Luɔi 5:12 - JAM DE NHIALIC 2011

¹² Ku göök juëc ku ka ye kɔc ke gäi acï ke looi ë tuuc cin ë kɔc yiic: go kɔc aa guëër ë piɔ̈n tök ë göl ë Tholomonic.

Luɔi 5:12 ပူးပေါင်းရင်းမြစ်များ

Jeremia 26:9

Eeŋö lueel yïn en, në rin ke Bɛ̈nydït nɔn bï ee Luaŋdïïtë ciët Cilo, ku nɔn bïï ë pänydïïtë riɔ̈ɔ̈k, ku cïn raan bï rëër thïn?” Go kɔc kenïïm kut ë yalɔ̈ɔ̈m.

Mak 16:20

Agokï lɔ, lek wël aa guiir ë baai yic ëbɛ̈n, ku ye Bɛ̈nydït luui kekë keek ëtök, ago jam tɔ ye yic në kagöök ee lɔ̈ɔ̈k tïc ë yecök. Amiin.

Jɔn 10:23

ku piny ee rut. Ku Yecu aa cath ë gɔ̈ɔ̈lic göl ë Tholomon në Luaŋdïtic.

Jɔn 4:48

Go Yecu lueel an, “Të kɛ̈n wek göök tïŋ ayï kake gäi, ka cäkï bï gam anandun.”

Luɔi 1:14

Kɔckë kedhie ayek cool ë lɔ̈ŋ ku pɛlkï në piɔ̈n tök, ke ke cïï bäp, në diäär ëtök, ayï Meri man Yecu, ku mïthëkɔcken ë Yecu.

Luɔi 14:3

Agokï ceŋ ëtɛ̈ɛ̈n ë akööl juëc ku yek wël guiir ke ke ye nyïïn riɛl ë Bɛ̈nydïtic, ago Bɛ̈nydït aa cäätɔ de jam de dhuëëŋ de yenpiɔ̈u, go göök tɔ loi ë kecin, ku ka gɛ̈iyë kɔc.

Luɔi 16:18

Go kënë looi ë akööl juëc. Na wën, ke Paulo diu piɔ̈u, ku puk rɔt, yöök jɔŋë an, “Në rin ke Yecu Kërtho yïn yɔ̈ɔ̈k an, bä bei ë yeguöp.” Go bɛ̈n bei ë thaar manë guöp.

Luɔi 19:11

Go Nhialic göök tɔ loi në cin ë Paulo, göök bï kɔc ke gäi.

Luɔi 2:46

Agokï aa cool ë Luaŋdïtic aköölnyïïn kedhie në piɔ̈n tök, ku yek kuïn wääkic ɣönë ku ɣönë, ku yek këden cam në piɔ̈nmit cïnic ruëëny,

Luɔi 28:9

Na wën, ke kɔc de gup juäi ë tuuric ke ke jɔ bɛ̈n, agokï dem.

Luɔi 3:11

Ago raan wën cï dem go Petero dɔm kekë Jɔn, ago kɔc kedhie kat ëtök lek ë gɔ̈ɔ̈lic të nu kek, gɔ̈ɔ̈l cɔl Göl ë Tholomon, ke ke gäi arëët.

Luɔi 4:30

ku riny yïcin ke kɔc ë ke bï dem, ku tɔ göök loi ku ka ye kɔc ke gäi në rin ke Yecu Wënduön ɣeric”

Luɔi 9:33

Ku yök mony tök ëtɛ̈ɛ̈n, cɔl Ayina, mony ee dhɔt piny në agen nɔm ë run aa bɛ̈t, ke ye aduany.

Luɔi 9:40

Go Petero ke tɔ lɔ biic kedhie, go emiɔl tuk ku lɛ̈ŋ, na wën, ke wɛ̈l enɔm raan cï thou, ku yöök an, “Tabitha, jɔt rɔt!” Go enyin liep: na wën, aacï Petero tïŋ, ke jɔt rɔt rëër.

Romai 15:19

ku në göök ril ayï kake gäi cï looi, në riɛl ë Wëidït ɣer ke Nhialic, ku yɛn a tök, aa gal ë Jeruthalem ku bɛ̈i nu ë yekëc, ale guööt piny de Yilirikum, yɛn ë wëlpiɛth ke Kërtho thöl ë guiëër.

2 Kor 12:12

Ŋïny duëërë ye ŋic nɔn aa yɛn tuc ë guɔ looi ë weyiic në yic në guöm de këriëëc ëbɛ̈n, ku në göök ku ka gɛ̈iyë kɔc, ku luɔi ril ëbɛ̈n.

Ɣeberuu 2:4

Ku kë cïk lueel acïï Nhialic nyɔk ë nyuöth nyooth Yen en ayadäŋ në göök ke gäi, ku në tëŋ tek En miɔ̈c de Wëidït ɣer cït kë kɔɔr ë piɔ̈nde.