Luɔi 7:30 - JAM DE NHIALIC 2011

³⁰ Na wën, aacï run kathiërŋuan thök, ke tunynhial ë Bɛ̈nydït tul tëde yen ë jɔ̈ɔ̈ric jɔ̈ɔ̈r thiääk ke kuur de Thinai, tul ke ye many dɛ̈p ë tim cekic.

Luɔi 7:30 ပူးပေါင်းရင်းမြစ်များ

1 Mel 19:8

Go Elija rɔt jɔt, ku ciëm ku dëk, na wën, ke jɔ cath ë riɛl ë kuïnë akööl yiic kathiërŋuan ku wɛ̈ɛ̈r yiic kathiërŋuan le Thinai, kuur ë Nhialic.

Diɛt 66:12

Yïn cï kɔc ke aterda, tɔ dum wook, wok cï tëëk në macic kekë amool, ku ënɔɔnë Yïn cï wo bɛ̈ɛ̈i tëde kuɔɔny.

Bɛ̈n 3:6

Ee Yɛn Nhialic de kuarkun, Nhialic de Abraɣam kekë Yithaak ku Jakop.” Go Mothe riɔ̈ɔ̈c luɔi bï yen Nhialic woi, go yenyin kum.

Bɛ̈n 7:7

Ku run ke Mothe aake ye thiërbɛ̈t, të ɣɔn jiɛɛm kek në melik. Ku run ke Aron aake ye thiërbɛ̈t ku diäk.

Yith 43:2

Të tëëk yïn në pïïuwiic të thiäŋ, Yɛn bï tɔ̈u wo yïn, kadhal yïn acïkï yïn bï tiaam. Të tëëk yïn në macic, yïn cïï bï nyop, këril them yïn ëbɛ̈n acïn kë bïï luöi yïn.

Yith 63:9

në nuɛɛnken yiic ëbɛ̈n. Aa cie tunynhial, ee Yen Bɛ̈nydït guöpde Yen aa kony keek. Në nhiëërde ku kok de piɔ̈nde acï ke bɛ̈n kony. Aa ye keek gël ë ceŋ në run wään cï tëëk,

Danyel 3:27

Go kɔc kedhie, wɛ̈ɛ̈t meliik, ku bäny ke wuöt, ku bäny ke melik bɛ̈n, bïk wäthii kadiäk bɛ̈n woi, në luöi kën ë mac ke nyop, ku acïn aŋuäc de tol ë kegup.

Malakai 3:1

Go Bɛ̈nydït de rɛm ke yɔ̈ɔ̈k an, “Piɛŋkï, Yɛn bï tunydï tuɔɔc tueŋ, le kueerdï kiɛm piny. Ku bïï löŋdiën cï mac bɛ̈n caal, yen tuny nhiaarkï. Ku ëtɛ̈ɛ̈n, Bɛ̈nydïïtduön kaarkï abï dap guɔ bɛ̈n Luaŋdït ëthiäu.

Mak 12:26

Ku në këde kɔc cï thou, jön jɔt kek röt, kɛ̈nkï kueen ë awerek de Mothe yic, luɔi cï Nhialic jam kekë yen ë butic an, “Yen ee Nhialic de Abraɣam, ku ya Nhialic de Yithaak, ku ya Nhialic de Jakop.’

Luk 20:37

Ku jön ee kɔc cï thou jɔt, en acï Mothe nyuöth week në gäärdɛn ɣɔn gɛ̈ɛ̈r në këde but, ɣɔn cï en Bɛ̈nydït tɔ ye ‘Nhialic de Abraɣam, ku Nhialic de Yithaak, ku Nhialic de Jakop.’

Luɔi 7:17

Na wën, aacï kööl cïï Nhialic mac kekë Abraɣam guɔ thiɔ̈k, ke kɔc ë ke jɔ rɔt ŋuak abïk juëc arëët paan ë Rip.

Luɔi 7:31

Na wën, aacï Mothe ye tïŋ, ke gäi në kë cï tïŋ: go lɔ tëthiɔ̈k le gɔɔk apiɛth, go röl de Bɛ̈nydït tuöl, ku yöök an:

Luɔi 7:32

‘Yɛn ee Nhialic de kuarkun, Nhialic de Abraɣam, ku Yithaak, ku Jakop.’ Go Mothe lath guöp, ku jɔ riɔ̈ɔ̈c ë daai bï en bɛ daai.

Luɔi 7:35

“Yen Mothe guöp raan wään cïk rɛɛc an, ‘Eeŋa ë tɔ yïn ee bɛ̈ny ë wonïïm, bɛ̈ny bï löŋda guiir?’ Yenguöp acïï Nhialic tooc, bï aa bɛ̈ny bï keek cieŋ, ku kony ke, në tunynhial ë tul tëde yen ë butic.

Galatai 4:25

Ku Ɣagarë en aye kuur ë Thinai nu paan de Arab, ku athööŋ ke Jeruthalem nu ënɔɔnë: ka ye tɔ̈u ke ye lïm kekë mïthke.

Nyöŋ 33:16

Tɔ pinyden thiäŋ kekë këriëëc piɛth ëbɛ̈n, kë cï thieei në piath de Bɛ̈nydït. Raan ee jam në bun dɛ̈pic, tɔ ë athiɛɛiyë bɔ̈ tëde dhiën de Jothep. Në baŋ wään ee yen bɛ̈ny në mïthëkɔcken yiic.

Nyöŋ 4:20

Ku wek ee kɔc ë luɛ̈kë bei në Rip, yen manydïït ë wëëth dɛ̈p. Aa bïï week bei, bïï week bɛ̈n tɔ ye kɔcke, cït man tɔ̈u wek ee köölë.