Luɔi 3:26 - JAM DE NHIALIC 2011

²⁶ Ku Nhialic, luɔi cï en Wëndɛn Yecu jat nhial, acï kɔn tuöc week, bï week bɛ̈n thieei, në döŋ bï en we dak wei ë luɔiduön racic, week wedhie.”

Luɔi 3:26 ပူးပေါင်းရင်းမြစ်များ

Diɛt 72:17

Në rin ke melik ë ke cïï mär ë kɔc nïïm, tɔ lɛcde tɔ̈u në täu tɛ̈u ë akɔ̈l. Tɔ juöör ëbɛ̈n thiëëc Nhialic bïï keek thieei, cït man cïï yen melik thieei, ku tɔ ke köör yen miɛtëpiɔ̈u.

Jeremia 31:18

“Yɛn ee kɔc ke Yithriɛl piŋ ke ke jam ë dhiëëuwic an, ‘Bɛ̈nydït wok aake cït lɛ̈n roor, go wo wɛ̈ɛ̈t ë riëëu. Bɛ̈ɛ̈iyë wo ciëën, wok cï röt guiir buk röt pɔ̈k yïn, Yïn Bɛ̈nydït Nhialicda.

Math 1:21

Ku abï mɛwä dhiëëth, ku abä cäk rin, an, Yecu, luɔi bï en kɔcken kony në karɛcken.”

Math 15:24

Go bɛ̈ɛ̈r an, “Yɛn aa cïï tucë kɔc kɔ̈k, yɛn a tucë amɛ̈l cï määr amɛ̈l ke baai de Yithriɛl tei, keek kapäc.”

Luk 24:47

ku an, puŋdepiɔ̈u ku päl ë kërac abï ke ya guiëër juöör ëbɛ̈n në rinke, gɔl ë Jeruthalem.

Jɔn 4:22

Wek ee kë kuöckï lam: ee kë ŋicku yen ayok lam: kunydewëi abɔ̈ tëde Judai.

Luɔi 1:8

Ku we bï riɛl yök, të cï Wëidït ɣer bɛ̈n ë wegup, ku we bï aa cäätɔɔkï ë Jeruthalem, ku Juda ëbɛ̈n, ku Thamaria, ku aɣet të guutë piny thar.”

Luɔi 13:26

“Wek wäthii, mïth ke baai de Abraɣam, ku kɔc nu ë weyiic ëbɛ̈n kɔc riëëu Nhialic, jamë acï tuöc week, jam de Konydewëiyë!

Luɔi 2:24

Yen acïï Nhialic jat nhial, të cï en e luöny bei ë thuɔɔuwic: luɔi dhɛlë thuɔɔu muŋ bï en e muk.

Luɔi 2:32

Yen Yecu manë, yen acïï Nhialic jat nhial, ku wook wodhie wok ee cäätɔɔ në ee cöökë.

Luɔi 26:20

Yɛn ë kɔc nu Damathko kɔn guiëër, na wën, ke ya guïïr kɔc nu Jeruthalem, ku piny ë Juda ëbɛ̈n, ku guiëër Juöör aya, yɔ̈ɔ̈k keek an, bïk kepiɔ̈ɔ̈th puk ku wëlkï kepiɔ̈ɔ̈th Nhialic, agokï käŋ aa looi ka röŋ në puŋdepiɔ̈u.

Luɔi 3:13

Nhialic de Abraɣam ku Yithaak ku Jakop, Nhialic de kuarkuɔ, yen acï wëndɛn Yecu gäm dhuëëŋ, raan wään cäk yiɛ̈n miric, ku cäk rɛɛc ë Pilato nɔm, wään cï en löŋde teem an, pɛ̈l.

Luɔi 3:15

Bɛ̈nydït ë Wëi acäk nɔ̈k, raan cïï Nhialic jɔ̈t bei ë kɔc cï thou yiic, ku wok ee cäätɔɔ në cöökë.

Luɔi 3:20

ago Kërtho tooc, raan wään cï kɔn guiëër week, yen Yecu:

Luɔi 3:22

Mothe ë kuarkuɔ yɔ̈ɔ̈k ë yic an, tiët tök abïï Bɛ̈nyduöndït Nhialic jat nhial ë mïthëkɔckun yiic, acït man ë yɛn, jamde abäk piŋ, jam bï lɛ̈k week ëbɛ̈n.

Luɔi 3:25

Wek ee mïth ke tït, ku yak mïth ke löŋ, löŋ cïï Nhialic mac kekë kuarkuɔ, wään yöök en Abraɣam an, ‘Ku në käu de yïnguöp abï dhiëën ke piny nɔm aa thieei kedhie.’

Romai 1:16

Yɛn cie yäär në baŋ de wëlpiɛth ke Kërtho, kek aye riɛldïït ë Nhialic riɛl ë raan kony wëi ëbɛ̈n raan cï gam, gɔl ë Judai, mɛt Girikii thïn aya.

Romai 15:29

Ku aŋiɛc bɛ̈n bän bɛ̈n tëde wek, nɔn bän bɛ̈n në dït de athiɛɛi de wëlpiɛth ke Kërtho.

Romai 15:8

Aluɛɛl alë an, Kërtho acï aa raan ë aŋueel luööi në baŋ de yic de Nhialic, ke bï ka cï kɔn lɛ̈k kuarkuɔ tɔ ye yith,

Epethiei 1:3

Thieithieei ë Nhialic, Wun Bɛ̈nydan Yecu Kërtho, Raan cï wo thieei ë athiɛɛi de wëi ëbɛ̈n, athiɛɛi de ka ke paannhial, në Kërtho yic.

1 Pet 1:3

Thieithieei Nhialic Wun Bɛ̈nydan Yecu Kërtho, Raan ë be wo tɔ dhiëth në kok kook en piɔ̈u arëët, ku yïn wook aŋäth pïïr në jön cï Yecu Kërtho rɔt jɔt ë kɔc cï thou yiic,

1 Pet 3:9

Duökï kërac ë puk nɔm ë kërac, ku lɛ̈t duökï ee puk nɔm ë lɛ̈t, acie yen, athiɛɛi yen abä wek e puk nɔm, luɔi ŋiɛc wek en an, ë luɔi bä wek athiɛɛi lɔ̈ɔ̈k lak, yen kë ë cöölë week ka.

Juda 1:24

Ku ënɔɔnë, Nhialic Raan ŋic week gël ke we cïï bï aa wïïk, ku ŋïc week tääu ë dhuëëŋde nɔm ke cïn kë bï we gɔ̈k, abäk piɔ̈ɔ̈th a yum aläl,