Luɔi 7:23 - JAM DE NHIALIC 2011

²³ Të cï en run thöl kathiërŋuan, ke jɔ piɔ̈u dɛ luɔi bï en kɔcken neem, kek kɔc ke Yithriɛl.

Luɔi 7:23 ပူးပေါင်းရင်းမြစ်များ

2 Lëk 30:12

Ku Nhialic aa tɔ̈u ayadäŋ kekë Juda, go keek gäm piɔ̈n tök, bïk këde piɔ̈nde looi, gokï jam de melik kekë bänyke riëëu.

Edhr 1:1

Na ɣɔn ë ruöön tueŋ cïï Thairuth Melik de Perthia aa Melik de Babilon, go Bɛ̈nydït Melik Thairuth gut piɔ̈u, në biäk bïï jam aa yic, jam wään cïï Bɛ̈nydït lueel në röl ë tiët Jeremia an bïk bɛ̈n ciëën. Ago Thairuth tɔ gɛ̈ɛ̈r këdäŋ piny, ku tɔ kë cï gɔ̈ɔ̈r ciɛɛlë ë wuötke yiic kedhie, ku kën ë gɛ̈ɛ̈r kï:

Edhr 1:5

Na wën ke röördït ke dhiën nïïm ke Juda kekë Benjamin, ku bäny ke kake Nhialic, ku Lebai acïk röt coc, raan ëbɛ̈n raan cï Bɛ̈nydït gut piɔ̈u, bïï jäl ku le ɣön de Bɛ̈nydït yïk në Jeruthalem.

Edhr 7:27

Go Edhera lueel an, “Thieithieei Bɛ̈nydït Nhialic de kuarkuɔ, Raan cï kë cït ee kënë tääu në Melik piɔ̈u bïï Luaŋdït tɔ̈u ë Jeruthalem guiir apiɛth.

Bɛ̈n 35:21

Ku ëtɛ̈ɛ̈n, raan ëbɛ̈n, raan de piɔ̈u miɔ̈c ë Bɛ̈nydït bɛ̈n yiɛ̈n miɔ̈c de miɛtëpiɔ̈u looiyë paany de mät. Agokï këriëëc aa bɛ̈ɛ̈i ëbɛ̈n, këriëëc kɔɔr rɔt në biäk de läm, ayï biäk de lupɔɔ ɣeriic ke bäny ke kake Nhialic.

Bɛ̈n 35:29

Kɔc ke Yithriɛl de piɔ̈ɔ̈th miɔ̈c kedhie, diäär ku röör acïk miɔ̈c de miɛtëpiɔ̈u bɛ̈n yiɛ̈n Bɛ̈nydït, looiyë ke luɔi cï lɛ̈k Mothe.

Bɛ̈n 4:18

Go Mothe yenɔm puɔ̈k Jethro, monywun, ku lëk en an, “Tɔ ya puk a nɔm Rip të nu kɔckuɔ la ke tïŋ na ŋootkï ke ke pïr.” Go Jethro gam, ku pot kueer.

Bɛ̈n 7:7

Ku run ke Mothe aake ye thiërbɛ̈t, të ɣɔn jiɛɛm kek në melik. Ku run ke Aron aake ye thiërbɛ̈t ku diäk.

Kɛ̈ŋ 21:1

Piɔ̈n ë bɛ̈ny acït kuëër ë pïïu ke kiir aye Bɛ̈nydït Awärjäŋ wɛl nɔm të kɔɔr.

Luɔi 15:36

Na wën, aa cïk nïn lɛɛr, ke Paulo yöök? Baranaba an, “Jɔku wonïïm bɛ dhuny lok mïthëkɔckuɔ bɛ neem ë pänydït yiic ëbɛ̈n të wään ee wok jam ee Bɛ̈nydït guiir thïn, ke wo bï täu tɔ̈u kek tïŋ.”

Luɔi 7:24

Na wën, ke tïŋ raan tök ë keek acï dui ë ɣɔ̈ric ku jɔ luök, go këde raan cï kuöc cieŋ guöör, yup mɛnh ë Rip nɛ̈k.

2 Kor 8:16

Ku thieithieei Nhialic Raan ë tɛ̈ɛ̈u lɛ̈thë yic manë guöp ë Tito piɔ̈u në biäkdun.

Jakop 1:17

Miɔ̈c piɛth ëbɛ̈n, ku miɔ̈c cï dikëdik ëbɛ̈n, abɔ̈ tënhial tëde Nhialic, ke lööny piny tëde Aciëŋ de ɣɛɛrëpiny, Raan cïï yepiɔ̈u ee pɔ̈ɔ̈k, ku cïn atïptïïp de yäl de rɔt.

Nyuuth 17:17

Ee luɔi cï Nhialic löŋ tääu ë kepiɔ̈ɔ̈th, bïk këde piɔ̈nde looi, ke löŋden bï kït, agokï ciɛɛŋden gäm lɛ̈n rac, a thöökë wël ke Nhialic ë luɔi.