Luɔi 4:20 - JAM DE NHIALIC 2011

²⁰ Ku wo cïï aguiɛɛr duëër pɔ̈l në ka cuk tïŋ ku piŋku ke.”

Luɔi 4:20 ပူးပေါင်းရင်းမြစ်များ

2 Tham 23:2

Wëi ke Bɛ̈nydït ajamkï në yaguöp, jamde atɔ̈u në yathok.

Jeremia 1:7

Go ë Bɛ̈nydït lɛ̈k ɛn an, “Du luel an, ‘yɛn koor arëët,’ lɔ tëde kɔc cä tuöc yïn ëbɛ̈n, ku lɛ̈k ë keek këriëëc cä lɛ̈k yïn bä lɔ lueel.

Jeremia 20:9

Ku të luɛɛl yɛn en an, “Yɛn bï nɔm määr ë Bɛ̈nydït, ku yɛn cïï bï bɛ jam ë rinke,” ke jamdu acït many dɛ̈p ë ya yic thïn. Acä them aläldïïtë në luöi bän ye muk, ku acïn luöi duëër yɛn en bɛ lëu në guöm.

Jeremia 4:19

Arɛɛm! Yɛn cïï arɛɛm bï lëu në guöm! Ya piɔ̈u! Yɛn cï piɔ̈u lɔ lik arëët! Yɛn cïï duëër mim, yɛn cï röl de kɛŋ piŋ akoth, ku awuɔɔu de tɔŋ.

Jeremia 6:11

Agönhduön göth yïn we keek Bɛ̈nydït, ee dëp në ya yic ayadäŋ, ku acïn luöi duɛ̈ɛ̈r ɛn en bɛ muk.” Na wën, go ë Bɛ̈nydït lɛ̈k ɛn an, “Wälë agönhdï në mïth gup në kuɛɛriic ku në amɛɛt ke dhuök yiic. Ku moc ku tik abï keek jat wei, acakaa raandït cï dhiɔp arëët acïï bïï pɔ̈l.

Edhekiɛl 3:11

Ku ëtɛ̈ɛ̈n jɔ lɔ tëde kɔckuön tɔ̈u piny lei, ku lɛ̈kë keek kë luɛɛl, Yɛn Bɛ̈nydït Awärjäŋ. lɛ̈kë keek ee kënë, na bïk piŋ ku na cïkï bï piŋ.”

Amoth 3:8

Të cïï köör ŋäär eeŋa cïï duëër riɔ̈ɔ̈c? Të cïï Bɛ̈nydït Nhialic jam, eeŋa duëër mim ke cïï jamde lueel?

Maika 3:8

Na yɛn, yɛn thiäŋ wokë riɛl ku Wëi ke Bɛ̈nydït. Yɛn cï riit piɔ̈u, ku gëmë ya yic, bän baai de Yithriɛl lɛ̈k awänyden, ku guiëër keek kërɛɛc cïk looi.

Kuɛ̈n 22:38

Go Balaam puk nɔm an, Na cakaa ë nɔn cän bɛ̈në, yɛn cïn nɔm riɛl. Ee ke cï Nhialic lɛ̈k Ɛn aa luɛɛl, yen abä lueel.

Kuɛ̈n 23:20

Yɛn cï yɔ̈ɔ̈k nɔn thiɛɛi Ɛn keek, Acïï Bɛ̈nydït ke thieei ka acä duëër waar.

Luk 1:2

Acït man cï kɔc ë lɛ̈k wook, kɔc wään tïŋ keek ë kenyïïn ɣɔn ciɛkë ke, ku yek kɔc ë ka ke jam ë Nhialic looi.

Luɔi 1:8

Ku we bï riɛl yök, të cï Wëidït ɣer bɛ̈n ë wegup, ku we bï aa cäätɔɔkï ë Jeruthalem, ku Juda ëbɛ̈n, ku Thamaria, ku aɣet të guutë piny thar.”

Luɔi 18:5

Na wën, aacï Thila bɛ̈n Makedonia kekë Timotheo, ke Paulo jieth piɔ̈u, go cök ë guïïr en Judai an, Yecu yen aye Kërtho.

Luɔi 2:32

Yen Yecu manë, yen acïï Nhialic jat nhial, ku wook wodhie wok ee cäätɔɔ në ee cöökë.

Luɔi 2:4

Agokï thiäŋ në Wëidït ɣer kedhie, ku jɔkï jam në thok lei, acït man cï Wëidït ɣer e gäm keek bï kek jam.

Luɔi 22:15

Yïn bï aa cäätɔde ë kɔc yiic kedhie, në ka cï tïŋ ku piŋ ke.

Luɔi 3:15

Bɛ̈nydït ë Wëi acäk nɔ̈k, raan cïï Nhialic jɔ̈t bei ë kɔc cï thou yiic, ku wok ee cäätɔɔ në cöökë.

Luɔi 5:32

Ku wok ee cäätɔɔ në kakë, ayï Wëidït ɣer aya, Wëi cï Nhialic gäm kɔc ë kake piŋ.”