Luɔi 24:25 - JAM DE NHIALIC 2011

²⁵ Na wën, aguiir Paulo këde piathëpiɔ̈u, ku në döm ee raan rɔt dɔm, ku në guiëër bï löŋ de kɔc guiir rial, ke Pelik jɔ riɔ̈ɔ̈c arëët, go bɛ̈ɛ̈r an, “Jɔ jäl ënɔɔnë. Na miäk, të cän akööl piɛth yök, ke yïn bä cɔɔl.”

Luɔi 24:25 ပူးပေါင်းရင်းမြစ်များ

2 Tham 23:3

Nhialic de Yithriɛl acï jam, acïï Raan ee Yithriɛl gël lɛ̈k ɛn an: “Melik ee Piny cieŋ ë yic, Raan ee piny cieŋ në riëëu de Nhialic,

1 Mel 21:27

Wën jɔ Elija thök ë jam, go Aɣap lupɔɔ ke yen kɔ̈u rɛtiic në jiɛthëpiɔ̈u, ku bïï ke biic ë yekɔ̈u ku pot rɔt në ŋeth, ku reec cäm ku tɔ̈ɔ̈c ë ŋethic, ku jiël ke cï rɔt tak në kë ë lui yë.

2 Mel 22:19

ku në biäk cï yïn piɔ̈u dhiau, ku kuɔɔrë rɔt piny në Bɛ̈nydït nɔm, wën piŋ yïn luɔi bän kërac looi ee tënë, ku lɔ kɔc ceŋ ee tënë, an duëërkï a ɣään bï pɔ̈l, ɣään cï cieen, ku yïn ë lupɔɔku rɛtiic, ku dhiau në Ya nɔm, Yɛn ayadäŋ yïn cä piŋ röl.

Edhr 10:3

Wok bï löŋ mac piny në Nhialic nɔm, yïn wekë kɔc ee riɔ̈ɔ̈c në löŋ ë Nhialic, bäk lɛ̈k wook kueer bï wok ë diäärkë pɔ̈l në mïthken ku buk luui në kë cïï löŋ de Nhialic lueel.

Edhr 10:9

Ku ë nïnkë yiic kadiäk, kɔc ke Juda ku Benjamin ë ceŋ akɛɛth nïïm acïk bɛ̈n bɛ̈n kedhie ku kutkï kenïïm ë Jeruthalem ë pëër ë ɣön ë Nhialic yic, në kööl ye pɛɛi de dhoŋuan thok thiërrou, deŋ aa tueny, ku në biäk de yom ku kën ë cɔ̈lë keek, kɔc ë bɛ̈n aake lɛthë keek.

Jop 29:14

Yɛn ceŋ piathëpiɔ̈u ku acï yɔ kuöm piny, ku yicdï acït lupɔ kekë göl ë yanɔm,

Diɛt 11:7

Bɛ̈nydït apiɛthpiɔ̈u, ku anhiaar luɔi piɛth, kɔc lɔ piɔ̈ɔ̈th wai abïk Yen tïŋ nyin.

Diɛt 119:120

Yɛn ee riɔ̈ɔ̈c në biäkdu, yɛn cï yic thiäŋ wokë riɔ̈ɔ̈c, në biäk de guiëër ë löŋdu.

Diɛt 45:7

Yïn nhiaar piathëpiɔ̈u ku man rɛ̈ɛ̈c. Yeka cïï Nhialic, Nhialicdu yïn tɔc në miök de miɛtdepiɔ̈u awär meliik kɔ̈k.

Diɛt 72:2

Ago kɔcku muk në piathëpiɔ̈u ku muk kɔc yɔŋ keek në yic.

Diɛt 99:1

Bɛ̈nydït ee melik, kɔc abï ke lath ë këde. Ee nyuc ë cerubiim nɔm ago piny rɔt nieeŋ.

Kɛ̈ŋ 16:12

Acïï rɔ̈ŋ bï bɛ̈ny kërac looi, na rëër në piathëpiɔ̈u abï cieŋ në bäänyic.

