Luɔi 27:24 - JAM DE NHIALIC 2011

²⁴ ku jɔ lueel an, ‘Du riɔ̈c, Paulo, yïn bï dhil lɛɛr ë Kaithar nɔm. Ku tïŋ, Nhialic acï yï gäm pïïr pïïrë kɔc cath wek kedhie ayadäŋ.’

Luɔi 27:24 ပူးပေါင်းရင်းမြစ်များ

Cäk 12:2

Yïn bä gäm mïth juëc. Ku abïk aa jur dït. Ku yïn bä thieei, ku rinku abä ke tɔ ŋic ë kɔc juëc. Ku yïn bä tɔ ya athiɛɛi.

Cäk 15:1

Ku ëtɛ̈ɛ̈n, Abram ë jam de Bɛ̈nydït bɛ̈n piŋ në nyuöthic ke lueel an, “Abram du riɔ̈c, yɛn ee köndu. Yïn bä gël në kërac, ku yïn bä cuööt apiɛth.”

Cäk 19:29

Yen tän de ka, të ɣɔn ë riëëk ë Nhialic pɛ̈ɛ̈nydït nu në wakic. Ku Nhialic akën nɔm määr në Abraɣam ɣɔn riëëk En pänydït rëër ë Lɔt thïn. Ago Lɔt tɔ bän ke cïn kë cï ye jak.

Cäk 30:27

Go Laban lɛ̈k en an, “Piŋ ee kënë, acä yök në cäärdï yic nɔn cïï Bɛ̈nydït ya thieei në këdu.

Cäk 39:23

Go raan ee kɔc mac tiit cuök ee bɛ diɛɛr në ka nu në Jothep ciin, në luɔi ë tɔ̈u ë Bɛ̈nydït ke Jothep. Ku aye Jothep tɔ tiëm në këdɛn ye looi yic ëbɛ̈n.

Cäk 39:5

Gɔl ë köölkɛn ë tɛ̈ɛ̈u en en në kake nïïm ku le tueŋ, Bɛ̈nydït ë baai de Pɔtipar bɛ̈n thieei ëbɛ̈n në këde Jothep. Ku thieei kake kedhie ayadäŋ, ka nu ë duumiic.

Cäk 46:3

Go Nhialic lɛ̈k en an, “Ee Yɛn Nhialic de wuur, du riɔ̈c në luɔi le yïn Rip. Yɛn bï mïthku tɔ lɔ ye gökdïït ë jur ëtɛ̈ɛ̈n.

1 Mel 17:13

Go Elija lɛ̈k en, an, “Du diɛɛr, lɔ thal këcamdu, ku kɔn a thäl kuïn cï pam thiinakäŋ në aɣarë yic, ku yiɛ̈në yɛn, ku jɔ kë cï dɔ̈ŋ lɔ thaal bäk cam wekë wëndu.

2 Mel 6:16

Go Elica bɛ̈ɛ̈r an, “Du riɔ̈ɔ̈c, kɔc nu në wook ajuëckï në kɔc nu në keek.”

Jop 35:8

Ee kɔc cït man ë yïn kek abï gum në biäk de karɛc, ku piathëpiɔ̈ndu ee mɛnh ë raan kony.

Dhiëëu 3:57

Yïn cï lɔ̈ŋdï bɛ̈n bɛ̈ɛ̈r, ku yɔ̈ɔ̈kë yɛn nɔn cän bï riɔ̈ɔ̈c.

Danyel 2:24

Go Danyel guɔ lɔ tëde Ariok raan cïï melik yɔ̈ɔ̈k bï röör pelnïïm ke melik nɔ̈k, lee ku yöök an, “Du keek näk, lɛɛrë yɛn tëde melik, ku abä nyuöth kë lueel ë nyuöthde.

Maika 5:7

Ku kɔc lik ke Yithriɛl cï döŋ apïr, abïk aa thiɛɛi tëde kɔc juëc rëër kek në keyiic ka bïk ciët thäny ë bɔ̈ tëde Bɛ̈nydït, ku cïtkï deŋ tëde wal. Abïk röt aa kan në Bɛ̈nydït ke cie raan yen kɛn kek röt.

