Luɔi 5:9 - JAM DE NHIALIC 2011

⁹ Go Petero yɔ̈ɔ̈k an, “Eeŋö aa wek wethook mat, bäk Wëi ke Bɛ̈nydït bɛ̈n them? Tïŋ, cök ke kɔc wën cï monydu lɔ thiɔ̈k, kek ka ɣöt thok, ku abïk yï lɛɛr biic aya!”

Luɔi 5:9 ပူးပေါင်းရင်းမြစ်များ

Cäk 20:13

Na ɣɔn cööl ë Nhialic ɛn bei pinyda, ku leer ɛn piny lei, ke lɛ̈k tiiŋdï an, ‘Yen luɔiduön bïn riëëu rïïu yïn ɛn nyuɔɔth kï, tëde en raan lɔ yï luɔp në yɛn, ke luel an ee wänmääth.’”

2 Mel 6:32

Go melik tuc tuöc Elica. Ku Elica aa rɛ̈ɛ̈r ɣönde ke röördït cï ye bɛ̈n neem. Ku të wën ŋoot ë raan cï melik tooc ke kën ɣëët, acï Elica lɛ̈k röördït, an, “Raan ee kɔc luc ë ya tuöc raan bï ya bɛ̈n nɔ̈k, na le bɛ̈n ee tënë ke we thiök ɣöt thok, ku duökï tɔ bɔ̈ ɣöt, melik athiɔ̈k ë yecök ciëën.”

Diɛt 50:18

Të cïï yïn cuɛ̈ɛ̈r tïŋ yïn ee määth we yen ku yïn ee mat wekë akɔɔrdiäär.

Diɛt 78:56

Ku acïk bɛ̈n gɔ̈th ë Nhialic Awärjäŋ, ku tɛ̈ɛ̈ukï në thëmic, akënkï lööŋke riëëu,

Bɛ̈n 17:2

Agokï dok në Mothe luelkï an, “Gämë wo pïïu dekku.” Go Mothe puk nɔm an, “Eeŋö tɔ we dok? Eeŋö thɛ̈mkï Bɛ̈nydït?”

Bɛ̈n 17:7

Go ëtɛ̈ɛ̈n cäk an Matha ku Meriba (ku rinkë aluelkï thëm ku dok). Në luɔi ë cïï mïth ke Yithriɛl dok ku themkï Bɛ̈nydït, wën ye kek lop an, “Tɔ̈u Bɛ̈nydït ke wook ku liiu?”

Kɛ̈ŋ 11:21

Ŋiɛckï ëgɔk nɔn cïï kɔc ee karɛc looi bï pɔ̈l ke ke kënë kuum, ee kɔc piɛth piɔ̈ɔ̈th kek bï kony wëi.

Kɛ̈ŋ 16:5

Raan ee rɔt lɛɛc ëbɛ̈n ee kërɛɛcdïït mɛɛn Bɛ̈nydït, ku acïï bï poth ke kënë luöi këtuc.

Maika 7:3

Acïk luɔi de kërac ŋic aläl kedhie, ku bäny ayek ariöp cɔɔl. Ku bäny ee lööŋ guiir ayek kumthok nööm. Ku kɔc ril acïk kethook mat kedhie, ku ayek kë kɔɔrkï tɔ loi.

Kuɛ̈n 14:22

acïn raan tök në ee kɔckë yiic bï tɔ̈u abï ɣet piny cä than. Acïk riaudïït lɔ wic tïŋ, riau de dhuëëŋdï, ku tïŋkï göökdït ke gäi ɣɔn bä looi Rip, ayï jɔ̈ɔ̈ric ayadäŋ, ku ŋootkï ke ke ye ya them ë cieŋ, ku reeckï këdï gam.

Math 4:7

Go Yecu yɔ̈ɔ̈k an, “Acï bɛ gɔ̈ɔ̈r an, ‘Du Bɛ̈nydït Nhialicdu them.”’

Luk 16:2

Go cɔɔl, ku yöök an, ‘Ee käŋö ee kënë kë cä piŋ tëde yïn? Kuɛ̈në ya ka ke luɔiduön ë dhiën, yïn cïï bï bɛ aa raan nu ë dhiëndï nɔm.’

Luɔi 15:10

Na ënɔɔnë, eeŋö thɛ̈mkï Nhialic, bäk këthiek tääu ë kɔcpiööcë yiëth, këthiek cï wärkuɔ dhal ë jöt ayï wook?

Luɔi 5:6

Go dhuök röt jɔt, ku dutkï ë lupɔ, gokï lɛɛr biic lek thiɔ̈k.

Romai 10:15

Ku bïk aa guiir adï, të kënë ke tooc? Acït man cï e gɔ̈ɔ̈r an, “Eeŋö cï kɔc cök dikëdik alë, kɔc ee wëlpiɛth guiir, wël ke mät, kɔc ë wëlpiɛth guiir, wël ke këpiɛth!”

Romai 3:19

Na ënɔɔnë, aŋicku, an, kë lueel löŋ, aye lɛ̈k kɔc rɛ̈ɛ̈r ë löŋic ke kɔc ë ke bï kethook ruɔɔt kedhie, ago piny nɔm ëbɛ̈n yiëk yeth gääk ë Nhialic nɔm.

1 Kor 10:9

Ku duku Kërtho them aya, cït man cï kɔc kɔ̈k ë keyiic e them, ago karɛc ke nɔ̈k.