Luɔi 28:31 - JAM DE NHIALIC 2011

³¹ Aaye keek guiëër ciɛɛŋ de Nhialic, ku ye ke wɛ̈ɛ̈t në ka ke Bɛ̈nydït Yecu Kërtho ke ye nyin riɛl, ku acïn raan ë ye pɛ̈n guiëër.

Luɔi 28:31 ပူးပေါင်းရင်းမြစ်များ

Math 4:23

Go Yecu piny ë Galili caath ëbɛ̈n, aye kɔc wɛ̈ɛ̈t ë ɣöötkɛn ë Nhialic yiic, ke ye ke guiëër wëlpiɛth ke ciɛɛŋ, ku tɔ juäi waar ë kɔc gup juäi ëbɛ̈n, ayï tëtök ëbɛ̈n tëtök nu ë kɔc gup.

Mak 1:14

Na ɣɔn, aacï Jɔn mac, ke Yecu bɔ̈ Galili, ke ye Wëlpiɛth ke Nhialic guiir,

Luk 8:1

Na wën, aacï kakë thök ke jɔ piny caath, ee lɔ ë pɛ̈ɛ̈nydït yiic, ku bɛ̈i yiic, le kɔc aa wɛ̈ɛ̈t ku guïïr keek wëlpiɛth ke ciɛɛŋ de Nhialic: ku cath kɔc kathiëër ku rou në yen,

Luɔi 1:3

ɣɔn cï en käŋ thöl ë guöm, ke jɔ rɔt nyuöth keek ke pïïr. Në kajuëc bïk ŋic ëgɔk, aaye tuöl tëde keek ë nïn kathiërŋuan, ku jɔ ya cool ë luel jam ë ka ke ciɛɛŋ de Nhialic.

Luɔi 20:25

“Ku tiëŋkï ënɔɔnë, wek kɔc aa yɛn ke cath ë weyiic, ke ya guiir ciɛɛŋ de Nhialic, aŋiɛc nɔn cä wek a bï bɛ tïŋ nyin anandun wedhie.

Luɔi 23:11

Na ɣɔnakɔ̈u, ke Bɛ̈nydït jɔ kɔ̈ɔ̈c ë Paulo lɔ̈ɔ̈m, ku lueel an, “Rit yïpiɔ̈u, Paulo, acït man cï yïn aa cäätɔ në këdï ë Jeruthalem, ke yïn bï dhil aa cäätɔ ë Roma aya.”

Luɔi 28:23

Gokï akööl lueel, akööl bï kek bɛ̈n, na wën, ke kɔc juëc ë ke bɔ̈ ɣön rëër en thïn, ago keek guiëër wël, ku lëk keek ka ke ciɛɛŋ de Nhialic, ciɛk ɣɔn amiäk aɣet thëën, anyuth keek ka ke Yecu, ë löŋ de Mothe yic ayï tït yiic aya.

Luɔi 28:30

Ago Paulo rëër ɣönde guöp ɣön cï kïïr ë wëu, ku jɔ run thöl kaarou, ke ye kɔc nyuööc kedhie kɔc ee bɛ̈n tëde yen.

Luɔi 4:29

Ku ënɔɔnë, Bɛ̈nydït, piŋ wɛ̈i ee kek wo waai, ku gämë lïïmku riɛl, bïk jamdu aa guiir ke ke ye ŋeeny,

Luɔi 4:31

Na wën, aa cïk lam, ke piny nieŋ rɔt të wën cï kek guëër thïn, agokï thiäŋ në Wëidït ɣer kedhie, ku jɔkï jam ë Nhialic guiir në ŋeeny.

Luɔi 5:42

Ku aköölnyïïn kedhie, ë Luaŋdïtic ayï ɣööt yiic ëbɛ̈n, akënkï wëët aa pɔ̈l, ayï guiëër ë wëlpiɛth aya an, Yecu yen aye Kërtho, akënkï pɔ̈l.

Luɔi 8:12

Na wën, aa cïk jam de Pilip gam, wään guïïr en ka ke ciɛɛŋ de Nhialic ku rin ke Yecu Kërtho, ke ke baptith, röör ayï diäär.

Pilipoi 1:14

Ku këdït ë mïthëkɔckuɔ nu ë Bɛ̈nydïtic acïk piɔ̈ɔ̈th riɛl në biäk de mäny mɛcë yɛn, agokï nyïïn riɛl arëët në luɛl ee kek wëlpiɛth lueel ke ke cïï riɔ̈c.

2Tim 2:9

Kek wëlpiɛth aa yɛn këtuc guum në biäkden aɣët mäny mɛcë yɛn, acït man ë raan cï kërac looi, ku jam ë Nhialic acie mac.

2Tim 4:17

Ku Bɛ̈nydït yen aa kääc ë yalɔ̈ɔ̈m, ago a tɔ ril piɔ̈u, luɔi bï jam thök ë guiëër ë yathok, ago Juöör piŋ ëbɛ̈n: ku yɛn cï luäk bei ë köör thok.