Luɔi 5:34 - JAM DE NHIALIC 2011

³⁴ Na wën, ke raan tök jɔt rɔt ë löŋic, ee raan ë Parithai, cɔl Gamaliɛl, raan ë kɔc wɛ̈ɛ̈t ë löŋ, arïïuwë kɔc kedhie, raanë acï rɔt jɔt, ku yöök keek an, bï tuuc tɔ lɔ biic tëthiinakäŋ.

Luɔi 5:34 ပူးပေါင်းရင်းမြစ်များ

Diɛt 76:10

Agönh de kɔc ee rɔt puk ke ye lɛc leecë Yïnɔm tei, kɔc bï pïïr në tɔɔŋ thook, abïk Yïn aa luöi dhuëëŋ.

Jeremia 26:16

Go bäny ku kɔc lɛ̈k bäny ke kake Nhialic ku tït an, “Mony aa jam ke wook në rin ke Bɛ̈nydït Nhialicda, acïï duɛ̈ɛ̈rë nɔ̈k.”

Jeremia 26:17

Go röördït kɔ̈k röt jat nhial, ku jɔkï lɛ̈k kɔc cï guëër an,

Jeremia 36:25

Cakaa nɔn cïï Elnathan, ku Delaya, ku Gemaria melik lip nɔn cïï yen awerek bï nyop, akën jamden bɛ̈n piŋ.

Luk 2:46

Na wën, aa cï nïn aa diäk, ke jɔkï yök ë Luaŋdït yic, ke rɛ̈ɛ̈r ë kɔc yiic cil kɔc ee wëët, ke piŋ këden, ku thiëc keek käŋ aya.

Luk 5:17

Na wën, ëkööl tök ë nïnkë yiic, ke wëët kɔc, ku ade Parithai ku bäny ee kɔc wɛ̈ɛ̈t ë löŋ arëërkï ëtɛ̈ɛ̈n, kɔc ë bɔ̈ bei ë bɛ̈i ke Galili kedhie, ku Juda, ku Jeruthalem. Ku cath riɛl ë Bɛ̈nydït kekë yen, bï en kɔc tɔ dem.

Jɔn 3:10

Go Yecu puk nɔm, lueel an, “Ye raan ë Yithriɛl wɛ̈ɛ̈t, ku kuc kakë?”

Luɔi 22:3

“Yɛn ë Judai nɔm ëgɔk, ku yɛn aa dhiëëth ë Tartho ë Kilikia, ku yɛn aa muk ë pänydïïtëyic, ke ya piɔ̈ɔ̈c ë Gamaliɛl, ku ye ya wɛ̈ɛ̈t ë täu de löŋ de kuarkuɔ, täu a gɔk, aguɔ yic lɛ̈th në këde Nhialic, acït man ë wek wedhie ëköölë.

Luɔi 4:15

Na wën, aa cïk ke yɔ̈ɔ̈k an, bïk lɔ biic ë löŋic, ke jɔkï guiir kapäc.

Luɔi 5:21

Na wën, aa cïk e piŋ, ke ke lɔ Luaŋdïtic ɣɔn amiäk të cï piny ruu, lek kɔc wɛ̈ɛ̈t. Go bɛ̈nydïït ë kake Nhialic bɛ̈n kekë kɔc ë tɔ̈u në yen, gokï kɔc ke löŋ caal tëtök, kekë röördït ke kɔc ke Yithriɛl kedhie, ku toockï kɔc aloocic bïk tuuc lɔ bɛ̈ɛ̈i.

Luɔi 5:27

Na wën, aa cïk ke bɛ̈ɛ̈i, ke ke tɛ̈ɛ̈ukï e kɔc nïïm kɔc ke löŋ, go bɛ̈nydïït ë kake Nhialic ke thiëëc,

Luɔi 5:35

Go kɔc yɔ̈ɔ̈k an, “Week, wek röör ke Yithriɛl, tiëŋkï röt ë luɔi an, bäk luöi kɔckë.