Luɔi 7:10 - JAM DE NHIALIC 2011

¹⁰ ago luök në ka cï e miɛn ëbɛ̈n, ku gëm dhuëëŋ ku pɛlënɔm ë melik nɔm, yen aaye melik de Rip, ago dɔm abï aa bɛ̈nydït nu ë Rip nɔm ku dhiënde nɔm ëbɛ̈n.

Luɔi 7:10 ပူးပေါင်းရင်းမြစ်များ

Cäk 39:21

Ku Bɛ̈nydït atɔ̈u ke Jothep, ku ye Jothep nyuöth nhiëër agɔk. Ku tɔ nhiɛɛr ë raan ee kɔc mac tiit.

Cäk 42:6

Ku Jothep yen aaye bɛ̈ny ë Rip ëbɛ̈n. Ee yen ë ye agamɔ ɣɔ̈c kɔc ke piny nɔm ëbɛ̈n. Ago mïthëkɔcken ë Jothep bɛ̈n, ku tukkï kemiöl në Jothep nɔm. Ku gutkï kenïïm piny.

Cäk 44:18

Go Juda lɔ tëde Jothep, ku lëk en an, “Bɛ̈ny, yïn läŋ an tɔ ya jam wo yïn cït man ë kë kaar. Ku du piɔ̈u bï diu we yɛn. Në biäk thööŋ yïn we melik guöpde.

Cäk 48:16

Abï tunynhial ke thieei, tunynhial ɣɔn luäk ɛn në karɛciic ëbɛ̈n. Ku abïk ŋoot ke ke ye cɔ̈l ɛn, ku cɔ̈lë ke wärkuɔ: yï Abraɣam kekë Yithaak. Ku abïk nïïm dɛ mïth juëc arëët, ku dekï nïïm mïth ke mïthkɛn juëc!”

1 Mel 8:50

Ku pälë kɔckuön cï Yï luöi awäc awänyden. Tɔ kɔc ke aterden ye piɔ̈ɔ̈th kok në keek.

Diɛt 22:24

Acïï kɔc kuanynyïïn ee päl wei, Acïï rɔt ee thiaan në keek, aye ke piŋ thook të cɔɔl kek en.

Diɛt 37:40

Aye ke kuɔny ku luɛ̈k keek, aye ke kony në kɔc rac, në luɔi ye kek lɔ tëde yen bïï ke gël.

Kɛ̈ŋ 16:7

Raan cïï Bɛ̈nydït piɔ̈u miɛt ke yen, aye Bɛ̈nydït kɔc ke aterde puk ke ke ye määthke.

Kɛ̈ŋ 2:6

Ee Bɛ̈nydït Yen ee pɛlënɔm gam, ku ŋïnydekäŋ ee bɛ̈n tëde Yen, ayï yöŋ de käŋiic.

Kɛ̈ŋ 3:4

Të le yïn e looi aya, Nhialic, ayï kɔc abïk piɔ̈ɔ̈th miɛt në yïn.

Jeremia 39:12

“Lɔ kɔɔr Jeremia ku tiit apiɛth. Du lui kërac, ku luöiyë kë ye kɔɔr ëbɛ̈n.”

2Tim 4:18

Ku Bɛ̈nydït abï a luök ë luɔi racyic ëbɛ̈n, ku jɔ a muk aɣet ciɛɛŋdɛn nu paannhial. Ë dhuëëŋ ë ye tɔ̈u kekë yen aɣet athɛɛr ya! Amiin.

Jakop 5:11

Tiëŋkï, wo ye kɔc ee käŋ guum tɔ ye kɔc cï thieei. We ye guöm cï Jop käŋ guum piŋ, ku we cï thök de luɔi de Bɛ̈nydït tïŋ, ŋïny ŋicë Bɛ̈nydït kɔc kuanynyïïn, ku luɔi ee yen piɔ̈u dap kok.

Nyuuth 7:14

Guɔ lueel, an, “Bɛ̈ny, aŋic yïn.” Ago pɔ̈k nɔm ɛn, an, “Kɔckë ee kɔc ë bɔ̈ bei ë këtucdïït ë ke dhalic, ku acïk lupɔɔken waak, tɔkï ke ɣer ë riɛm de Nyɔŋamäälic.