Math 10:18

yeka, ku we bï bɛ̈ɛ̈i ë bäny ke luök nïïm ayï meliik nïïm në biäkdï, aguɔkï aa cäätɔkɛn ë keek tɔ jäny, ku yek juöör tɔ jäny ayadäŋ.

Math 10:28

Ku duökï ë riɔ̈ɔ̈c ë kɔc näk raan guöp tei, ku cïkï wëi ke raan lëu ë näk, aŋuän luɔi bä wek aa riɔ̈ɔ̈c në Raan ë wëi ke raan lëu ë näk ayï raan guöp aya ë giɛna yic.

Jɔn 11:9

Go Yecu bɛ̈ɛ̈r an, “Thɛɛr ke akɔ̈l cïkï ye thiëër ku rou? Të ciɛthë raan aköl, ka cïï duëër kɔ̈th, ë luɔi tïŋ en ɣɛɛr ë pinyë nɔm.

Luɔi 19:21

Na wën, aacï kakë thök, ke lueel Paulo e yepiɔ̈u an, bï lɔ Jeruthalem, të cï en tëëk Makedonia ku Akaya, alueel an, “Na ëlëmiäk, të cän lɔ tɛ̈ɛ̈n, ke yɛn bï Roma dhil tïŋ aya.”

Luɔi 23:11

Na ɣɔnakɔ̈u, ke Bɛ̈nydït jɔ kɔ̈ɔ̈c ë Paulo lɔ̈ɔ̈m, ku lueel an, “Rit yïpiɔ̈u, Paulo, acït man cï yïn aa cäätɔ në këdï ë Jeruthalem, ke yïn bï dhil aa cäätɔ ë Roma aya.”

Luɔi 25:11

Ku na de kë cä wööc, ku na de kërɛɛc cä looi kërɛɛc röŋ ke luɔi bï a nɔ̈k, ke yɛn cïï duëër jai ë thuɔɔu. Ku të cïï kek ee yith, kek kak ë gɔɔny kek ɛn, ke luɔi duëër raan a tɔ yïnë keek aliu. Yɛn bï këdï lɛɛr ë Kaithar nɔm.”

Luɔi 27:31

Go Paulo bɛ̈ny de rem yɔ̈ɔ̈k, ku yöök rem de tɔŋ kɔ̈k an, “Të kënë kɔckë rëër ë abëlic, ke we cïï duëërë kony.”

Luɔi 27:37

Wok kɔc ë nu abëlic wodhie, wok ee bot kaarou ku thiërdhorou ku dhetem.

Luɔi 27:42

Go rem de tɔŋ löŋden lueel an, bï kɔc cï mac nɔ̈k, ke bï ciën raan bï kuaŋ ke lɔ biic, go ban.

Luɔi 27:44

ku bï kɔc cï döŋ lɔ biic, kɔ̈k ë pɛɛm nïïm, ku kɔ̈k ë ka ke abël nïïm. Gokï lɔ biic aya, acïk jɔ poth kedhie.

Luɔi 9:15

Go Bɛ̈nydït yɔ̈ɔ̈k an, “Lɔɔr, raanë ee raandiën cä lɔc, bï rinkï lɛɛr ë Juöör nïïm, ku meliik nïïm, ku kɔc ke Yithriɛl nïïm.

Pile 1:22

Ku guik të bän rëër aya: yɛn ŋäth nɔn bï a yiɛ̈n week në këde lɔ̈ŋduön aa wek lɔ̈ŋ.

Jakop 5:16

Yen aa wek awɛ̈ɛ̈c gam ë röt wapäc, ku yak lɔ̈ŋ në röt wapäc, ke we bï dem. Pal ë raan piɛthpiɔ̈u, pal cath ke riɛl, en aye kajuëc tiaam.

Nyuuth 1:17

Na wën, aa cä ye tïŋ, ke ya jɔ wïïk ë yecök cït man ë kë cï thou. Go ciin cuënyde tääu ë yaguöp, yöök ɛn, an, “Du riɔ̈ɔ̈c: yɛn ee tueŋ, ku ya ciëën.