Wɛ̈ɛ̈t 11:9

Wek dhuök, miɛtkï piɔ̈ɔ̈th në dhuöökdunic. Yak piɔ̈ɔ̈th miɛt të ŋuɔɔt wek ke we ye dhuök. Luɔikï ka kaarkï bäk ke looi, ku kuanykï kake piɔ̈ɔ̈thkun cök. Ku ŋiɛckï nɔn bï Nhialic löŋdun guiir në këriëëc yak looi yic ëbɛ̈n.

Wɛ̈ɛ̈t 12:14

Në biäk ye Nhialic löŋ de ka yek looi ëbɛ̈n guiir, ayï ka cï moony, nɔn yek ke kapiɛth ku nɔn ee karɛc.

Wɛ̈ɛ̈t 5:8

Të tïŋ yïn piny ayɔŋë kɔc kuanynyïïn thïn ku jɔt yicden në riɛl, ke yï du gäi. Në luɔi ye bɛ̈ny nɔm dɛ raan mät ke yen nu në yenɔm, ku ade bäny dït kɔ̈k mät ë keek nu ë kenïïm.

Yith 1:18

Aye Bɛ̈nydït lueel an, “Ënɔɔnë, jɔku jam thöl ëtök. Na cak karɛckun thiɛth aläl, wek bä waak, abäk ɣɛɛr cït kɔi ke deŋ, na cäk thiɛth cït riɛm we bï ɣɛɛr abäk ciët alath. Acakaa nɔn cï yïn riɔk abä thiɛth aläl, yïn bï ɣɛɛr abä ciët alath.

Yith 1:21

Pänydïït ɣɔn piathëpiɔ̈u, acï ciët tiiŋ akɔɔrröör! Ɣɔn tueŋ aa thiäŋic ke kɔc piɛthpiɔ̈ɔ̈th, ku ënɔɔnë ee kɔc ee kɔc nɔ̈k kapäc kek cï döŋ thïn.

Yith 16:5

Na ë le ke raan töŋ de käu de Debid abï aa melik, ku abï kɔc mac në piathëpiɔ̈u ku nhiëër agɔk. Abï yic dap looi, ku abï löŋ ŋiëc aguiir.)

Yith 32:11

Wek aa cïn kë dhäl tëde week, ku cäkkï ee diɛɛr, ku ënɔɔnë takï röt lɛthë në riɔ̈ɔ̈c! Yɔ̈ɔ̈tkï lupɔɔ bei ë wekɔ̈ɔ̈th, ku duötkï we yiic anuɛɛr.

Yith 41:21

Kë lueel ë Bɛ̈nydït, Nhialic de Yithriɛl kï. “Wek yiëth ke juöör, bɛ̈ɛ̈ikï göönydun. Bɛ̈ɛ̈ikï kë nyooth yicduön tɔ̈u ke week!

Yith 55:6

Pukkï röt Bɛ̈nydït ku läŋkï, ënɔɔnë yen athiɔ̈k.

Yith 61:8

Aye Bɛ̈nydït lueel an, “Yɛn nhiaar yic ku maan yaaŋ ku luɔi de karɛc. Yɛn bï kɔckï thieei në piɔ̈n piɛth ku luɔi män bï tɔ̈u athɛɛr wo keek.

Yith 66:2

Yɛn në guöpdï Yɛn aa cak pinynɔm! Yɛn mit piɔ̈u wo kɔc ee röt kuɔɔr piny ku gɛmkï awɛ̈ɛ̈cken, kɔc ee riɔ̈ɔ̈c në Yɛn ku yek ya riëëu.

Jeremia 22:3

“Acä lueel Yɛn Bɛ̈nydït, luöi bä wek piathëpiɔ̈u ku yic aa looi. Yak raan mɛthë gël në raan cam en. Duökï raan lei, ku mɛnh abaar, ku tiiŋ abaar, ee kuöc luööi ku duökï yɔŋ, ku duökï kɔc cïn kë cïk wööc ee nɔ̈k ee të ɣericë.

Jeremia 23:29

Jamdï acït mac, ku acït thɔn ë dëi ee kur dhuööŋ ë thorthor.

