Luɔi 24:5 - JAM DE NHIALIC 2011

⁵ Wok ë raanë yök aye raan rac ëtaiwei, ku ye raan ë Judai kɛ̈ɛ̈k kedhie ë piny nɔm ëbɛ̈n, ee raan dïït ë rem de Nadharani.

Luɔi 24:5 ပူးပေါင်းရင်းမြစ်များ

Ethta 3:8

Ëtɛ̈ɛ̈n go Ɣaman lɔ tëde Melik Athuwereth ku lueel an, “Ade Jur cï thiëi ë wuötku yiic ëbɛ̈n, adekï ciɛɛŋ cïï thöŋ ke ciɛɛŋ ë juöör kɔ̈k, ku däŋ aya, keek, acïkï lööŋ ke Melik ee riëëu, ka yen, acïï piɛth tëde Melik në luɔi duëër en ke pɔ̈l.

Jeremia 37:13

Ku të wën cuööp en Kal Thoŋ ë Benjamin, go bɛ̈ny ë rem de tɔŋ nu ë luɔi nɔm ëtɛ̈ɛ̈n, mony cɔl rin Yirija wën de Celemia, ku ye wën de wën de Ɣanania, go tiët Jeremia dɔm lueel an, “Yïn lɔ rɔt gäm kɔc ke Babilonia!”

Jeremia 38:4

Go bäny lɔ tëde melik ku luelkï an, “Yen ee monyë abï dhil nɔ̈k. Në ee jam jiɛɛm en, abï rem de tɔŋ nu ë pänydïtic tɔ pɛ̈l röt wei, ku alui kë cït ee kënë raan ëbɛ̈n, raan cï döŋ ë pänydïtic. Acïï kɔɔr bïï kɔc kony, akɔɔr bï ke luöi buɔ̈t.”

Amoth 7:10

Go Amadhia, bɛ̈ny de kake Nhialic de Bethel thok tuöc Jerobowam, meliŋ de Yithriɛl, lueel an, “Amoth alui yïn kiɛɛr rac ë baai de Yithriɛl yic ëbɛ̈n. Jamde abï piny riɔ̈ɔ̈k.

Math 10:25

Ë loi tëde raanpiööcë të thoŋ en kekë raan ë wëët en, ku ë loi tëde lïm të thoŋ en kekë bɛ̈nyde. Të cï kek bɛ̈ny de dhiën lat tɔkï ye Beeldhebub, cïkï kɔc ke dhiënde bï aa lat arëët awär luɔi ee kek bɛ̈nyden lat?”

Math 2:23

bï ku tɔ̈u pänydït cɔl Nadhareth, luɔi bï jam aa yic jam cï lueel ë tït an, “Abï cɔl raan ë Nadhareth.

Mak 1:24

“Yecu! Eeŋöda në yïn, yïn Yecu de Nadhareth? Cï bɛ̈n bä wo bɛ̈n riɔ̈ɔ̈k? Yïn ŋiɛc nɔn ee yïn Raan ɣeric de Nhialic!”

Luk 23:19

(Barabath ee raan cï tääu ë alooc yic në baŋ de tɔŋ cï yiɛ̈n miric ë pänydïtë, ku në baŋ de näŋ de raan.)

Luk 23:2

Ku jɔkï gaany an, “Wo ë raanë yök, ee jurda thöi nɔm, ee kɔc pɛ̈n luɔi yïn kek Kaithar athölbö, ku ye lueel nɔn ee yen Kërtho melik.”

Luk 23:25

Go raan luöny keek, raan wään cï tääu ë alooc yic në baŋ de tɔŋ cï yiɛ̈n miric ku näŋ de raan, raan wën kɔɔrkï, ku jɔ Yecu yiɛ̈n keek, bïk luöi këde piɔ̈nden.

