Luɔi 25:23 - JAM DE NHIALIC 2011

²³ Na ɣɔn amiäk, aacï Agiripa bɛ̈n kekë Berenike, ke ke bɔ̈ në dhuëëŋ dït, ku jɔkï lɔ aloocdït alooc de guiëërëlöŋ, kekë bänydït ke rem de tɔŋ ku röördït ke pänydït, go Petheto Paulo tɔ cɔl, go bɛ̈ɛ̈i ë kenïïm.

Luɔi 25:23 ပူးပေါင်းရင်းမြစ်များ

Ethta 1:4

ku jɔ dhuëëŋ ŋoot ke loi në nïn kabɔt ku thiërbɛ̈t. Anyooth luɔi kueth kek në bäänyde yic ku kajuëc nyooth läk de dhuëëŋde.

Wɛ̈ɛ̈t 1:2

Na wën ke lueel raan kɔɔr pɛlënɔm an, “Ee ɣɔ̈ric, këriëëc ëbɛ̈n ee ɣɔ̈ric, ee gökdïït ë ɣɔ̈ric.

Yith 14:11

Yïn aaye dhuëëŋ guöp në kɛŋ ku thoom, ku ënɔɔnë yï kï ee tënë paan ë thuɔɔu. Yïn cï tɔ̈c në biöŋ de ruöi nɔm, ku kuömë në lupɔ de käm.”’

Yith 5:14

Paan ë thuɔɔu acïï cɔk dɔm në këden, acï yethok ŋaam arëët. Abï bäny ke Jeruthalem liek ëtök në kuut ke kɔc baai lɔ ke ke wou.

Edhekiɛl 30:18

Mɔ̈ɔ̈th abï lööny ë Tapaneɣeth kɔ̈u, të le Yɛn riɛl de Rip dhoŋ kɔ̈u, ku ja riɛldɛn wään ye kek kenïïm lɛc tɔ thök. Luät abï Rip kuöm piny, ku kɔc ke pɛ̈ɛ̈nydïtke kedhie abï ke peec ke ke mac.

Edhekiɛl 32:12

Yɛn bï rem de tɔŋ de juöör ee kɔc kuur tɔ wëëth abätɛ̈ɛ̈uken bei ku nɛ̈kkï kɔcku kedhie. Kɔcku kedhie ku kakuön ya wek röt leec abï keek riɔ̈ɔ̈k.

Edhekiɛl 33:28

Yɛn bï piny tɔ cïnic raan ceŋ en, ku riɛl wään ye kek röt lɛɛcë abï thök. Kur ke piny de Yithriɛl abïk aa roor, ka cïn raan bï bɛ aa tëëk ëtɛ̈ɛ̈n ë keyiic.

Edhekiɛl 7:24

Yɛn bï juöör rac arëët bɛ̈ɛ̈i ëtënë ku ta ke nöm ɣöötkun. Kɔckuön ril abïk ciën aŋäth të lan ɣäänkuön ɣeriic bɛ̈n riɔ̈ɔ̈k.

Danyel 4:30

ke lueel an, “Tiëŋkï luɔi dïït ë Babilon! Aa yiɛ̈k ke ee pänydiëndït bän riɛldï kekë bäänydï ku dhuëëŋdï nyuɔɔth.

Mak 6:21

Na wën, ke kööl piɛth bïïyë piny: Ɣerod, ëköölë dhiëthë ye, acï bänyke luöi këcamdït, ke bäny ë piny cieŋ, ku bäny ke tɔŋ, ku röördït ke Galili,

Luɔi 12:21

Na wën, ëkööl cï kɔn lueel, ke Ɣerod jɔ alulut ë melik tääu ë yekɔ̈u, ku nyuuc ë thöönydɛn ë bɛ̈ɛ̈ny nɔm, jiëëm keek.

Luɔi 25:13

Na wën, aacï nïn kɔ̈k thök, ke melik Agiripa jɔ bɛ̈n kekë Berenike, ke ke bɔ̈ Kaitharia, bïk Petheto bɛ̈n thiëëc.

Luɔi 26:30

Na wën, aacï kakë lueel, ke melik jɔt rɔt kekë bɛ̈ny, ku Berenike, ayï kɔc rɛ̈ɛ̈r në keek,

Luɔi 9:15

Go Bɛ̈nydït yɔ̈ɔ̈k an, “Lɔɔr, raanë ee raandiën cä lɔc, bï rinkï lɛɛr ë Juöör nïïm, ku meliik nïïm, ku kɔc ke Yithriɛl nïïm.

1 Kor 7:31

ayï kɔc ë ka ke pinyë nɔm looi, ë ke ye käŋ looi ku cïkï kepiɔ̈ɔ̈th tum keek: täu de piny nɔm ënɔɔnë akɔɔr luɔi bï en jäl.

Jakop 1:11

Të cï akɔ̈l ruɛl ago tuöc cït man ë mac, ee wal tɔ biɔɔr, ku jɔ gaakde tɛŋ wei, ago läk de yenguöp liu, yen acït yom bï raan juëc ë kake yom ë kuɛɛrke yiic.

1 Pet 1:24

Raan ëbɛ̈n acït wäl, “ku dhuëëŋ de raan ëbɛ̈n acït gaak ee wäl moc. Wäl ee biɔɔr, ku jɔ gaak cï moc aa lööny piny:

1 Jɔn 2:16

Këriëëc nu ë piny nɔm, yï ŋɔ̈ɔ̈ŋ de guöp, ku ŋɔ̈ɔ̈ŋ de nyin, ku lɛc ye raan rɔt leec në ka ke pïïr, acïkï ë ka ke Wääda, ayek ka ke piny nɔm.