Luɔi 9:16 - JAM DE NHIALIC 2011

¹⁶ Ku abä nyuöth kajuëc bï dhil guum në baŋ de rinkï.”

Luɔi 9:16 ပူးပေါင်းရင်းမြစ်များ

Yith 33:1

Amawoou në kɔc ke aterda! Wek ee käŋ riɔ̈ɔ̈k ku wek kënë ë riɔ̈ɔ̈k, wek ee käŋ rum ku wek kënë ë rum. Ku aköölkuön ke rum de käŋ ku riäk de käŋ abï thök, ku keek gupken abïï keek bɛ rum ku riäk keek.

Math 24:9

E aköölkë ke we bï yiɛ̈n kɔc, kɔc bï we luöi kërac, ku näkkï week abäk thou, ku we bï maan ë juöör ëbɛ̈n në baŋ de rinkï.

Math 5:11

Thieithieei ë week, të lɛ̈ɛ̈të kɔc week, ku të yɔŋë kɔc week, ku të ciëk kek wethook ë jam rac ëbɛ̈n, jam lueth, në baŋdï.

Jɔn 15:20

Takkï wenïïm në jam cä lɛ̈k week an: ‘Lïm acï bɛ̈nyde wär ë dït.’ Të cï kek a yɔŋ, ka bïk we yɔŋ ayadäŋ, ku të cï kek jamdï döt, ka bïk jamdun döt ayadäŋ.

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”

Luɔi 21:11

Na wën, ke bɔ̈ të nu wok, bï ku nööm thiön wën ee Paulo e yic duut, ku duut rɔt, cin ku cök, ku jɔ lueel an, “Në Wëidït ɣer alëyɔ̈ɔ̈ an: Raan de ye thiönë abïï Judai nu ë Jeruthalem duut aya, ku jɔkï yiɛ̈n Juöör.”

Luɔi 21:13

Go Paulo bɛ̈ɛ̈r an, “Eeŋö luɔikï wäkya, abäk a tɔ cuän piɔ̈u në dhiëndun? Acie mäny mɛcë ya ë Jeruthalem en gam etök, ayï thuɔɔu acä gam aya, në baŋ de rin ke Bɛ̈nydït Yecu.”

Luɔi 21:4

Na wën, aa cuk kɔcpiööcë yök ëtɛ̈ɛ̈n, ke wo jɔ rëër ëtɛ̈ɛ̈n ë nïn kadhorou. Go kɔckë Paulo yɔ̈ɔ̈k në Wëidït an, cïï Jeruthalem bï käcic.

Luɔi 9:14

Ku acath ke riɛl ee tënë tëde bänydït ke ka Nhialic, bï kɔc bɛ̈n mac kedhie kɔc ee rinku cɔɔl.”

Luɔi 9:6

Go lath, guöp ku pɛ̈u piɔ̈u, go thiëëc an, “Bɛ̈nydït, eeŋö kɔɔr kë bä looi?” Go Bɛ̈nydït lueel an, “Jɔt rɔt, lɔ pänydït, yïn bï lɛ̈k kë bä looi.”

2 Kor 6:4

Wo ye röt tɔ ye kɔc piɛth në këriëëc ëbɛ̈n, acït man ë kɔc ë ka ke Nhialic looi, në liɛɛr dïït ë wopiɔ̈ɔ̈th, në katuc dhal wook, në ka dak wook, në ka giŋ wook.

1 Theth 3:3

ke cïn raan bï rɔt yal në biäk de katuc dhal wookë: luɔi ŋiɛc wek en wegup, nɔn ee yen biäk de kakë yen ë dɔmë wo.

2Tim 1:12

En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.

2Tim 3:11

ku yöŋ ee ya yɔŋ, ku katuc cä guum, ka cä yök ë Antiokia, ku Yikoniom, ku Luthera, yöŋ ë yɔŋë yɛn ëtɛ̈ɛ̈n: ku Bɛ̈nydït acï a luök ë keyiic kedhie.

1 Pet 4:14

Tën ee we cäk thook në biäk de rin ke Kërtho, ka ye thieithieei week, Wëi ke dhuëëŋ ku Wei ke Nhialic ë ke rɛ̈ɛ̈r ë wegup: ee ke bï aa läät tëde keek, ku ye dhuëëŋ tëde week.

Nyuuth 1:9

Yɛn Jɔn, mɛnhkënëdun, ku ya raan ee mat wokë week ëtök në këtuc ë wo dhal, ku yok mat ëtök aya në ciɛɛŋ de Yecu Kërtho ku në liɛɛr ë yenpiɔ̈u, yɛn aa nu tuur cɔl Patmo, në baŋ de jam ë Nhialic ku në luɔi aa yɛn cäätɔ në këde Yecu Kërtho.