Luɔi 8:30 - JAM DE NHIALIC 2011

³⁰ Go Pilip kat le të nu yen, go piŋ ke kuen këcïgɔ̈ɔ̈r ë tiët Yithaya. Go thiëëc an, “Ŋic thar ë ke kuen?”

Luɔi 8:30 ပူးပေါင်းရင်းမြစ်များ

Diɛt 119:32

Abä them aläl bä lööŋku aa döt, në biäk bï Yïn yɛn gäm yöŋ de käŋ yiic dït.

Wɛ̈ɛ̈t 9:10

Ye këduön loi looi apiɛth në riɛldu ëbɛ̈n, në biäk liu ë luɔi ku täk ku ŋïnydekäŋ ayï pɛlënɔm paan ë thuɔɔu wën bï yïn lɔ thïnë.

Math 13:19

Të piŋë raan jam de ciɛɛŋ, ku cïï ë yökic, ke jɔŋ dïït rac bɔ̈, ago kë cï com ë yepiɔ̈u gɔp. Kë cï com ë kueer këc ka.

Math 13:23

Ku kë cï com ë tiɔɔm piɛthic, yen aye raan piŋ jam, ago yökic, go luɔk, kɔ̈k nyin tök abï bɔt bɛ̈ɛ̈i, ku kɔ̈k nyin tök abï thiërdhetem bɛ̈ɛ̈i, ku kɔ̈k nyin tök abï thiërdiäk bɛ̈ɛ̈i.

Math 13:51

Go Yecu ke thiëëc an, “Cäk kakë yök yiic kedhie?” Gokï lueel an, “Ɣɛɛ, Bɛ̈nydït.”

Math 15:10

Na wën, acï kut ë kɔc cɔɔl, ke yöök keek, an, “Piɛŋkï, a bäk yök ë wepiɔ̈ɔ̈th,

Math 24:15

Të cä wek kënhiɛɛny ee käŋ riɔ̈ɔ̈k tïŋ, kë cï lueel ë tiët Danyel, të cä wek e tïŋ akääc tëɣeric (raan kuen jam tɔ yökic apiɛth).

Mak 13:14

Të cä wek kënhiɛɛny ee käŋ riɔ̈ɔ̈k tïŋ, kënhiɛɛny cï lueel ë tiët Danyel, të cä wek e tïŋ ke kääc të cïï en duëër kɔ̈ɔ̈c, (Raan kuen në ye cök ë piŋ eenë!) Ke kɔc nu Juda ë ke kɔt ke ke lɔ ë kuurdït yiic:

Jɔn 4:34

Go Yecu ke yɔ̈ɔ̈k an, “Luɔi luɔi ɛn këde piɔ̈n ë raan ë toc ɛn, ayï thöl bän luɔide thöl, yen aye këcamdï.

Jɔn 5:39

We ye kacïgɔ̈ɔ̈r cök ë kuɛɛn wek keyiic, luɔi aa wek e lueel an, yak pïïr athɛɛr yök në keyiic, ku kakë ayek cäätɔɔkï,

Luɔi 8:27

Go rɔt jɔt ku jël: ku ade mony ë Ethiopia, mony cï roc, ku ye bɛ̈nydïït de naamdɛn dït ë Kandake cök, tiiŋ melik de Ethiopia, ku nu monyë ë wëu nïïm kedhie, wëu ke tiiŋ melik, ku aacï bɛ̈n Jeruthalem bï bɛ̈n lam,

Luɔi 8:29

Na wën, ke Wëidït ë jɔ Pilip yɔ̈ɔ̈k an, “Lɔ tëthiɔ̈k, mätë rɔt kɔc ke abëlë yic.”

Luɔi 8:31

Go lueel an, “Duɛ̈ɛ̈r ŋic adï, të cïn en raan bï a bɛ̈n nyuööth?” Go Pilip lɔ̈ŋ an, bä nhial, nyuc ë yalɔ̈ɔ̈m.

Luɔi 8:5

Ku lɔ Pilip pänydïït cɔl Thamaria, le kɔc guiëër Kërtho.

1 Kor 14:19

Ku në yɛn an, aŋuän luɔi bän wël kadhïc lueel ɣön ë Nhialic wokë ŋïnydekäŋ, luɔi bän kɔc kɔ̈k wɛ̈ɛ̈t aya, awär aguum ke wël kathiëër në thoŋ mɛɛn, në wël dhal kɔc.

Epethiei 5:17

Yen duö wek röt tɔ ye kɔc mum nïïm, yak röt tɔ ye kɔc ŋic këde piɔ̈n ë Bɛ̈nydït.

Nyuuth 13:18

Pɛlënɔm kï. Raan ŋic käŋ ë kuen kuën ë lɛ̈n rac, luɔi ee yen kuën ë raan: ku kuënde ee bot kadhetem ku thiërdhetem ku dhetem.