piny.

2 Kor 7:1

Yen ka, ënɔn ciɛth wok wokë ka cï lueel an, bï ke gäm wookë, wek kɔc nhiaar, yok röt waak në acuɔl ëbɛ̈n acol ë guöp ku acol ë wëi, ku yok wopiɔ̈ɔ̈th tɔ ɣer abïk dikëdik në riëëu de Nhialic.

Epethiei 4:12

Aa looi në luɔi bï kɔc ɣerpiɔ̈ɔ̈th a dikëdik, ku në luɔi de kuny ee kɔc röt kony, ku në kuɛ̈t bï guöp de Kërtho kueet.

Epethiei 4:16

Ago guöp dït ëbɛ̈n në yen në duöt cï e duut apiɛth abï lɔ kuendek, në yomnyïïn ëbɛ̈n yomnyïïn cath në yen, acït luɔi ee ka ke raan guöp looi ëbɛ̈n, kënë ke luɔide ku kënë ke luɔide, ago guöp dït abï rɔt yïk ë nhiëëric.

Epethiei 4:29

Ë cïn jam nhiɛɛny ee bɛ̈n bei ë wethook, ë ye jam piɛth etök, jam duëër kɔc kueet ë kë dak keek, ke kɔc piŋ en ke ke bï dhuëëŋdepiɔ̈u yök.

Epethiei 5:21

Ë ŋɛk ë tɔ̈u ë ŋɛk cök në riëëu riëëu wek Kërtho.

Nyöŋ 12:10

Të la wek wɛ̈ɛ̈r de Jordan teem Bɛ̈nydït abï week tɔ nöm piny ku rɛ̈ɛ̈rkï ëtɛ̈ɛ̈n. Abï week kony në kɔc ke aterdun tɔ̈u ë welɔ̈m. Ku abï we gäm mät.

Pilipoi 2:1

Ku na de muŋdepiɔ̈u nu ë Kërthoyic, ku na de luŋdepiɔ̈u nu, luŋ bɔ̈ ë nhiëëric, ku na de määth ë Wëidït nu, ku na de kokdepiɔ̈u nu.

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

1 Theth 5:11

Yen aa wek wepiɔ̈ɔ̈th muk wapäc, ku yak röt kueet wapäc, acït man aa wek e looi ayadäŋ.

1 Tim 1:4

Ku duökï päärëkɔ̈ɔ̈r ee piŋ, ayï jam de rɛm thɛɛr, jam cïn pëkde, ee kak ee teer bɛ̈ɛ̈i tei, ku acïkï kɔc ee tɔ kuet në ka ke Nhialic ku në gäm: jɔ keek aa yɔ̈ɔ̈k wuya, mɛnhdï.

Ɣeberuu 4:9

Nhialic akɔɔr wook, wok kɔcke buk lɔ̈ŋ në Yen ëtök cït lɔ̈ŋde në kööl ë Thabath ɣɔn thöl En piny ë cäk.

Jocua 21:44

Ago Bɛ̈nydït ke gäm mät cït man wään cï en ë thɔ̈n kuarken. Acïn raan tök në kɔc de kek ater cï kɔ̈ɔ̈c bɛ̈n lëu në kenïïm, në biäk ë cïï Bɛ̈nydït ke gäm tiëm.

Juda 1:20

Ku week, we kɔc nhiaar, yak röt yïk ë gämduön cä we gam, gäm ɣeric ë wic, ku yak lɔ̈ŋ në Wëidït ɣer,

Bäny 3:30

Ee köölë Yithriɛl acïk kɔc ke Mowap tiaam go piny dɛk mät në run kathiërbɛ̈t 80.