Luɔi 23:14 - JAM DE NHIALIC 2011

¹⁴ Gokï lɔ tëde bänydït ke ka ke Nhialic ku röördït, ku luelkï an, “Wok cï gutguut looi aläl, an, acïn kë buk thiëëp të ŋoot wok ke wo kën Paulo nɔ̈k.

Luɔi 23:14 ပူးပေါင်းရင်းမြစ်များ

Yith 3:9

Luɔi de awɛ̈ɛ̈cken ee rɔt anyooth në kenyïïn. Acïkï keek ee thiaan cït man de kɔc ke Thɔdom. Amawoou, në riäŋ cïk yiɛ̈n röt.

Jeremia 6:15

Ë ke ye gup yäär të wään ye kek karɛc cït ee kakë looi? Ei, acïkï gup ee yäär taitai, ku acïkï ŋic aya luöi duëër kek ye pɔ̈l. Ka keek abïk wïïk cït man cï kɔc kɔ̈k wïïk, wään luöi Yɛn keek këtuc, yen abï aa thökden. Acä lueel, Yɛn Bɛ̈nydït.”

Jeremia 8:12

Kɔckï, ë we kën gup riɔ̈ɔ̈c në biäk cä wek kake ayäär looi? Ei, wek kën gup riɔ̈ɔ̈c taitai, ku wek kuc luöi ye kɔc diɛɛr aya! Ka wek bï wïïk cït man cïï kɔc kɔ̈k wïïk, të lan week lɔ luöi këtuc, kënë yen abï aa thökdun. Acä lueel, Yɛn Bɛ̈nydït.

Ɣodh 4:9

Wek bä luöi këtuc ëtök në kɔc, në biäk de karɛc cäk looi.

Maika 7:3

Acïk luɔi de kërac ŋic aläl kedhie, ku bäny ayek ariöp cɔɔl. Ku bäny ee lööŋ guiir ayek kumthok nööm. Ku kɔc ril acïk kethook mat kedhie, ku ayek kë kɔɔrkï tɔ loi.

Luɔi 23:12

Na wën, aacï piny ruu, ke Judai kɔ̈k ë ke jɔ kethook mat, gokï gutguut looi aläl an, cïkï dëk ku cïkï cäm, të ŋoot kek ke ke kën Paulo nɔ̈k.

Luɔi 23:13

Kɔc cï kethook mat aya awärkï thiërŋuan.

Luɔi 23:20

Go lueel an, “Judai acïk kethook mat, luɔi bï kek yï lɔ̈ŋ an, bä Paulo bɛ̈ɛ̈i ë löŋ nɔm miäk an, kɔɔrkï luɔi bï kek käŋ luɔp në këde, ka bïk ŋic ëgɔk.

Luɔi 23:21

Yen du yïn këden gam, ade kɔc buth en kueer, awärkï thiërŋuan, kɔc cï gutguut lueel an, cïkï cäm ku cïkï dëk të ŋoot kek ke kënkï nɔ̈k, ku acïk thök ënɔɔnë, atitkï jam bï bɛ̈n tëde yïn.”