Luɔi 5:16 - JAM DE NHIALIC 2011

¹⁶ Ku kut dïït ë kɔc acïk bɛ̈n bei ë wuöt nu ë Jeruthalem këc aya, ke ke bïï kɔc tök ku kɔc cïï jɔɔk rac dɔm: agokï dem kedhie.

Luɔi 5:16 ပူးပေါင်းရင်းမြစ်များ

Math 2:16

Na wën, acï Ɣerod ë tïŋ nɔn cï ë geet në röör pelnïïm, go gɔ̈th agönh rac, go kɔc tooc, ku tɔ mïthwät nu Betheleɣem näk kedhie, ayï mïth nu bɛ̈i ruup kedhie, cak në mïth cï runken aa rou ayï mïth lɔ ë kecök, cït man cï en ë cök ë lop en en tëde röör pelnïïm.

Math 4:24

Ago rinke ɣet piny ë Thiriya ëbɛ̈n, gokï kɔc tök bɛ̈ɛ̈i të nu yen kedhie, kɔc cïï juäi dɔm, juäi kithic, ayï kɔc cï cuil gup në kë cath ke keek, ayï kɔc cïï jɔɔk rac dɔm, ayï kɔc cïï nok dɔm, ayï kɔc cï duany, go ke tɔ waar.

Math 8:16

Na ɣɔn thëën, acï akɔ̈l lɔ piny, ke ke bïï kɔc juëc tëde yen, kɔc de gup jɔɔk rac, go jɔɔk cieec ë kɔc gup në jam de yenthok, ku tɔ kɔc tök dem kedhie,

Luk 5:17

Na wën, ëkööl tök ë nïnkë yiic, ke wëët kɔc, ku ade Parithai ku bäny ee kɔc wɛ̈ɛ̈t ë löŋ arëërkï ëtɛ̈ɛ̈n, kɔc ë bɔ̈ bei ë bɛ̈i ke Galili kedhie, ku Juda, ku Jeruthalem. Ku cath riɛl ë Bɛ̈nydït kekë yen, bï en kɔc tɔ dem.

Luk 6:18

ayï kɔc cïï jɔɔk rac dɔm, agokï gup waar.

Luk 9:11

Na wën, aacï kut ë kɔc e ŋic, ke jɔkï biɔɔth cök: go keek loor, ku jɔ keek guiëër ka ke ciɛɛŋ de Nhialic, ku tɔ kɔc dem kɔc de kë nu ë kegup.

Jɔn 14:12

Wek yɔ̈ɔ̈k ëyic an: Raan gam ɛn, ke ka luɔɔi abï keek aa looi ayadäŋ, acakaa luɔi wär ee kakë abï keek aa looi, luɔi la yɛn tëde Wääda.

Luɔi 4:30

ku riny yïcin ke kɔc ë ke bï dem, ku tɔ göök loi ku ka ye kɔc ke gäi në rin ke Yecu Wënduön ɣeric”

Luɔi 5:15

Acakaa kɔc tök acï ke bɛ̈ɛ̈i bei, leerë ke ë kuɛɛr yiic, ku tɛ̈ɛ̈uwë keek në ageen nïïm ku thöc nïïm an, bï yiɛ̈n dɛ të le atïptïïp de Petero ë kɔc gup kɔc kɔ̈k ë keyiic, të tëëk en.

Luɔi 5:17

Na wën, ke bɛ̈nydïït ë kake Nhialic ke jɔt rɔt, kekë kɔc ë tɔ̈u në yen kedhie (kek aye rem ë Thadokai), agokï piɔ̈ɔ̈th thiäŋ ë agɔ̈th,

1 Kor 12:9

Ku miɔɔc ŋɛk në gäm, në Wëi manë gup, ŋɛk aye miɔɔc ë riɛl bï en kɔc tök tɔ dem, në Wëi manë gup,

Jakop 5:16

Yen aa wek awɛ̈ɛ̈c gam ë röt wapäc, ku yak lɔ̈ŋ në röt wapäc, ke we bï dem. Pal ë raan piɛthpiɔ̈u, pal cath ke riɛl, en aye kajuëc tiaam.