Luɔi 8:24 - JAM DE NHIALIC 2011

²⁴ Go Thimon bɛ̈ɛ̈r an, “Läŋkï Bɛ̈nydït në këdï, ke bï ciën kë bï bɛ̈n ë yaguöp në ka wën cäk lueel.”

Luɔi 8:24 ပူးပေါင်းရင်းမြစ်များ

Cäk 20:17

Ago Abraɣam Nhialic lɔ̈ŋ, go Nhialic Abimelek tɔ piɔl guöp kekë tiiŋde, ku diäär lïïmke, gokï mïth dhiëëth.

Cäk 20:7

Ënɔɔnë, dɔ̈kë raan nɔm tiiŋde. Yen ee tiët, abï lɔ̈ŋ në biäkdu ka yïn cï bï thou. Ku na cïï lɔ dɔ̈k nɔm monyde, ke ŋic ëgɔk nɔn bïn thou wekë kɔcku kedhie.”

1 Mel 13:6

Go melik Jerobowam lɛ̈k raan de Nhialic an, “Acï go aa dhääl läŋ Bɛ̈nydït Nhialicdu në biäkdï, ku thiëc bï köŋdï tɔ waar!” Go raan de Nhialic lɔ̈ŋ në biäkde go kök waar cït man wën.

Edhr 6:10

Agokï dɛ të bïï kek miɔ̈c ye Nhialic de paannhial tɔ mit piɔ̈u gam, ku lɛ̈ŋkï në pial de guöp de Melik kekë wɛ̈ɛ̈tke.

Edhr 8:23

Goku thek ku läŋku Nhialicda, ago lɔ̈ŋda piŋ.

Jop 42:8

Ë nɔɔnë, nöm miöör kadhorou, ku nyök amɛ̈l kadhorou, yiɛ̈n ë ke Jop bï ke lɔ gam ke ke ye miɔ̈c näk, ku lɛ̈ŋ në biäkdun, ku Yɛn bï lɔ̈ŋde piŋ, ku wek cä bï yɔ̈ɔ̈r gup në ayär röŋ ke week. Wek kën jam në yith në biäkdï cït man ë yen.”

Bɛ̈n 10:17

Ku ënɔɔnë, pälkï yɛn ee kërɛɛcdiënë, ku läŋkï Bɛ̈nydït Nhialicdun takï nyɛɛi këtuucë tëde yɛn, ee kë nɛ̈k.”

Bɛ̈n 12:32

Kuathkï ɣɔ̈kkun ku thökkun, ku jälkï. Ku lak läŋkï në biäk bï ya thieei ayadäŋ.”

Bɛ̈n 8:8

Ago melik Mothe cɔɔl kekë Aron ku lëk keek an, “Läŋkï Bɛ̈nydït ke bï agueek nyaai, ku yɛn bï kɔckun puɔ̈l ajäl lek Bɛ̈nydït näk.”

Jeremia 37:3

Na wën ke melik Dhedekia, ë toc Jeɣukal wën de Celemia, ku Dhepania wën de Maathia, bɛ̈ny de kake Nhialic, bïk tiët Jeremia luɔp në luöi bï yen Bɛ̈nydït Nhialicda lɔ̈ŋ, në biäk ë jurda.

Jeremia 42:2

Agokï lɛ̈k tiët Jeremia an, “Loi kë lɛ̈kku yïn! Läŋ Bɛ̈nydït Nhialicda ë biäkda. Läŋë ë biäkda wodhie, wok kɔc cï poth. Ɣɔn thɛɛr wok juëc, ku ënɔɔnë, wok cï döŋ ke wo lik cït man woi yïn en.

Kuɛ̈n 21:7

Go kɔc ke Yithriɛl bɛ̈n tëde Mothe, ku luelkï an, “Wok cï wööc, në biäk cïï wok yï jääm guöp, ku jiëëmku Bɛ̈nydït guöp. Ku ënɔɔnë, läŋ Bɛ̈nydït bïï karɛc nyaai në woyiic. Go Mothe lɔ̈ŋ në biäk de kɔc.

Jakop 5:16

Yen aa wek awɛ̈ɛ̈c gam ë röt wapäc, ku yak lɔ̈ŋ në röt wapäc, ke we bï dem. Pal ë raan piɛthpiɔ̈u, pal cath ke riɛl, en aye kajuëc tiaam.

1 Tham 12:19

agokï lɛ̈k Thamwɛl an, “Bɛ̈ny, läŋ Bɛ̈nydït Nhialicdu, ke wo cïï bï thou. Ku ënɔɔnë acuk ŋic, na ciɛk dɛk karɛckuɔn kɔ̈k, ke wok cï wäc në baŋ cïï wok melik kɔɔr.”

1 Tham 12:23

Na yɛn, yɛn cï kuëëŋ në Bɛ̈nydït nɔn bän aa lɔ̈ŋ në biäkdun. Kë bä looi ee luɔi bän we piööc bäk këpiɛth ku yic aa looi.