Luɔi 7:32 - JAM DE NHIALIC 2011

³² ‘Yɛn ee Nhialic de kuarkun, Nhialic de Abraɣam, ku Yithaak, ku Jakop.’ Go Mothe lath guöp, ku jɔ riɔ̈ɔ̈c ë daai bï en bɛ daai.

Luɔi 7:32 ပူးပေါင်းရင်းမြစ်များ

Cäk 26:24

Ago Bɛ̈nydït tïc tëde en në ë wɛ̈ɛ̈r man töŋë, ku lëk en an, “Ee Yɛn Nhialic de Abraɣam wuur, duk riɔ̈c, Yɛn tɔ̈u wo yïn. Yïn bä thieei, ku gäm yïn mïth juëc, cït man wään cän en thɔ̈n lïmdiën Abraɣam.”

Cäk 50:24

Ago Jothep lɛ̈k mïthëkɔcken an, “Yakï cï thiɔ̈k wo thuɔɔuwë, Nhialic abï we lɔ̈ɔ̈k tiit, ku löök we bɛ̈ɛ̈i bei piny ë Rip. Ku abï we lɛɛr piny wään cï thɔ̈n Abraɣam kekë Yithaak ku Jakop.”

1 Mel 19:13

Na wën, aacï Elija ye piŋ, ke dut e nyin ë lupɔdɛn ë kɔ̈u, ku le biic, le kɔ̈ɔ̈c ë kök thok. Go röl bɛ̈n tëde yen, lueel, an, “Eeŋö loi eenë, Elija?’

Jop 4:14

ku dut riɔ̈ɔ̈c ɛn abïï yomkï thieeriic.

Diɛt 89:7

Nhialic ye ë riɔ̈ɔ̈c në amat ë tuucnhial ɣeriic yic, ayek kɔ̈ɔ̈c në Yïnɔm kedhie ke ke lɛthë keek.

Bɛ̈n 3:15

lɛ̈kë kɔc ke Yithriɛl an, Ee Bɛ̈nydït Nhialic de kuarkun, Nhialic de Abraɣam kekë Yithaak, ku Jakop yen ë tuc ɛn week. Kek rinkï ka anandï, rin bï rɛm Ya aa cɔɔl në rɛm bɔ̈ ciëënë yiic ëbɛ̈n.

Bɛ̈n 3:6

Ee Yɛn Nhialic de kuarkun, Nhialic de Abraɣam kekë Yithaak ku Jakop.” Go Mothe riɔ̈ɔ̈c luɔi bï yen Nhialic woi, go yenyin kum.

Bɛ̈n 33:20

Yïn cä bï tɔ tïŋ A nyin, në luɔi cïn en raan ee Ya tïŋ nyin ku be pïïr.

Bɛ̈n 4:5

Go Bɛ̈nydït lɛ̈k en an, “Lɔ luöiyë kɔc ke Yithriɛl ee kënë ke bïk gam nɔn ee yen Bɛ̈nydït, Nhialic de kuarken yen ë cï tuöl tëde yïn, Nhialic de Abraɣam kekë Yithaak, ku Jakop.”

Math 17:6

Na wën, aacï kɔcpiööcë e piŋ, ke ke gut kenïïm piny, acïk piɔ̈ɔ̈th päu.

Math 22:32

“Yɛn ee Nhialic de Abraɣam, ku ya Nhialic de Yithaak, ku ya Nhialic de Jakop? Nhialic acie Nhialic de kɔc cï thou, ee Nhialic de kɔc pïïr.”

Math 22:46

Ku acïn raan cï këde Yecu bɛ̈n lëu ë bëër, ku gɔl ëkööl manë guöp lee tueŋ acïn raan cï ye bɛ thiëc käŋ.

Luk 5:8

Na wën, aacï Thimon Petero ye tïŋ, ke cuɛt rɔt piny ë Yecu cök, ku jɔ lueel an, “Bɛ̈nydït, jël ë yalɔ̈ɔ̈m, yɛn ee raan ee kërac looi!”

Luɔi 3:13

Nhialic de Abraɣam ku Yithaak ku Jakop, Nhialic de kuarkuɔ, yen acï wëndɛn Yecu gäm dhuëëŋ, raan wään cäk yiɛ̈n miric, ku cäk rɛɛc ë Pilato nɔm, wään cï en löŋde teem an, pɛ̈l.

Luɔi 7:31

Na wën, aacï Mothe ye tïŋ, ke gäi në kë cï tïŋ: go lɔ tëthiɔ̈k le gɔɔk apiɛth, go röl de Bɛ̈nydït tuöl, ku yöök an:

Ɣeberuu 11:16

Aake tit të tueŋ, wun ŋuän cï kiëët paannhial, yen kë cïï Nhialic ë yäär ka, të cɔɔl kek En ke Ye Nhialinyden.

Nyuuth 1:17

Na wën, aa cä ye tïŋ, ke ya jɔ wïïk ë yecök cït man ë kë cï thou. Go ciin cuënyde tääu ë yaguöp, yöök ɛn, an, “Du riɔ̈ɔ̈c: yɛn ee tueŋ, ku ya ciëën.