Luɔi 5:24 - JAM DE NHIALIC 2011

²⁴ Na wën, ke bɛ̈nydïït ë kake Nhialic, kekë bɛ̈ny ë Luaŋdït, ku bänydït kɔ̈k ë ka ke Nhialic, të cï kek kake piŋ, ke ke jɔ nïïm a cɔ̈ɔ̈t cɔ̈ɔ̈t në këden, në të bï jam nɔm pëk thïn.

Luɔi 5:24 ပူးပေါင်းရင်းမြစ်များ

Yith 9:7

Bäänyde abï lɔ ke dït ciɛɛŋde abï rëër ë mätic anande. Ku abï thööc muk cï kuɛɛrëdan Debid, ku bäänyde abï muk në piathëpiɔ̈u ku yic, gɔl ënɔɔnë aɣet thök de piny. Acïï Bɛ̈nydït de rɛm lueel nɔn bï yen e looi.

Luk 22:4

Go lɔ le jam guiir kekë bäny ke ka ke Nhialic ku bäny ke rem de tɔŋ ke Luaŋdït, në nyiin bï en en yiɛ̈n keek.

Luk 22:52

Go Yecu bänydït ke ka ke Nhialic thiëëc ku thiëëc bäny ke Luaŋdït, ku röördït, kɔc wën bïï tɔŋ tëde yen an, “Cäk bɛ̈n biic cït man ë ka yïn tɔŋ cuɛ̈ɛ̈r, ke we muk abätɛ̈ɛ̈u ku thieec?

Jɔn 12:19

Go Parithai röt yɔ̈ɔ̈k kapäc an, “Kɛ̈nkï tïŋ ënɔɔnë, nɔn cï en kë luɛlkï? Wɔikï, piny ëbɛ̈n acï lɔ ë yecök!”

Luɔi 2:12

Agokï gäi kedhie, acï ke dhal, ku thiëckï röt kapäc an, “Ee käŋö ee kënë?”

Luɔi 4:1

Na wën, aŋootkï ke ke jam në kɔc, go bäny ke ka ke Nhialic ku bɛ̈ny ë rem de Luaŋdït ku Thadokai, bɛ̈n ë keyiic.

Luɔi 4:21

Na wën acïk ke bɛ waai, ke ke pälkï, acïn kë cïk yök kë bï kek ke mac, në baŋ de kɔc, kɔc ëbɛ̈n aake ye Nhialic leec në ke cï looi.

Luɔi 5:23

an, “Alooc acuk yök acï guur ë lɔ dekdek, ku yökku kɔc tit aloc ke ke kääc biic ɣöt thok: na wën, aa cuk e tueer, ke cïn raan yökku thïn!”

Luɔi 5:25

Na wën, ke raan bɔ̈, bï ku lueel an, “Tiëŋkï, kɔc wään cäk tääu ë aloocic akɛ̈ɛ̈ckï ë luaŋdït yic, ke ke wëët kɔc!”

Luɔi 5:26

Go bɛ̈ny ë Luaŋdït lɔ kekë bäny ke rem, lek ku bïïkï ke bei, ku cïkï ke dɔm aril, acïk riɔ̈ɔ̈c ë kɔc, ke ke cïï bï biɔ̈ɔ̈k ë kɔi.