Luɔi 23:6 - JAM DE NHIALIC 2011

⁶ Na wën, aacï Paulo kɔc nu ë löŋic tïŋ nɔn ye biäk tök Thadokai, ku biäk tök ee Parithai, ke jɔ cööt ë löŋic an, “Wɛ̈ɛ̈tkewäär! Yɛn ee Parithai, wën ë Parithai. Në aŋäth aa yɛn ŋäth ku në jön bï kɔc cï thou röt jɔt, en a guiirë këdï!”

Luɔi 23:6 ပူးပေါင်းရင်းမြစ်များ

Math 10:16

Tiëŋkï, wek tuɔɔc abäk ciët man ë amɛ̈l cï lɔ ë aŋuööth yiic, yen aa wek pɛl cït man ë karɛc, ku yak gup ciën akɔ̈ɔ̈k cït man ë guk.

Math 22:23

Ë kööl manë guöp, ke Thadokai ke ke bɔ̈ të nu yen, kɔc ë ye lueel an, acïn jön bï kɔc röt jɔt nu, gokï thiëëc,

Math 3:7

Na wën, acï kɔc juëc tïŋ, kɔc ke Parithai kekë Thadokai, ke ke bɔ̈ bïï ke bɛ̈n baptith në yen, ke ke jɔ yɔ̈ɔ̈k an, “Wek mïth ke karɛc, eeŋa ë yöök week an, bäk kat e agönh bï bɛ̈n?

Luɔi 22:3

“Yɛn ë Judai nɔm ëgɔk, ku yɛn aa dhiëëth ë Tartho ë Kilikia, ku yɛn aa muk ë pänydïïtëyic, ke ya piɔ̈ɔ̈c ë Gamaliɛl, ku ye ya wɛ̈ɛ̈t ë täu de löŋ de kuarkuɔ, täu a gɔk, aguɔ yic lɛ̈th në këde Nhialic, acït man ë wek wedhie ëköölë.

Luɔi 22:30

Na ɣɔn amiäk, nɔn de yen piɔ̈u luɔi bï en thar ë këdäŋ ŋic ëgɔk, kë gɔɔnyë Judai ye, ke jɔ Paulo lony ë joth yiic, ku cɔɔl bänydït ke ka ke Nhialic kekë kɔc ke löŋ kedhie an, bïk bɛ̈n. Go Paulo bɛ̈ɛ̈i, ku tɛ̈ɛ̈uwë ë kenïïm.

Luɔi 22:5

Bɛ̈nydïït ë kake Nhialic ee cäätɔdï në ëcöökë aya, ayï röördït ëbɛ̈n. Awereek acä ke nööm tëde keek aya, awerek bä yiɛ̈n wäthii, guɔ lɔ Damathko, la kɔc ë tɔ̈u ëtɛ̈ɛ̈n lɔ bɛ̈ɛ̈i Jeruthalem, ke ke rɛk, abïk këdɛn tuc bɛ̈n yök.

Luɔi 23:1

Na wën, ke Paulo jɔ kɔc nu ë löŋic toom gup, ku lueel an, “Week, wɛ̈ɛ̈tkewäär, yɛn ee rëër ë rëërdï në piɔ̈n agɔk ë Nhialic nɔm aɣet cï ëköölë.

Luɔi 23:15

Ku week ënɔɔnë, wekë kɔc nu ë löŋ nɔm we bï bɛ̈nydïït de rem de tɔŋ yɔ̈ɔ̈k an, bï Paulo bɛ̈ɛ̈i piny yïnë week an, kaarkï luɔi bä wek käŋ luɔp në këde, ka bäk ŋic ëgɔk, ku wook, të ŋoot en ke kën ɣet tëthiɔ̈k, ke wo ye thiɔ̈k ë näŋ nɛ̈k wok en.”

Luɔi 23:20

Go lueel an, “Judai acïk kethook mat, luɔi bï kek yï lɔ̈ŋ an, bä Paulo bɛ̈ɛ̈i ë löŋ nɔm miäk an, kɔɔrkï luɔi bï kek käŋ luɔp në këde, ka bïk ŋic ëgɔk.

Luɔi 23:7

Ku të cï en ee kënë lueel, ke teer cak rɔt ë kaam ë yï Parithai kekë Thadokai, go amatnɔm wën nu ë löŋ nɔm gokï keyiic tek.

Luɔi 24:15

Ku yɛn ŋäth Nhialic, ayï keek aya, ee Nhialic en ŋäthkï, nɔn bï jönërɔt ë kɔc cï thou nu, kɔc piɛthpiɔ̈ɔ̈th ayï kɔc rac piɔ̈ɔ̈th.

Luɔi 24:21

ee jam töŋë tei, jam wään cɔ̈ɔ̈t ɛn wään kääc ɛn ë keyiic an, ‘Në këde jönërɔt ë kɔc cï thou, yen a guiirë löŋdï ë wenïïm ee köölë.”’

Luɔi 28:20

Kë ë caal ɛn week ka, ee tïŋ bän week tïŋ, aguɔ jam wo week, në baŋ de aŋäth de Yithriɛl, yen a mɛcë yɛn ë jothë.”

Pilipoi 3:5

Yɛn cï cueel ëkööl ee kek bɛ̈t, yɛn ee jur cɔl Yithriɛl, raan ë dhiën ë Benjamin, yɛn ee Ɣeberuu cï dhiëëth ë Ɣeberuu, në këde löŋ, yɛn ee Parithai,

Kolothai 1:5

në biäk de aŋäth cï kuɛ̈t week paannhial. Ku aŋäthë acäk wek këde kɔn piŋ ɣɔn piɛŋ wek ke yiic,

Ɣeberuu 6:19

Wok de nïïm aŋäth dït cï mac piny cïn kë lëu en në wuök tëde, në biäk de këde pïïrda, aŋäth ŋicku ëgɔk bï wo tɛ̈ɛ̈k në gëlgël ë luaŋdït ë paannhial, ku ɣeet wook tëɣeric ëwic wär këriëëc.