Luɔi 24:26 - JAM DE NHIALIC 2011

²⁶ Ku aŋäth Paulo aya, nɔn bï en ë waac ë wëu, ke bï lony, yen aaye yen cool ë cɔɔl en en, bï jam ke yen.

Luɔi 24:26 ပူးပေါင်းရင်းမြစ်များ

2 Lëk 19:7

Riëëukï Bɛ̈nydït ku luöikï apiɛth, në biäk cïï Bɛ̈nydït Nhialicda kɔc ee tek yiic, ku acïï ruëëny ee kɔɔr ku acïï kum thok ee kɔɔr.”

Jop 15:34

Amatnɔm de kɔc reec Nhialic, acïn mïthkɛn bï tɔ̈u, ku kɔc ye kumthook abïï ke bɛ̈iken nyop në mac.

Bɛ̈n 23:8

Du yïthok ee tɔ kum, kumthok ee raan tɔ bai yic, ku mɛ̈ɛ̈r yic de kɔc cïn guöp awäc.

Kɛ̈ŋ 17:23

Raan ee karɛc looi ee kum thok nööm në cuëër, ke bï löŋ cï ŋiëc guiir riɔ̈ɔ̈k.

Kɛ̈ŋ 17:8

Aye kɔc kɔ̈k tak an luɔi de kumthok acït yath, ee raan tɔ tiëm në këriëëcdɛn ye looi ëbɛ̈n.

Kɛ̈ŋ 19:6

Kuɔɔny aye kɔɔr tëde bɛ̈ny, ku amiööc ee määth ke raan ëbɛ̈n.

Kɛ̈ŋ 29:4

Wun ye bɛ̈ny raan ëbɛ̈n gäm yinyde ee kɔ̈ɔ̈c, ku bɛ̈ny ye kum thok aye wunde riääk.

Yith 1:23

Bänyku ayek A rɛɛc, ku mɛ̈ɛ̈thkï në cuɛ̈ɛ̈r, ku ayek miɔ̈c ku kumthok nööm kedhie. Acïkï mïth abɛɛr ee kony ë gööny yic, ku cïkï gööny de diëër abɛɛr cï yiɛ̈n keek ee piŋ.

Yith 33:15

Wek duëër pïïr të ya wek yic lueel ku luɔikï. Duökï riɛldun tɔ ye kë math wek kɔc kuanynyïïn ku duökï kumthok ee nööm. Duökï ee mat në kɔc loi kiɛɛr de nääk de raan, ku nɔn loikï karɛc kɔ̈k.

Yith 56:11

Acïtkï jɔ̈k dït piɔ̈ɔ̈th cie kuɛth. Kek ee bänykë acïkï käŋ ee yökiic. Raan ëbɛ̈n në keyiic aye ŋɛk kë nhiɛɛr ë piɔ̈nde looi, ku ye ŋɛk këdäŋ kɔɔr ke de kë bï yök thïn.

Edhekiɛl 22:27

Bäny ke luɔi de miric acïtkï aŋuööth tëër lɛ̈n cïk nɔ̈k. Ayek kɔc nɔ̈k në biäk bï kek kuɛth.

Edhekiɛl 33:31

Ka kɔckï ayek kenïïm kut ke ke kɔɔr bïk kë bä lueel piŋ, ku acïkï kë cï lɛ̈k keek bïk looi ee looi. Wël ke nhiëër në kethook, ku ayek ŋoot ke ke cath në kuɛɛrkɛn ke dït de piɔ̈u yiic.

Ɣodh 4:18

Amatnɔm de dëëk ke mɔ̈u, të cï kek dek, ke ke lɔ diäär kɔɔr. Ayek piɔ̈ɔ̈th miɛt në ayäär, awär dhuëëŋden.

Maika 3:11

Bäny ke pänydït ayek wut mac në kumthok, ku wëët bänykɛn ke kake Nhialic kɔc në ariöp. Ku tïtken ayek cɔ̈ɔ̈r në wëu. Ku ŋootkï ke ke ye röt kan në Bɛ̈nydït, ku luelkï an, “Bɛ̈nydït atɔ̈u në woyiic, ka acïn kërɛɛc bï wo yök.

Maika 7:3

Acïk luɔi de kërac ŋic aläl kedhie, ku bäny ayek ariöp cɔɔl. Ku bäny ee lööŋ guiir ayek kumthok nööm. Ku kɔc ril acïk kethook mat kedhie, ku ayek kë kɔɔrkï tɔ loi.

Math 17:3

Na wën, ke Mothe ku Elija ë ke tul tëde keek, ke ke jam ë yen.

Luɔi 24:17

“Ku ënɔɔnë, të cän run juëc lɛɛr, ke ya jɔ bɛ̈n bä ka cï gam në dhuëëŋ bɛ̈n yiɛ̈n jurda, ayï ka cï yiɛ̈n Nhialic.

1 Kor 6:9

Kuöckï kɔc racpiɔ̈ɔ̈th nɔn cïï kek ciɛɛŋ de Nhialic bï lɔ̈ɔ̈k lak? Duökï röt ë tɔ mɛnhë: dhööm, ayï kɔc ee yiëth lam, ayï kɔc ee diëër lei kɔɔr, ayï diëër ee röör kɔɔr, ayï röör ee röt tɔ ye diäär, ayï röör ë niin ë röör,

Nyöŋ 16:19

Abïk aa kɔc cïï löŋ ee kuöc guiir, ku cïkkï kɔc ee tekiic në kuömden yic, ku acïkï kumthok bï aa nööm, në baŋ ye miɔ̈c kɔc pelnïïm ku kɔc adööt tɔ cɔɔr, ku tɔ keek tɔ guiir löŋ ë kueer rac.

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!

1 Tham 12:3

Ya kï. Na de kë cä wööc, ke we gɔɔny yɛn ë Bɛ̈nydït nɔm ku lɔ melik cï piac lɔc. De weŋ de raan cä nööm ku nɔn ee yen mul? De raan cän këde rum ku nɔn de raan cä yɔŋ? De raan cän kum thok nööm tëde yen? Ku na de ka cä looi në ee kakë yiic, ka abä keek cool tëde yen ka cä nööm.”

1 Tham 8:3

Ku mïth ke Thamwɛl akënkï luɔɔi de wunden kuany yic, gokï röt yal ë ruëëny yic, ku yek kum thok nööm, ku cïkï lööŋ ee ŋiëc guiir.