Luɔi 4:34 - JAM DE NHIALIC 2011

³⁴ Ku acïn raan në keyiic raan dɛk ë käŋ, kɔc ëbɛ̈n kɔc de nïïm duum ayï ɣööt ke ke ɣɔɔckï, ku jɔkï wëu ke ka cï ɣaac bɛ̈ɛ̈i,

Luɔi 4:34 ပူးပေါင်းရင်းမြစ်များ

Math 19:21

Go Yecu yɔ̈ɔ̈k an, “Na kɔɔr nɔn bï yïn piɔ̈u dikëdik, ke yï lɔ, ɣaacë wëuku, ku miɔc kɔc kuanynyïïn, ku yïn bï dɛ wëu cï kueet paannhial, ku bä kuany a cök.”

Mak 10:21

Na wën, ke woi Yecu guöp, ku nhiɛɛr, go yɔ̈ɔ̈k an, “Ee tök en a dak yïn: lɔ, ɣaacë kaku kedhie, ku miɔc kɔc kuanynyïïn, ke yïn bï dɛ wëu piɛth paannhial: ku bä, jɔt timduön cï rïïu nɔm, ku kuany a cök.”

Luk 12:33

Ɣaackï ka cath në week, ku miackï kɔc kuanynyïïn, yak röt luɔi anyɔŋɔɔ cïï bï dhiap, yak wëu kueet paannhial wëu cïï bï thök, të cïn cuɛ̈ɛ̈r bï ɣëët tëthiɔ̈k, ku të cïn kɔ̈m bï ke riɔ̈ɔ̈k.

Luk 16:9

Ku wek yɔ̈ɔ̈k an, “Yak röt kɔ̈ɔ̈r määthkun në wëu rac ke piny nɔm, na rial, acï kakun dak, ka bïk week nyuööc ë ɣööt bï tɔ̈u athɛɛr yiic.

Luk 22:35

Na wën, ke ke thiëëc an, “Wään tuɔɔc ɛn week ke cïn anyɔŋɔ ë wëu, ku cïn athep ë këcam, ku cïn war, de kë cï we bɛ̈n dak?” Gokï an, “Acïn këdäŋ.”

Luɔi 2:45

Go kɔc duumken ɣaac ayï kaken, gokï ke tɛ̈k kɔc kedhie, të de yen raan dɛkë käŋ.

Luɔi 4:37

monyë ade nɔm dom, go ɣaac, ku bïï wëu, tɛ̈ɛ̈u keek ë tuuc cök.

2 Kor 8:14

Ee kït bä wek kït en akaar an, ënɔɔnë kuɛthdun abï keek kony në kë dak keek, na ëkööl däŋ, ke kuɛthden abï we kony në ke dak week, aguɔkï kït wedhie.

Nyöŋ 2:7

“Ku Bɛ̈nydït Nhialicdun acï luɔi yak looi në wecin thieei yic ëbɛ̈n. Acï week tiit në cäthduön wään cath wek ë jɔ̈ɔ̈r dïïtë yic ëbɛ̈n. Në ee runkë yiic kathiërŋuan Bɛ̈nydït Nhialicdun acï week tiit, ku acïn kë cï dak tëde week.

1 Theth 4:12

Luɔi bä wek rëër ke we lɔ piɔ̈ɔ̈th gɔk në kɔc nu biic, ku cïn kë bï we dak.

1 Tim 6:19

Agokï këdɛn piɛth kueet kë ril thar, kë bï döŋ ëkööl rial, ke ke bï pïïr athɛɛr muk aril, yen pïïr yic.

Jakop 1:27

Riëëu de Nhialic kï, riëëu lɔ yic wai, ku cïnic tënhiany ë Nhialic Wääda nɔm an: Nɛ̈m ee raan abɛɛr ku diëër cïn nïïm röör neem në këdɛn tuc dhal keek, ku luɔi ee raan rɔt ŋiëc muk ke cïn piɔ̈u tëcol ë bïïyë ka ke piny nɔm.