Luɔi 25:7 - JAM DE NHIALIC 2011

⁷ Na wën, aacï bɛ̈n, ke Judai ë bɔ̈ ë Jeruthalem, ke ke jɔ kɔ̈ɔ̈c ë yelɔ̈ɔ̈m, gokï Paulo gaany ë kajuëc kathiek, ku acïn të bï kek ke tɔ ye yith.

Luɔi 25:7 ပူးပေါင်းရင်းမြစ်များ

Edhr 4:15

Ke bï awereek thɛɛr ke wärken kɔɔric, abï yök në awereek thɛɛriic, ku abï ŋic an pänydïïtë ee kɔc yiɛ̈n tɔŋ, ee Meliik kekë wuöt jieeth piɔ̈ɔ̈th, ku kiɛɛr rac ee rɔt looi thïn acïk dap gɔl thɛɛr ke ke loi ee kakë, yen kën ë dhoŋ wunë piny ka.

Ethta 3:8

Ëtɛ̈ɛ̈n go Ɣaman lɔ tëde Melik Athuwereth ku lueel an, “Ade Jur cï thiëi ë wuötku yiic ëbɛ̈n, adekï ciɛɛŋ cïï thöŋ ke ciɛɛŋ ë juöör kɔ̈k, ku däŋ aya, keek, acïkï lööŋ ke Melik ee riëëu, ka yen, acïï piɛth tëde Melik në luɔi duëër en ke pɔ̈l.

Diɛt 27:12

Du yɛn pɛ̈l ë kɔc ke aterdï cin, kɔc ee yɛn mak në lueth ku akuöörkuöör.

Diɛt 35:11

Kɔc rac ayek ɛn cäk thok në lueth, ayek ɛn lɛ̈k guöp ka kuöc keek.

Math 15:1

Na wën, ke Parithai kekë kɔc ee löŋ gɔ̈ɔ̈r ë ke bɔ̈ të nu Yecu ë Jeruthalem, bïkkï ku thiëckï, an,

Luk 23:10

Ku kääc bänydït ke ka ke Nhialic ku kɔc ee löŋ gɔ̈ɔ̈r, ke gɔɔnykï arëët.

Luk 23:2

Ku jɔkï gaany an, “Wo ë raanë yök, ee jurda thöi nɔm, ee kɔc pɛ̈n luɔi yïn kek Kaithar athölbö, ku ye lueel nɔn ee yen Kërtho melik.”

Luɔi 21:28

Ku cötkï an, “Week, röör ke Yithriɛl! Kuɔnykï wook! Kënë ee raan ee kɔc wɛ̈ɛ̈t ë jam de ater ke jurda, ku löŋ, ku ɣön ë Bɛ̈nydïïtë, ë pinynɔm ëbɛ̈n: ku däŋ aya, acï Girikii bɛ̈ɛ̈i Luaŋdïtic, go tëɣericë jɔ riɔ̈ɔ̈k!”

Luɔi 24:13

Ku ka gɔɔny kek ɛn ënɔɔnë, acïkï ke duëër tɔ ye yith.

Luɔi 25:24

Go Petheto lueel, an, “Yïn melik Agiripa, wekë kɔc nu ee tënë wedhie, raanë a wɔikï, raan cïï kɔc ke Judai kedhie a löŋ në këde, ayï Jeruthalem ayï ee tënë, ku cötkï an, raanë acïï piɛth ke luɔi bï en bɛ pïïr.

1 Theth 2:16

Ayek wook pɛ̈n guiëër guïïr wok Juöör jam ë kuny bï ke kony wëi: yen aye kek karɛcken kut nïïm ëcaŋɣɔn: ku agɔ̈th acï bɛ̈n tëde keek ka cïn kë ye döŋ.