Luɔi 24:24 - JAM DE NHIALIC 2011

²⁴ Na wën, aacï nïn lik thök, ke Pelik jɔ bɛ̈n kekë Duruthila tiiŋde, ee nyan ë Judai, go Paulo tɔ cɔl, ku jɔ piŋ wään guiir en këde gäm de Kërtho.

Luɔi 24:24 ပူးပေါင်းရင်းမြစ်များ

Mak 6:20

luɔi riɔ̈ɔ̈cë Ɣerod ë Jɔn, aŋic nɔn ee yen raan piɛthpiɔ̈u ku ye raan ɣeric, go ya döt apiɛth. Na wën, aye yen piŋ, aaye kajuëc looi, go këde aa piŋ në piɔ̈nmit.

Luk 19:3

Ku akɔɔr ë yepiɔ̈u luɔi bï en Yecu tïŋ nɔn ee yen raan yïndï, ku acïn luɔi duëër en e tïŋ ë baŋ de kut ë kɔc, në ciɛk cek en.

Luk 23:8

Na wën, aacï Ɣerod Yecu tïŋ, ke jɔ piɔ̈u miɛt aläl, aaye kɔɔr ë yepiɔ̈u ëcaŋɣɔn luɔi bï en e tïŋ, luɔi cï en kajuëc piŋ në këde, ku aŋäth luɔi bï en këgök bï looi tïŋ.

Luɔi 16:31

Gokï lueel an, “Gam Bɛ̈nydït Yecu Kërtho, ke yï bï kony wei, wekë dhiëndu.”

Luɔi 20:21

Yɛn aaye cäätɔ aya, cäätɔ lɛ̈k Judai ayï Girikii puŋ bï kek kepiɔ̈ɔ̈th pɔ̈k Nhialic, ku gäm bï kek Bɛ̈nydït Yecu Kërtho gam.

Luɔi 24:25

Na wën, aguiir Paulo këde piathëpiɔ̈u, ku në döm ee raan rɔt dɔm, ku në guiëër bï löŋ de kɔc guiir rial, ke Pelik jɔ riɔ̈ɔ̈c arëët, go bɛ̈ɛ̈r an, “Jɔ jäl ënɔɔnë. Na miäk, të cän akööl piɛth yök, ke yïn bä cɔɔl.”

Luɔi 26:22

Nhialic yen aa kony a tei, aguɔ tɔ̈u aɣët cï ee köölë, ke ya ye cool ë guïïr kɔc, kɔc kor ayï röördït, ku acïn kɔ̈k aa lɛ̈k keek, ee kak ë lueel tït tei, ayï Mothe an, bïk tïc:

Galatai 2:16

aŋicku nɔn kënë raan tɔ piɛthpiɔ̈u në luɔi de löŋ, ee gäm de Yecu Kërtho etök, en ee raan tɔ piɛthpiɔ̈u, ayï wook ayadäŋ, wo ë Yecu Kërtho gam, luɔi bï wo tɔ piɛthpiɔ̈ɔ̈th në gäm cï wo Kërtho gam, ku acie në luɔi de löŋ, në ciën cïn en raan töŋ bï tɔ piɛthpiɔ̈u në luɔi de löŋ.

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

Galatai 3:2

Ee cöökë yetök en akaar luɔi bän e piŋ tëde week, Cäk Wëidït yök në luɔi de löŋ, ku cäk ke yök në piŋ cä wek e piŋ, aguɔkï gam?

1 Jɔn 5:1

Raan ëbɛ̈n raan ë Yecu gam, an, ee Kërtho, ka ye dhiëëth Nhialic, ku raan ëbɛ̈n raan nhiaar raan ë dhiëth meth ke nhiaar mɛnh ë dhiëëth aya.

Juda 1:3

Week kɔc nhiaar, wään aa yɛn cök ë kaar ɛn gäär gäär ɛn week awerek në këde kunydewëi kuny nu wok thïn wodhie, ke ja ŋic ë yapiɔ̈u nɔn bän week dhil gäär jam riɛɛt ɛn wepiɔ̈ɔ̈th ke we bï cök ë teer në këde gäm, gäm cï yiɛ̈n kɔc ɣerpiɔ̈ɔ̈th raantök.

Nyuuth 14:12

Ruöt ee kɔc ɣerpiɔ̈ɔ̈th kepiɔ̈ɔ̈th ruut kï, kɔc ee lööŋ ke Nhialic döt, ku dötkï gäm cï kek Yecu gam.