Luɔi 7:49 - JAM DE NHIALIC 2011

⁴⁹ ‘Kë lueel Bɛ̈nydït kï an paannhial yen aye thöönydï, Ku piny yen aye kën aa yɛn acök dhɔ̈ɔ̈r: Ee ɣönou bäk yiëk ɛn? Ku të duɛ̈ɛ̈r ɛn lɔŋ thïn akou?

Luɔi 7:49 ပူးပေါင်းရင်းမြစ်များ

1 Mel 22:19

Go Mikaya ŋoot ke jam an, “Ënɔɔnë piɛŋkï kë lueel ë Bɛ̈nydït! Yɛn cï Bɛ̈nydït tïŋ ke rɛ̈ɛ̈r ë thöönyde nɔm paannhial, kekë tuucnhialke ke ke rɛ̈ɛ̈r ë yelɔ̈ɔ̈m

1 Mel 8:27

“Ku bï Nhialic rëër ë pinynɔm ë yic? Paannhial ku të nhial, acïï Yï duëër lëu ë muk, ku Luaŋdïït cä yïk duëër Yï muk adï? Cïï koor aläl?

2 Lëk 6:18

“Ee yic Bɛ̈nydït duëërë rëër ë tök wekë röör ku diäär ë piny nɔm? Ei, acakaa paannhial acï yic lääu arëët arëk abï Yïn lɛɛr, ka Luaŋdït cä yïkë, duëër Yïn jɔ lɛɛr adï?

Diɛt 11:4

Bɛ̈nydït anu luaŋdɛn ɣeric, thöny de Bɛ̈nydït anu paannhial. Ku nyïïnke adɛɛikï, ku ayek mïth ke kɔc them, ku aŋickï kë loikï.

Yith 66:1

Aye Bɛ̈nydït lueel an, “Të nhial yen ee thööcdï ku piny nɔm yen ee të Yɛn a cök dhɔ̈ɔ̈r. Ee ɣön yïndï, duɛ̈ɛ̈rkï yiɛ̈k ɛn, ku ye të yïndï duɛ̈ɛ̈r ɛn rëër thïn?

Jeremia 23:24

Acïn raan duëër thiaan të cän ye duëër tïŋ. Cäkkï ŋic nɔn nuö Yɛn ë piny nɔm ëbɛ̈n paan nhial ku piny?

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Math 23:22

Ku raan luel gutguut në paannhial, aluel gutguut në thööny de Nhialic, ku në Raandïït ë rëër ë yenɔm aya.

Math 24:2

Go Yecu ke yɔ̈ɔ̈k an, “Cäkï kakë woi kedhie? Wek yɔ̈ɔ̈k ëyic an, acïn kuur töŋ bï döŋ ë kuur däŋ nɔm ee tënë, kuur cï bïï dɛɛny piny.”

Jɔn 4:21

Go Yecu lueel an, “Tiiŋë, gam këdï an, ade kööl bï bɛ̈n kööl bä wek Wääda lam thïn, ku acie kuurë nɔm, ku acie Jeruthalem aya.

Nyuuth 3:21

Raan ee tiam, abä tɔ nyuc kekë yɛn ëtök ë thöönydï nɔm, cït man cän tiam aya, aguɔ jɔ nyuc wokë Wäär ëtök ë thöönyde nɔm.