Luɔi 8:27 - JAM DE NHIALIC 2011

²⁷ Go rɔt jɔt ku jël: ku ade mony ë Ethiopia, mony cï roc, ku ye bɛ̈nydïït de naamdɛn dït ë Kandake cök, tiiŋ melik de Ethiopia, ku nu monyë ë wëu nïïm kedhie, wëu ke tiiŋ melik, ku aacï bɛ̈n Jeruthalem bï bɛ̈n lam,

Luɔi 8:27 ပူးပေါင်းရင်းမြစ်များ

1 Mel 10:1

Na ɣɔn aa piŋ tiiŋ melik ë Ceba lɛc de Tholomon në këde dhuëëŋ de rin ke Bɛ̈nydït, ke bɔ̈ bï bɛ̈n them në thiëc ril.

Diɛt 68:29

në baŋ de luaŋduön nu ë Jeruthalem, të ye meliik Yïn yiɛ̈n miɔ̈c.

Diɛt 68:31

Abï kɔc ke Rip yɔ̈ɔ̈k bïk miɔ̈c de maläŋ bɛ̈ɛ̈i, ku kɔc ke Kuc abïk kecin täär Nhialic ke ke läŋ.

Diɛt 87:4

Yɛn bï Rip kekë Babilon tääu thïn ku kɔc ke Pilithiin kekë Tayer ku kɔc ke Kuc, abä keek kuɛɛn ë kɔc ceŋ Jeruthalemic të la Yɛn juöör ee Yɛn riëëu gɔ̈ɔ̈r rin.

Yith 18:7

Kööl abɔ̈, kööl bïï Bɛ̈nydït de rɛm miɔ̈c de dɔm tëde kɔc ke piny cï tekic në kiɛɛr, jur ril aläl, kɔc bär ku tɛ̈ckï gup, kɔc ye kɔc riɔ̈ɔ̈c në keek ë piny nɔm. Abïk bɛ̈n ë kuur ë Dhiɔn nɔm, të ye Bɛ̈nydït de rɛm lam thïn.

Yith 43:6

Yɛn kɔc ke biäk të lɔ rut yɔ̈ɔ̈k bïk ke tɔ jël, ku kɔc ke wöuwic cïkï keek bï pëën, takkï kɔckï puk röt në piiny mec yiic piiny mec nu ë piny nɔm.

Yith 45:14

Aye Bɛ̈nydït lɛ̈k kɔc ke Yithriɛl an, “Kuɛth de Rip ku Ethiopia abï ya këdun, ku kɔc bär ke Theba abïk aa lïïmku, abïk yïn kuany cök në kuɛɛt. Abïk kenïïm guöt piny në yïnɔm ku gamkï awɛ̈ɛ̈cken ‘Nhialic atɔ̈u ke yïn, yen yetök yen ee Nhialic.

Yith 60:3

Juöör abï ke bɛ̈ɛ̈i në manydu nɔm, ayï meliik abïk bɛ̈n adurduur de köölduön ë piac ruu.

Yith 60:6

Thɔ̈rɔ̈ɔ̈l juëc abïk bɛ̈n, piny de Midian ku Eepa. Ku abïk bɛ̈n në Ceba abïk bɛ̈n, ke ke muk adhɛ̈p ke ke bïï adhääp ku wal ŋïr. Kɔc abïk Bɛ̈nydït leec në biäk de kë cïï looi!

Yith 66:19

ku abïk ŋic nɔn ee Yɛn ee kɔc luöi këtuc. “Ku yɛn bï kɔ̈k pɔ̈l në keyiic ku tuɔɔc keek në juöör yiic ëbɛ̈n, ë piiny mec yiic, kɔc kën kɛkdï kɔn piŋ, ku kënkï dïtdï ku riɛldï tïŋ: të lɔ Tarcic, ku Put, ku Ludia, kekë kɔckɛn ŋic muny de dhaŋ, ku lee Tubal ku Girikii. Në ye juöörkë yiic abïk dïtdï lɔ luɛɛl.

Jeremia 13:23

Duëër raan ë Kuc kïn de yen guöp waar, duëër kuac kïtke nyaai? Na lëukï, ke week wek kɔc ee karɛc looi, wek duëër yith ŋic ë luɔi.

Jeremia 38:7

Na wën ke Ebedmelek, raan de Kuc, ee roc lui ɣön ë bääny yic, acï piŋ nɔn cï kek yɛn tääu ë yithic. Ku kaamë, melik aa loi gööny në Kal Thoŋ de Benjamin.

Jeremia 39:16

bä Ebedmelek lɔ yɔ̈ɔ̈k raan de Ethiopia nɔn cï Bɛ̈nydït de rɛm, Nhialic de Yithriɛl ye lueel an, “Cï man cän ye lueel, abä looi, yɛn bï ee pänydïïtë yiɛ̈n riääk ke cie kuɛth. Ku të le ee kënë rɔt looi, yïn bï tɔ̈u ëtɛ̈ɛ̈n ke bä tïŋ.

Dhep 3:10

Ayï kɔckiën cï thiäi piny, kɔc cieŋ wɛ̈ɛ̈r ë Ethiopia yɔu abïk A bɛ̈n gäm miɔ̈cden.

Math 12:42

Tiiŋ melik nu të lɔ wöuwic abï rɔt jɔt kekë rem de ënɔɔnë ëkööl ë guiëërëlöŋ, ago yiëk yeth gääk, acï bɛ̈n ë piny thar bï pɛl ë Tholomon nɔm bɛ̈n piŋ, ku tiëŋkï, raan kï eenë, raan wär Tholomon.

Jɔn 12:20

Ku nu Girikii töktöök ë kɔc yiic, kɔc wään lɔ lam ëkööl ë Dhuëëŋ:

Luɔi 8:28

ku dhuny enɔm ke rɛ̈ɛ̈r ë abëlde yic abël biic, ke kuen gäär ë tiët Yithaya yic.

Nyöŋ 30:13

Ku acie kë tɔ̈u ë wɛ̈ɛ̈r lɔŋtui, aguɔkï lop, an, “Eeŋa bï lɔ ë wɛ̈ɛ̈r lɔŋtui bï lɔ bɛ̈ɛ̈i ku bï bɛ̈n lɛ̈k wook agoku jɔ riëëu?

Ɣeberuu 11:8

Aye gäm de yic aŋäth yen aa tɔ Abraɣam riëëu cɔ̈t cï Nhialic ye cɔ̈ɔ̈l bei wunden, ku leer wun cïï Nhialic lɛ̈k en an bï gäm en. Ago bɛ̈n jäl ku nyiëëŋ wunden piny ke kuc të le yen thïn.