Luɔi 28:8 - JAM DE NHIALIC 2011

⁸ Ku dhɔt wun Pubilo piny ke juäi, ku cïï thiën ë yäc dɔm aya, ago Paulo lɔ neem, le ɣön nu yen thïn, le ku lɛ̈ŋ, ku jɔ ecin thany ë yeguöp, go tɔ waar.

Luɔi 28:8 ပူးပေါင်းရင်းမြစ်များ

Math 10:1

Na wën, aacï kɔckɛn ë piööcë cɔɔl, kɔc kathiëër ku rou, ke ke gëm riɛl bï kek jɔɔk rac cieŋ, bïk ke ciëëc bei, ku gëm keek riɛl bï kek juäi tɔ dem ëbɛ̈n ayï jɔɔk nu ë kɔc gup.

Math 10:8

Takï kɔc tök dem, takï kɔc cïï wɛth dɔm takï ke waar gup, kɔc cï thou takï ke jɔt röt abïk pïïr, ciëëckï jɔɔk rac bei ë kɔc gup, we cï miɔɔc ë dhuëëŋ, yak miööc ë dhuëëŋ aya.

Math 12:13

Na wën, ke yöök raan an, “Riɛnyë yïcin tueŋ.” Go riɛny tueŋ, ago bɛ piath acït ciindɛn däŋ.

Math 9:18

Na wën, aguïïr keek ee kakë, ke bɛ̈ny tök bɔ̈, ku gut enɔm piny ë yenɔm, ku lueel an, “Nyandï acï thou ënɔnthiin wënë, ku bä tei, thanyë yïcin ë yeguöp, ku abï bɛ ɣɔ̈ɔ̈r.

Mak 16:18

abïk karɛc aa dɔm ë kecin, ku na yek ke deyic awuɔɔk dek, ka cïï keek bï nɔ̈k, abïk kecin aa thany ë kɔc tök gup, agokï waar.”

Mak 5:23

go lɔ̈ŋ arëët an, “Nyandiën thiinë acï tiaam akɔɔr thuɔɔu, yïn läŋ, an, bä, thanyë yïcin ë yeguöp, ke bï guöp waar, ago pïïr.

Mak 6:5

Ku acïn luɔi ril duëër looi ëtɛ̈ɛ̈n ee yecin thany ë kɔc tök gup kɔc liaakäŋ tei, tɔ ke dem.

Mak 7:32

Gokï raan bɛ̈ɛ̈i të nu yen, raan miŋ, ku cie jam apiɛth, gokï lɔ̈ŋ an, bï ecin thany ë yeguöp.

Luk 13:13

Go ecin thany ë yeguöp: na wën, ee tëthiinë, ke jɔ yekɔ̈u rïc, ago Nhialic leec.

Luk 4:40

Na wën aa lɔ akɔ̈l piny, ke kɔc de kɔckɛn tök ë juän kithic ke ke jɔkï bɛ̈ɛ̈i të nu yen, go ecin thany ë raan guöp ëbɛ̈n, ku jɔ ke tɔ dem.

Luɔi 28:7

Ku ade duum ke raandït de tuur raan cɔl Pubilo, thiääk ëtɛ̈ɛ̈n, raanë acï wo nyuööc apiɛth, tɔ wook ee kamaanke ë nïn kadiäk.

Luɔi 28:9

Na wën, ke kɔc de gup juäi ë tuuric ke ke jɔ bɛ̈n, agokï dem.

Luɔi 9:40

Go Petero ke tɔ lɔ biic kedhie, go emiɔl tuk ku lɛ̈ŋ, na wën, ke wɛ̈l enɔm raan cï thou, ku yöök an, “Tabitha, jɔt rɔt!” Go enyin liep: na wën, aacï Petero tïŋ, ke jɔt rɔt rëër.

1 Kor 12:28

Ku Nhialic aye kɔc kɔ̈k tääu ë ɣön ë Nhialic yic, kɔc tueŋ kek aye tuuc, kɔc lɔ ë kecök, kek aye kɔc ee wël guiir, ku lɔ kɔc ee wëët, ku lɔ luɔi ril, ku riɛl bï kɔc aa tɔ dem, ku kuny konyë kɔc röt, ku ciɛɛŋ, ku thook mɛɛn pei.

1 Kor 12:9

Ku miɔɔc ŋɛk në gäm, në Wëi manë gup, ŋɛk aye miɔɔc ë riɛl bï en kɔc tök tɔ dem, në Wëi manë gup,