Luɔi 4:32 - JAM DE NHIALIC 2011

³² Ku tɔ̈u kut ë kɔc cï gam në piɔ̈n tök ku në jam tök: ku acïn raan ee ye lueel në ka cath ë yen an, ee kake yenguöp, ayek rɔm ëtök në käŋ kedhie.

Luɔi 4:32 ပူးပေါင်းရင်းမြစ်များ

2 Lëk 30:12

Ku Nhialic aa tɔ̈u ayadäŋ kekë Juda, go keek gäm piɔ̈n tök, bïk këde piɔ̈nde looi, gokï jam de melik kekë bänyke riëëu.

Jeremia 32:39

Ku abä ke gäm täŋ tök në pïïric: ee luɔi bïk kek Yɛn aa riëëu akööliic ëbɛ̈n, në biäk de piathden ku piath de kuatden.

Jɔn 17:11

Ku ënɔɔnë, yɛn cïï be nu ë piny nɔm, ku nu kɔckë ë piny nɔm, ku la tëde yïn. Wäär, Raan ɣeric, muk kɔc në rinku, kɔc cï gäm ɛn, ke ke bï aa raan tök, cït man ë wok wo yïn.

Luɔi 1:14

Kɔckë kedhie ayek cool ë lɔ̈ŋ ku pɛlkï në piɔ̈n tök, ke ke cïï bäp, në diäär ëtök, ayï Meri man Yecu, ku mïthëkɔcken ë Yecu.

Luɔi 2:1

Na wën, aacï kööl ë Thiërdhïc guɔ bɛ̈n, ke ke tɔ̈u tëtök kedhie.

Luɔi 5:12

Ku göök juëc ku ka ye kɔc ke gäi acï ke looi ë tuuc cin ë kɔc yiic: go kɔc aa guëër ë piɔ̈n tök ë göl ë Tholomonic.

Romai 12:5

ayï wook ayadäŋ, wok juëc, ku yok guöp tök ë Kërthoyic, ku wook wodhie wok raan ë röt wapäc.

1 Kor 1:10

Ku ënɔɔnë, wek läŋ, wek mïthëkɔckuɔ, në rin ke Bɛ̈nydan Yecu Kërtho, an, Yak jam tök lueel wedhie, ku ë cïn tëŋ tɛk wek weyiic, ke we bï weyiic mat ëtök ë piɔ̈n tök ku në löŋ tök, löŋ luɛlkï.

2 Kor 13:11

Cöök ciëën, mïthëkɔckuɔ, yak piɔ̈ɔ̈th miɛt. Yak piɔ̈ɔ̈th dikëdik, yak wëlpiɛth tiit, yak tɔ̈u në piɔ̈n tök, yak rëër ëdïu: ku Nhialic de nhiëër ku mät abï rëër ke wek.

Pilipoi 1:27

Yak tɔ̈u apiɛth tei, ke täudun bï aa röŋ kekë wëlpiɛth ke Kërtho, ku na miäk, aa cä bɛ̈n bä week bɛ̈n tïŋ, ku na kɛ̈n bɛ̈n aya, ke yɛn duëër këdun piŋ, nɔn kääc wek aril në piɔ̈n tök, ku nɔn luööi wek arëët në piɔ̈n tök në këde gäm de wëlpiɛth.

1 Pet 3:8

Cöök ciëën, yak tɔ̈u në piɔ̈n tök wedhie, yak piɔ̈ɔ̈th dap dhiau ë röt wapäc, yak röt nhiaar cït mïth ke raan tök, yak piɔ̈ɔ̈th dap kok, yak röt tɔ kor.

1 Pet 4:11

Raan guiir wël, ke ke guiir cït man ee kek wël ke Nhialic, raan loi ka ke kɔc ë looi në riɛl cïï Nhialic yiɛ̈n en: ke Nhialic bï dhuëëŋ yök në Yecu Kërtho ë këriëëcic ëbɛ̈n, Raan de nɔm dhuëëŋ ku ciɛɛŋ aɣet athɛɛr ya. Amiin.