Jeremia 36:16

Të wën cï yen thök në kuën, gokï kenyïïn woi ke ke cï nïïm mum, ku lɛ̈kkï Baruk an, “Wok bï ee kënë dhil lɔ lɛ̈k melik.”

Edhekiɛl 45:9

Acïï Bɛ̈nydït Awärjäŋ lueel an, “Wek cï awɛ̈ɛ̈c looi në kaam bääric, wek bäny ke Yithriɛl! Pälkï akuöörkuöör ku yaaŋ de kɔc! Luɔikï yic, ku piathëpiɔ̈u. Wek cïï kɔckï bï bɛ nyɔk ë cuɔp wek keek wei pinyden. Yɛn Bɛ̈nydït Awärjäŋ, ee Yɛn lɛ̈k week ee kënë.

Danyel 12:2

Kɔc juëc cï thou abïk bɛ pïïr, kɔc kɔ̈k abïk piɔ̈ɔ̈th miɛt në pïïr athɛɛric, ku kɔ̈k abïk gum në ayär athɛɛric.

Danyel 4:27

Në biäk de ee kënë, yïn melik, kuany löŋdï cök, päl kërac ku loi kake piathëpiɔ̈u, ku ye piɔ̈u kok wekë kɔc kuanynyïïn. Yen abïï yïn ceŋ ke yï kueth.

Danyel 5:30

Ku në ë wɛ̈ɛ̈r töŋë yic Belcadhar melik de Babilon acï bɛ̈n nɔ̈k.

Ɣodh 10:12

Gɔ̈lkï röt duum ku cuömkï röt piathëpiɔ̈u, ke wek bï kakë nhiëër agɔk yök, ke cie luɔi rac. Në biäk ye kek akööl ke kɔ̈ɔ̈r kɔɔr ë Bɛ̈nydït, agut kööl bï Yen bɛ̈n, bï week bɛ̈n gäm athiɛɛi.

Ɣodh 10:4

Ayek röt thɔ̈n kajuëc, ku kuëëŋkï në lueth, ku matkï kajuëc. Ku në biäk de ee kakë, ayek röt gaany arëët, cït man ye wɛl ke awɔɔk dap cil në dom cï puur yic.

Ɣodh 7:5

Në aköölkɛn dhuëëŋ kek melik guöp, bäny mɛ̈tkï në melik ëtök, ayek wiɛɛt në mɔ̈u, ku pukkï röt lɛ̈ɛ̈tkï Nhialic.

Amoth 5:24

Takï ŋiëc guiëër de löŋ tɔ wat cït man ë pïïu, ku takï piathëpiɔ̈u thiɔɔr cït man ë kiir.

Amoth 6:12

Duëër jöŋgöör riŋ në awiɛn ke kur nïïm? Ku duëër raan wɛ̈ɛ̈r puuric në miöör? Ku ka ye piathëpiɔ̈u ke luɔk, acäk ke puk ke ke ye kake kɛcëpiɔ̈u.

Ɣabakuk 3:16

Yɛn ëbɛ̈n lath yäc wën piɛŋ ɛn ee kënë ëbɛ̈n, yɛn cï bɛ̈n lath röl në riɔ̈ɔ̈c. Guɔ guöp lɔ bath, ku lɛthë yacök të wën kääc ɛn. Yɛn bï tïït ë lik në bɛ̈n bïï ë kööl bïï ë Nhialic kɔc ee wook mak bɛ̈n luöi këtuc.

Ɣagai 1:2

Aa lëk ë Bɛ̈nydït de rɛm Ɣagai an, “Aye kɔckë lueel an akööl aŋootkï wei, akööl bï wok Luaŋdït nyɔk ë yïk.

Math 22:5

Gokï lueel an, “Eeŋöda thïn, ku jëlkï, lɔ tök domde, ku lɔ tök tëdɛn ë ɣööc,

Jɔn 16:8

Ku yen, të cï en bɛ̈n, abï kɔc ke piny nɔm jɔ̈ɔ̈ny në këde kërac, ku në këde piathëpiɔ̈u, ku në këde guiëërëlöŋ:

Luɔi 10:42

Ku acï wo yɔ̈ɔ̈k an, buk kɔc aa guiëër ku yok cäätɔɔke an, ee yen ee raan cïï Nhialic dɔm aye Bɛ̈ny ee löŋ guiir löŋ de kɔc pïïr ayï kɔc cï thou.

