Luɔi 27:1 - JAM DE NHIALIC 2011

¹ Na wën, aacï lueel an, buk cath në abël lok Yitalia, ke ke jɔ Paulo kekë kɔc kɔ̈k cï mac yiɛ̈n raan cɔl Julio, ee bɛ̈ny de rem cɔl rem de Augutho.

Luɔi 27:1 ပူးပေါင်းရင်းမြစ်များ

Cäk 50:20

Wek aa lui yɛn kërac, go Nhialic en lɔ puk ke ye këpiɛth. Ke ya bï kɔc juëc kony wëi. Kɔc ŋoot ke ke pïr ënɔɔnë.

Diɛt 33:11

Ku kïït de Bɛ̈nydït ee tɔ̈u anande, ku kë cï cät ee tɔ̈u aɣet athɛɛr.

Diɛt 76:10

Agönh de kɔc ee rɔt puk ke ye lɛc leecë Yïnɔm tei, kɔc bï pïïr në tɔɔŋ thook, abïk Yïn aa luöi dhuëëŋ.

Kɛ̈ŋ 19:21

Kajuëc aye raan ke kiëët, ku kë kɔɔr Bɛ̈nydït yen aye rɔt lëu.

Dhiëëu 3:27

Ku apiɛth bï raan, ee tiëtë ŋic ke wo ye dhuök.

Danyel 4:35

Ee kɔc ke pinynɔm tïŋ ke ke cie këdäŋ, Tuuc nhial nu nhial ku kɔc nu pinynɔm anukï në yeciin. Ku acïn raan duëër këde piɔ̈nde jɔ̈ɔ̈ny ku cïn raan ee kë looi dhɔ̈ŋic

Math 27:54

Na wën, ke bɛ̈ny de rem, kekë kɔc cath në yen, kɔc tit Yecu, të cï kek niɛŋ cï piny rɔt niɛŋ tïŋ, ku tïŋkï ka cï looi, agokï riɔ̈ɔ̈c arëët, ku luelkï an, “Ee yic, kënë ee Wën ë Nhialic!”

Luk 23:47

Na wën, ke bɛ̈ny de tɔŋ kabɔt, të cï en kë cï tïc tïŋ, ke lec Nhialic, lueel an, “Raanë ee raan piɛthpiɔ̈u ë yic!”

Luk 7:2

Ku lïm tök de bɛ̈ny de nɔm alathkëër kabɔt ade guöp juäi, akɔɔr thuɔɔu, ku ye lïm nhiɛɛr bɛ̈nyde.

Luɔi 10:1

Ku ade raan nu Kaitharia, cɔl Korunelio, ee bɛ̈ny de rem de Romai, “Rem cɔl Tiliyan.”

Luɔi 10:22

Gokï lueel an, “Korunelio, bɛ̈ny ë rem de tɔŋ, raan piɛthpiɔ̈u, ku ye Nhialic riëëu, ku ye raan piɛth rin ë jur ë Judai yic ëbɛ̈n. Go tunynhial ɣeric a yöök an, bï yï tuöc kɔc an, bä lɔ ɣönde, ke bï wël piŋ tëde yïn.”

Luɔi 16:10

Na wën, aacï raanë tïŋ, goku të bï wo lɔ Makedonia dap kɔɔr, ayok lueel ë wopiɔ̈ɔ̈th an, cï Bɛ̈nydït wo dhil cɔɔl, buk wëlpiɛth lɔ guiëër keek.

Luɔi 18:2

Ku yök Judai tök ëtɛ̈ɛ̈n cɔl Akula, raan cï dhiëëth ë Ponto, ku aa piɛc bɛ̈n ë Yitalia, kekë Pirithila tiiŋde, në biäk de löŋ cïï Kulaudio lueel an, bï Judai jäl ë Roma kedhie. Go bɛ̈n tëde keek,

Luɔi 19:21

Na wën, aacï kakë thök, ke lueel Paulo e yepiɔ̈u an, bï lɔ Jeruthalem, të cï en tëëk Makedonia ku Akaya, alueel an, “Na ëlëmiäk, të cän lɔ tɛ̈ɛ̈n, ke yɛn bï Roma dhil tïŋ aya.”

Luɔi 21:32

Go rem de tɔŋ dap cɔɔl ënɔnthiinë, kekë bänyken, ku dapkï kat ke lɔ të nu kek. Na wën, aa cïk bɛ̈nydït tïŋ kekë rem de tɔŋ, ke ke jɔ Paulo pɔ̈l ë dui.

Luɔi 22:26

Të cï en ee kënë piŋ, ke bɛ̈ny de rem jɔ lɔ lɛ̈k bɛ̈nydïït de rem de tɔŋ an, “Tïŋ rɔt ë kë loi, raanë ee Romai!”

Luɔi 23:11

Na ɣɔnakɔ̈u, ke Bɛ̈nydït jɔ kɔ̈ɔ̈c ë Paulo lɔ̈ɔ̈m, ku lueel an, “Rit yïpiɔ̈u, Paulo, acït man cï yïn aa cäätɔ në këdï ë Jeruthalem, ke yïn bï dhil aa cäätɔ ë Roma aya.”

Luɔi 23:17

Go Paulo bɛ̈ny tök cɔɔl, bɛ̈ny de rem, ku lueel an, “Lɛɛrë dhuŋë tëde bɛ̈nydïït de rem de tɔŋ, ade kë bï lɔ lɛ̈k en.”

Luɔi 24:23

Go bɛ̈ny de rem yɔ̈ɔ̈k an, bï Paulo aa tit, ku tɔ rɛ̈ɛ̈r apiɛth, ku cïï kɔcken bï pɛ̈n bɛ̈n ë yelɔ̈ɔ̈m, bïk këde bɛ̈n looi.

Luɔi 25:12

Go Petheto jam guiir kekë kɔc nu ë löŋic, ku jɔ bɛ̈ɛ̈r an, “Cï guɔ lueel, an, bä këdu lɛɛr ë Kaithar nɔm? Apiɛth, yïn bï jɔ lɔ ë Kaithar nɔm.”

Luɔi 25:25

Ku luɔi cïn en kë cä yök, kë bï e nɔ̈k, ku luɔi cï en a lɔ̈ŋ, yenguöp an, bï këde lɛɛr në Augutho nɔm, ke guɔ lueel an, bä tɔ leerë.

Luɔi 27:11

Go bɛ̈ny de rem ago jam de raan kuath abël gam ayï jam de wun abël, ku reec ka lueel Paulo.

Luɔi 27:43

Go bɛ̈ny de rem ke pëën, akɔɔr luɔi bï en Paulo kony, go lueel an, bï kɔc ŋic kuaŋ röt kɔn cuat wïïr, lek biic,

Luɔi 27:6

Go bɛ̈ny de rem abël yök ëtɛ̈ɛ̈n, abël ë Alekandaria lɔ Yitalia, ku jɔ wo tääu thïn.

Luɔi 28:1

Na wën, aa cuk guɔ poth, ke wo jɔ lɔ tuur ŋic nɔn cɔlë yen Malita.

Luɔi 28:16

Na wën, aa cuk ɣet Roma, ke bɛ̈ny de rem jɔ kɔc cï mac yiɛ̈n bɛ̈ny ee alooc tiit, go Paulo pɔ̈l a rɛ̈ɛ̈r etök, ke tiit raan töŋ de rem tei.

Ɣeberuu 13:24

Thiëckï kɔc nu ë wenïïm ku kɔc ɣerpiɔ̈ɔ̈th kedhie, an we ye kɔc nu Yitalia ke thiëëc.