Luɔi 9:17 - JAM DE NHIALIC 2011

¹⁷ Go Anania jäl, le ɣöt, na wën, ke thɛny ecin ë yenɔm, ku lueel an, “Thaulo mɛnhkäi, yɛn aa tooc Bɛ̈nydït Yecu, raan ë tiëc tëde yïn kueer wään bï yïn eenë, yen aa toc ɛn, ke yï bï piny bɛ tïŋ, ku bä thiäŋ në Wëidït ɣer.”

Luɔi 9:17 ပူးပေါင်းရင်းမြစ်များ

Cäk 45:4

Go Jothep lɛ̈k keek an, “Wek läŋ, cuötkï röt ë yalɔ̈ɔ̈m tëthiɔ̈k.” Agokï röt cuöt në yelɔ̈ɔ̈m. Ago Jothep lɛ̈k keek an, “Ee yɛn Jothep mänhëduön wään bäk ɣɔ̈c Ripë.

Math 19:13

Na wën, ke mïththiaakäŋ ke ke bïïyë tëde yen an, bï ecin thany ë kegup, ku lɛ̈ŋ: go kɔcpiööcë ke jɔ̈ɔ̈ny.

Mak 5:23

go lɔ̈ŋ arëët an, “Nyandiën thiinë acï tiaam akɔɔr thuɔɔu, yïn läŋ, an, bä, thanyë yïcin ë yeguöp, ke bï guöp waar, ago pïïr.

Mak 6:5

Ku acïn luɔi ril duëër looi ëtɛ̈ɛ̈n ee yecin thany ë kɔc tök gup kɔc liaakäŋ tei, tɔ ke dem.

Luk 1:41

Na wën, aacï Elithabeth thiëc de Meri piŋ, ke meth jɔt rɔt ë yeyäc, go Elithabeth thiäŋ ke Wëidït ɣer:

Luk 1:67

Go Dhekaria wun go thiäŋ ke Wëidït ɣer, ku jɔ wël guiir an:

Luk 1:76

“Ku yïn, wëndï, yïn bï cɔl tiët de Nhialic Awärjäŋ: Yïn bï kɔn lɔ ë Bɛ̈nydït nɔm tueŋ, bä kuɛɛrke lɔ looi.

Luk 15:30

Ku ënɔn cï wënduönë bɛ̈në, wën cï wëuku thiäi wei kekë akɔɔrröör, ke jɔ näk miɔɔr a lɔ jöt, miɔɔr cuai.’

Luk 15:32

Ee këpiɛth yen dɔl dɔl wok ku mitku piɔ̈ɔ̈th: wänmuuthë aacï thou, ku jɔ bɛ pïïr, aacï määr, ku beyë yök.”’

Luk 2:11

Konyduön ë wëi acï dhiëëth ee köölë Pänydït de Debid, yen Kërtho Bɛ̈nydït.

Luɔi 10:36

Jam cïï Nhialic tuöc kɔc ke Yithriɛl, ke guiir mät në Yecu Kërtho, yen aye Bɛ̈nydït nu ë kɔc nïïm kedhie.

Luɔi 13:3

Na wën, aa cïk cäm bɛ rɛɛc, ku lɛ̈ŋkï, gokï kecin thany ë kenïïm, ku tɔkï ke jël.

Luɔi 13:52

Go kɔcpiööcë piɔ̈ɔ̈th miɛt aläl, ku thiëŋkï në Wëidït ɣer.

Luɔi 19:6

Ku të cï Paulo yecin thany ë kegup, ke Wëidït ɣer ke ke bɔ̈ ë kegup, agokï jam gɔl në thook lei, ku guiirkï wël ke Nhialic.

Luɔi 2:4

Agokï thiäŋ në Wëidït ɣer kedhie, ku jɔkï jam në thok lei, acït man cï Wëidït ɣer e gäm keek bï kek jam.

Luɔi 21:20

Na wën, aa cïk e piŋ, ke ke jɔ Nhialic lɛc nɔm, ku yöökkï an, “Kɛ̈në tïŋ ënɔɔnë, mɛnhwääda, kut dït ë Judai cï gam, nɔn juëc kek aläl, ku nɔn lëth kek yiic ë baŋ de löŋ kedhie.

Luɔi 26:15

Guɔ thiëëc an, ‘Ee yïn ŋa, Bɛ̈nydït?’ Go bɛ̈ɛ̈r an, ‘Ee Yɛn Yecu, raan yɔŋë.

Luɔi 4:31

Na wën, aa cïk lam, ke piny nieŋ rɔt të wën cï kek guëër thïn, agokï thiäŋ në Wëidït ɣer kedhie, ku jɔkï jam ë Nhialic guiir në ŋeeny.

Luɔi 6:6

Gokï ke tääu ë tuuc nïïm: na wën aa cïk lɔ̈ŋ, ke ke thɛny kecin ë kegup.

Luɔi 8:17

Ku jɔkï kecin thany ë kegup, agokï Wëidït ɣer nööm.

Luɔi 9:18

Na wën, ee tëthiinë, ke käŋ ë ke jɔ lööny piny ë yenyin kacït kuɛc, ago bɛ yïn, ago rɔt jɔt, ku baptith,

Romai 15:7

Yen aa wek röt dɔm wapäc, acït nɔn cï Kërtho wook dɔm ayadäŋ, ke Nhialic bï leec.

1 Kor 15:47

Raan tueŋ aa bɔ̈ piny, ee këde piny: raan lɔ ë yecök, ee Bɛ̈nydït bɔ̈ paannhial.

1 Kor 15:8

Na wën, ë kɔc cök kedhie, ke jɔ tïc tëde yɛn ayadäŋ, acït man ë kë ë dhiëth ke ye athɔ̈ɔ̈rbei.

1 Kor 9:1

Cä ye tuc? Cä ye cath ë këde yenhdï? Kɛ̈n Yecu Kërtho Bɛ̈nydïïtda tïŋ? Week, cäkï ë luɔidï ë Bɛ̈nydïtic?

1 Tim 4:14

Du yïnɔm tɛɛk piny në miɔ̈c cath ke yïn, miɔ̈c wään cï gäm yïn në guiëërë wël ku thäny cï röördït yï thany ë kecin.

1 Tim 5:22

Du yïcin ee dap thany ë raan nɔm, ku du ye mɛt ë karɛc ke kɔc kɔ̈k yiic: ye rɔt muk ke yï lɔ piɔ̈u wai.

2Tim 1:6

En a täk ɛn yïnɔm, luɔi bï yïn miɔ̈c de Nhialic aa kooth abï dëp apiɛth cït man ë mac, miɔ̈c cath ke yïn në thäny cän yï thany ë yacin.

Pile 1:16

Ku cïï bï bɛ ciët man ë lïm tei, abï lïm wöör, ee mɛnhkui nhiaar, arëk ɛn a nhiaar aläl, ku yïn, cïï nhiaar ë nhiëër wär nhiëër nhiaar ɛn en, ë yeguöp ku në Bɛ̈nydïtic aya!

Ɣeberuu 6:2

Cït nɔn e yï wëët ke jool kithiic ku thɛ̈ny de cin ë kɔc nïïm, ku wëët në kë de jön bï kɔc cï thou röt jɔt ë thuɔɔuwic, ku guiëër ë löŋ ee tɔ̈u athɛɛr.

2 Pet 3:15

Ku jakï liɛɛr ë Bɛ̈nydïïtda piɔ̈u tɔ ye kunydewëi, acït man cï Paulo mɛnhkënëdan nhiaar e gäär week, në këde pɛlënɔm cï yiɛ̈n en.