Luɔi 8:7 - JAM DE NHIALIC 2011

⁷ Jɔɔk rac acïk bɛ̈n bei ë kɔc juëc gup, kɔc cïk dɔm, ke ke cöt ë röl dït, ku dem kɔc juëc cï duany, ayï ŋöl.

Luɔi 8:7 ပူးပေါင်းရင်းမြစ်များ

Yith 35:6

Ŋɔl abï kɛɛc nhial ku cöŋ, ku kɔc cïï jam lëu abïk kïïu në miɛtëpiɔ̈u. Awɛɛŋ ke pïïu abïk wat jɔ̈ɔ̈ric,

Math 10:1

Na wën, aacï kɔckɛn ë piööcë cɔɔl, kɔc kathiëër ku rou, ke ke gëm riɛl bï kek jɔɔk rac cieŋ, bïk ke ciëëc bei, ku gëm keek riɛl bï kek juäi tɔ dem ëbɛ̈n ayï jɔɔk nu ë kɔc gup.

Math 11:5

Cöör ayïnkï, ku ŋöl aciɛthkï apiɛth, kɔc de gup wɛth acïk gup waar, mïŋ apïŋkï, kɔc cï thou acï ke jat nhial ka cïk pïïr, ku kɔc kuanynyïïn aye ke guiëër wëlpiɛth.

Math 4:24

Ago rinke ɣet piny ë Thiriya ëbɛ̈n, gokï kɔc tök bɛ̈ɛ̈i të nu yen kedhie, kɔc cïï juäi dɔm, juäi kithic, ayï kɔc cï cuil gup në kë cath ke keek, ayï kɔc cïï jɔɔk rac dɔm, ayï kɔc cïï nok dɔm, ayï kɔc cï duany, go ke tɔ waar.

Mak 9:26

Go jɔŋ rac kiiu, ku tɔ meth lɔ juɔ̈kläŋ, ku jɔ bɛ̈n bei: arëk abï ë tëdït ë kɔc juëc e lueel an, “Raan acï thou!”

Luk 10:17

Na wën, ke kɔc kathiërdhorou ku rou ke ke jɔ kenïïm dhuny, ke ke mit piɔ̈ɔ̈th, ku jɔkï lueel an, “Bɛ̈nydït, aɣɔ̈l jɔɔk rac ayek këda gam në rinku!”

Jɔn 14:12

Wek yɔ̈ɔ̈k ëyic an: Raan gam ɛn, ke ka luɔɔi abï keek aa looi ayadäŋ, acakaa luɔi wär ee kakë abï keek aa looi, luɔi la yɛn tëde Wääda.

Luɔi 5:16

Ku kut dïït ë kɔc acïk bɛ̈n bei ë wuöt nu ë Jeruthalem këc aya, ke ke bïï kɔc tök ku kɔc cïï jɔɔk rac dɔm: agokï dem kedhie.

Luɔi 8:6

Na wën, ke kuut ë kɔc ë ke gam ka lueel Pilip në piɔ̈n tök, wään piŋ kek göök cï looi ku tïŋkï keek.

Ɣeberuu 2:4

Ku kë cïk lueel acïï Nhialic nyɔk ë nyuöth nyooth Yen en ayadäŋ në göök ke gäi, ku në tëŋ tek En miɔ̈c de Wëidït ɣer cït kë kɔɔr ë piɔ̈nde.