Luɔi 28:4 - JAM DE NHIALIC 2011

⁴ Na wën, aacï kɔc ke pinyë kërac tïŋ, ke lɔ nornor ë Paulo cin, ke ke jɔ röt yɔ̈ɔ̈k kapäc an, “Raanë ë raan däŋ dhil nɔ̈k, ku ciɛk, an, cï ban ë wɛ̈ɛ̈ric, ka ŋoot ke bï aciɛɛnde nɔ̈k.”

Luɔi 28:4 ပူးပေါင်းရင်းမြစ်များ

Cäk 3:1

Ku kërac aaye län pel awär läi roor kedhie, läi cï Bɛ̈nydït Nhialic cak. Ago kërac tik luɔp an, “Ë yic, cï Nhialic lɛ̈k week an cäkï bï cam në mïth ke tiim ke Dom kedhie?”

Kɛ̈ŋ 28:17

Raan cï riɛk yök në këde raan cï nɔ̈k, abï dhil aa pɔ̈l ke kuany piny ke cïn raan kony en.

Yith 26:21

Bɛ̈nydït abɔ̈ të rëër en thïn paannhial, bï kɔc ke piny nɔm bɛ̈n luöi këtuc në biäk de awɛ̈ɛ̈cken. Kɔc ɣɔn ye luc në cuëër abïk ke nyuɔɔth, ku piny acïï kɔc ɣɔn cï nɔ̈k bï bɛ thiaan.

Yith 43:20

Ayï läi roor abïk A dhuëëŋ guöp, kɔ̈ɔ̈rgɔl ku wuut abïk A piɔɔny, të le Yɛn kiɛɛr tɔ wat ë jɔ̈ɔ̈r yic, ke ya gëm kɔckiën cä lɔc pïïu.

Dhep 2:15

Yen kë ee rɔt looi ka tëde kɔc ee kenïïm ɣääc në riɛlden kapäc, ku yek tak an rëërkï në mätic, ayek ŋic an pänydïïtden, ee yen adït ë pinynɔm, ku yen abï ja aa wun cï riääk cieŋ ë läi roor! Ku raan ëbɛ̈n ee tëëk ë ye këc abïï aa geet ku lɛt ë yeciin.

Math 23:35

Luɔi bï riɛm piɛthic ëbɛ̈n riɛm cï lëu ë piny nɔm, luɔi bï ye kut nɔm ë weyiëth, gɔl ë riɛm de Abel raan piɛthpiɔ̈u aɣët riɛm de Dhekaria wën ë Barakia raan cäk nɔ̈k ë kaam de tëɣeric kekë yïk.

Math 27:25

Go kɔc bɛ̈ɛ̈r kedhie an, “Në riɛmde nu ë woyiëth, ayï mïthkuɔ yiëth!”

Luk 13:2

Go Yecu bɛ̈ɛ̈r, yöök keek an, “Në wek an rac kɔc ke Galilikë, awär kɔc ke Galili kedhie, luɔi cï kek ka cït ee kakë yök?

Luk 13:4

Ayï kɔckë kathiëër ku bɛ̈t, kɔc wään cï aloocdïït bäär nu Thilowam wïïk ë kenïïm, ago ke nɔ̈k ë wek an rackï awär kɔc rɛ̈ɛ̈r ë Jeruthalem kedhie?

Jɔn 7:24

Duökï löŋ ë guiir në kë cï tïc tei, yak löŋ piɛth guiir.”

Luɔi 28:2

Go kɔc de pinyë agokï wo muk apiɛth. Acïk mac kooth, ku tɔkï wook ee kamaan wodhie, luɔi cï deŋ tuɛny, ku de piny wiir.

Luɔi 28:3

Go Paulo dut töŋ ë tiim kuany, na wën, aacï ke tääu mɛɛc, ke deŋakook jɔ bɛ̈n bei në tuöc de mac, go rɔt dɛɛr ë yecin.

Luɔi 28:5

Na wën, ke jɔ kërac tɛŋ mɛɛc tei, ku cïn kërɛɛc cï yök.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”