Luɔi 17:13

Na wën, aacï Judai nu Thethalonike e piŋ nɔn cï jam ë Nhialic guiir në Paulo ë Beroya, ke ke lɔ ëtɛ̈ɛ̈n aya, lek kɔc noon.

Luɔi 17:2

Go Paulo lɔ luɛɛk tënu kek, cït man ee yen cool ë looi en en, ku jɔ wël guiir kekë keek ë akööl ke Thabath kadiäk në kacïgɔ̈ɔ̈r yiic,

Luɔi 17:32

Na wën, aa cïk jamë piŋ, jam de jönërɔt ë kɔc cï thou, ke jɔ kɔc kɔ̈k geet, ku lueel kɔ̈k an, “Këdu abuk bɛ piŋ në këde ëcöökë.”

Luɔi 2:37

Na wën, aa cïk jamë piŋ, ke ke guutë piɔ̈ɔ̈th, ku thiëckï Petero kekë kɔc kɔ̈k ë piööcë an, “Wäthii mïthëkɔckuɔ, eeŋö buk looi?”

Luɔi 24:15

Ku yɛn ŋäth Nhialic, ayï keek aya, ee Nhialic en ŋäthkï, nɔn bï jönërɔt ë kɔc cï thou nu, kɔc piɛthpiɔ̈ɔ̈th ayï kɔc rac piɔ̈ɔ̈th.

Luɔi 24:26

Ku aŋäth Paulo aya, nɔn bï en ë waac ë wëu, ke bï lony, yen aaye yen cool ë cɔɔl en en, bï jam ke yen.

Luɔi 26:28

Go Agiripa Paulo yɔ̈ɔ̈k an, “Yïn de piɔ̈u luɔi bï yïn a wëŋ në jam thiinakäŋ, ago ya tɔ ye Kërthiaan.”

Luɔi 9:6

Go lath, guöp ku pɛ̈u piɔ̈u, go thiëëc an, “Bɛ̈nydït, eeŋö kɔɔr kë bä looi?” Go Bɛ̈nydït lueel an, “Jɔt rɔt, lɔ pänydït, yïn bï lɛ̈k kë bä looi.”

Romai 12:1

Yen aa läŋ ɛn week, mïthëkɔckuɔ, në kok ë Nhialic piɔ̈u an, Gamkï gupkun abïk aa kë cï lam kë pïïr, kë ɣeric, kë mit ë Nhialic piɔ̈u, gämduön piɛth kï.

Romai 14:12

Yen ka, wook wodhie, ŋɛk abï këde yenguöp lɛ̈k Nhialic.

Romai 2:16

Kööl bï Nhialic ka cïï kɔc moony jɔ̈ɔ̈ny në Yecu Kërtho, në këde wëlkiën piɛth.

1 Kor 4:5

Yen cïn en kë yak jɔ̈ɔ̈ny të ŋoot akööl dït wei, të ŋootë Bɛ̈nydït ke kën bɛ̈n, raan bï ka cï thiaan tëcol bɛ̈ɛ̈i tëɣer, ku bï lööŋ ee lueel ë kɔc piɔ̈ɔ̈th tɔ tiëc, ee köölë yen abïï raan ëbɛ̈n lɛc yök tëde Nhialic.

2 Kor 5:10

Ku wo bï dhil tïc ë thööny de Kërtho nɔm wodhie, thööny de guiëërëlöŋ, ago raan ëbɛ̈n käŋ yök ka bï röŋ në kë cï looi ë guöpde yic, nɔn ee yen këpiɛth, ku nɔn ee yen kërac.

2 Kor 6:2

Nɔn cï en e lueel an, “Yɛn ë këdu piŋ ëkööl piɛth, Ku yïn cä luök ëkööl ë kunydewëi. Ëköölë kï, yen aye kööl piɛth, tiëŋkï, ëköölë kï, yen aye kööl ë kunydewëi!”

