Luɔi 27:41 - JAM DE NHIALIC 2011

⁴¹ Na wën, aa cïk lëu të nu kiɛɛr kaarou, ke ke jɔ abël tɔ lɔ biic, go abël nɔm nuɛt piny ku jɔ kɔ̈ɔ̈c aril, ku dhoŋ abël thar në riɛl ë apiöök.

Luɔi 27:41 ပူးပေါင်းရင်းမြစ်များ

1 Mel 22:48

Jeɣocapat acï abëël wïïr dït ee lɔ Tarcic looi, abëël wïïr bï aa ɣet piny de Opir bïk adhääp aa lɔ bɛ̈ɛ̈i, ku abëël wïïr dït akënkï bɛ̈n ɣet, acïk bɛ̈n guɔ dhuɔɔŋ të cɔl Edhiongeber.

2 Lëk 20:37

Ago Eliedher wën de Dodabaɣu, raan wun ë Mareca Jeɣocapat jɔ̈ɔ̈ny an, “Në biäk cï yïn määth looi wekë Aɣadhia, Bɛ̈nydït abï kë cäk yïk riɔ̈ɔ̈k.” Ku abëël acïk bɛ̈n mɔu ku akënkï bɛ lɔ Tarcic.

Edhekiɛl 27:26

Wën cï ë kɔckuön ee ger yï bɛ̈ɛ̈i wïïr, go yom de aköl amiäk yï tɔ mɔu ke yïn mec we biic ë wɛ̈ɛ̈ric cil.

Edhekiɛl 27:34

Ënɔɔnë yïn cï mɔu në wɛ̈ɛ̈ric, ku yïn cï dïïr në pïïu thar piny. Kaku ku lɔ kɔc ee yïn luööi ëbɛ̈n acïk määr ë yïn në pïïu thäär yïn cï dïïr në wɛ̈ɛ̈ric.’

Luɔi 27:17

Na wën, aa cïk abël thiinë jat nhial, ke ke jɔ wïïn a tɛ̈ɛ̈k abël thar, duut kek en, ke bï riɛl, ku luɔi riɔ̈ɔ̈c kek ë cot bï abël cot ë liɛɛt kɔ̈cic, ke ke jɔ lupɔ de abël däk bei, bï yom ke kuaath tei.

Luɔi 27:30

Na wën, ke kɔc lui abëlic an, kɔtkï abëlic, gokï abël thiinë luaai piny wïïr, ke loikï ë cuëër an, cuɛtkï wëu ë abël mɔ̈k piny wïïr, ë abël nɔm tueŋ.

Luɔi 27:40

Na wën, aa cïk wëu wën ë abël mɔ̈k piny ŋuiɛth wei, pɛ̈lkï wïïr, ku däkkï wïïn wën ee abël puk, ku jɔtkï lupɔ nhial lupɔ nu ë abël nɔm tueŋ, bï yom kuaath, goku cath lok të nu piny de liɛɛt.

Luɔi 27:42

Go rem de tɔŋ löŋden lueel an, bï kɔc cï mac nɔ̈k, ke bï ciën raan bï kuaŋ ke lɔ biic, go ban.

1 Kor 15:58

Yen ka, wek mïthëkɔckuɔn nhiaar, yak kɔ̈ɔ̈c tëdun aril, duökï röt ë tɔ jäp tëdun, yak wenyïïn ŋuak në luɔi de Bɛ̈nydït ë aköölnyïïn kedhie, në ŋïny ŋiɛc wek luɔiduön ril nɔn cïï en ee kë ɣɔ̈ric ë Bɛ̈nydïtic.