Luk 23:5

Gokï ŋak nɔm awär man awën, luelkï an, “Ee kɔc riir nïïm, ë wëët ee yen kɔc wɛ̈ɛ̈t ë paan ë Judai ëbɛ̈n, gɔl ë Galili, aɣet cï eenë.”

Luɔi 15:5

Ku jɔt kɔc röt, kɔc ke rem ë Parithai kɔc cï gam, ku jɔkï lueel an, “Juöör abï ke dhil cueel, ku abuk keek dhil yɔ̈ɔ̈k, bïk löŋ de Mothe dhil aa muk ëbɛ̈n.”

Luɔi 21:28

Ku cötkï an, “Week, röör ke Yithriɛl! Kuɔnykï wook! Kënë ee raan ee kɔc wɛ̈ɛ̈t ë jam de ater ke jurda, ku löŋ, ku ɣön ë Bɛ̈nydïïtë, ë pinynɔm ëbɛ̈n: ku däŋ aya, acï Girikii bɛ̈ɛ̈i Luaŋdïtic, go tëɣericë jɔ riɔ̈ɔ̈k!”

Luɔi 22:22

Gokï ka lueel Paulo piŋ aɣet jamë, na wën, ke ke jɔt keröt, aluelkï an, “Nyaaiyë raan cït ee kënë ë piny nɔm, acïï piɛth luɔi bï en pïïr!”

Luɔi 24:14

Ku cöökë acä gam ë yïnɔm tei an: Läm luelkï an, ee läm mɛɛn, yen aya yɛn Nhialic de kuarkuɔ lam, ku yɛn gam ka cï gɔ̈ɔ̈r ë löŋ de Mothe yic ku tït yiic, käŋ kedhie.

Luɔi 24:4

Na ënɔɔnë, kë cän yï tɔ bäp, yïn läŋ an, piŋ wëlkuɔn lik ke yï liir yïpiɔ̈u piny.

Luɔi 25:7

Na wën, aacï bɛ̈n, ke Judai ë bɔ̈ ë Jeruthalem, ke ke jɔ kɔ̈ɔ̈c ë yelɔ̈ɔ̈m, gokï Paulo gaany ë kajuëc kathiek, ku acïn të bï kek ke tɔ ye yith.

Luɔi 26:5

Aake ŋic ɛn wään thɛɛr, të de kek piɔ̈ɔ̈th luɔi bï kek e lueel, aŋickï täudï nɔn ë täu ɛn ke ya ye Parithai, yen aye rem ril ëtör në lämda.

Luɔi 28:22

Wo de piɔ̈ɔ̈th tei, luɔi bï wok kë bä lueel piŋ, ku na ee remë, aŋicku nɔn lueelë kɔc ater ë yen ë baai nɔm ëbɛ̈n.”

Luɔi 5:17

Na wën, ke bɛ̈nydïït ë kake Nhialic ke jɔt rɔt, kekë kɔc ë tɔ̈u në yen kedhie (kek aye rem ë Thadokai), agokï piɔ̈ɔ̈th thiäŋ ë agɔ̈th,

Luɔi 6:13

Agokï cäätɔɔ aluɛth tɔ kääc nhial, kɔc bï e lueel an, “Raanë acïï jam ee pɔ̈l jam de lɛ̈ɛ̈t ee yen tëɣericë läät, ayï löŋ:

1 Kor 11:19

Tëŋ ee kɔc ke yiic tek abï dhil nu ë weyiic, ke kɔc cï tɔ ye kɔc piɛth ke ke bï tïc ëgɔk ë we yiic.

1 Kor 4:13

lëkë wo kërac, ke wo läŋ kɔc: wo cï tɔ ye nuöön ë piny nɔm, ku tɔ wook ee ayil ë käŋ kedhie aɣet cï ee köölë.

1 Pet 2:19

Ku të guumë raan karɛc në biäk de riëëu riëëu en Nhialic, ka cï duöi ɣɔ̈ric, yen aye dhuëëŋdepiɔ̈u.