Galatai 3:22

Ku këcïgɔ̈ɔ̈r acï jäŋ ëbɛ̈n mac ë këracic, luɔi bï kë cï kɔn lueel an, bï yiɛ̈n kɔc, në gäm cï kek Yecu Kërtho gam, luɔi bï e yiɛ̈n kɔc cï gam.

Galatai 5:23

kuur ë raan rɔt tɔ koor, döm de röt: acïn löŋ de ater në ka cït ee kakë.

2Tim 4:1

Yïn cök ë than ɛn yïn ë Nhialic nɔm, ku Bɛ̈nydït Yecu Kërtho nɔm, raan bï löŋ de kɔc guiir kɔc pïïr ku kɔc cï thou, kööl bï en tuöl ku tul ciɛɛŋde,

Tito 1:8

Ku abï aa raan ŋic kamaan, raan nhiaar këpiɛth, raan piɛth nɔm, raan ŋic löŋ piɛth lueel, raan ɣeric, raan ŋic rɔt muk.

Ɣeberuu 12:21

Ku kë woi loi rɔt në kuur nɔmë, aye këdïït ë gäi riɔ̈ɔ̈cë, man abï Mothe jɔ lueel ë yethok an, “Yɛn aa cï riɔ̈ɔ̈c ku lɛthë yɛn!”

Ɣeberuu 3:13

Ku yak wepiɔ̈ɔ̈th riit wapäc aköölnyïïn kedhie. Ke bï ciën raan töŋ bï nɔm riɛl ë weyiic të cïï kërac e math. Në luɔi ŋoot En ke cöt “Ee köölë.”

Ɣeberuu 4:1

Ye ka, cït man ŋoot ë Nhialic ke cöl wook lɔ̈ŋ aɣet cï ënɔɔnë, jɔku röt tiit ke bï ciën kɔc bï döŋ ke ke cïï lɔ në ee lɔ̈ŋë yic.

Ɣeberuu 6:2

Cït nɔn e yï wëët ke jool kithiic ku thɛ̈ny de cin ë kɔc nïïm, ku wëët në kë de jön bï kɔc cï thou röt jɔt ë thuɔɔuwic, ku guiëër ë löŋ ee tɔ̈u athɛɛr.

Ɣeberuu 9:27

Cït man ye raan thou raantök ku jɔ lɛɛr të ye löŋ guiir.

Jakop 2:19

Acï gam nɔn ee Nhialic tök tei, acï tiiŋ nɔm! Acï jɔɔk rac gam ayadäŋ, ku lɛthëke.

1 Pet 3:15

Ku yak Kërtho theek ë wepiɔ̈ɔ̈th takï ë Bɛ̈nydït. Yak cool ë cuɔc wek röt, ke we bï löŋ de raan ëbɛ̈n ŋiëc aa bɛ̈ɛ̈r, raan ee we thiëëc në këde aŋäth ŋäthkï, abäk aa bɛ̈ɛ̈r në piɔ̈nlir ku riëëu,

2 Pet 1:6

ku matkï dömderɔt kekë ŋïnydekäŋ, ku matkï guömdekäŋ kekë dömderɔt, ku matkï riëëu de Nhialic kekë guömdekäŋ,

1 Jɔn 3:10

Kën ee mïth ke Nhialic lɔ dhek kï, ku lɔ mïth ke jɔŋdït rac dhek: raan cïï këde piathëpiɔ̈u ee looi, ka cie këde Nhialic, ayï raan cïï mɛnhkënë ee nhiaar.

1 Jɔn 3:7

Wek mïththiaakäŋ, duökï röt ee tɔ mɛthë raan: raan ee këde piathëpiɔ̈u looi, ka piɛthpiɔ̈u, cït man piɛth en piɔ̈u:

1 Tham 12:7

Yen ka, ënɔɔnë kääckï ee tëduönë, ku wek bä gɔ̈ny Bɛ̈nydït, ke we bä tɔ tak karil cï Bɛ̈nydït looi ka wään kony Yen week ku kuarkun.