Luɔi 22:5 - JAM DE NHIALIC 2011

⁵ Bɛ̈nydïït ë kake Nhialic ee cäätɔdï në ëcöökë aya, ayï röördït ëbɛ̈n. Awereek acä ke nööm tëde keek aya, awerek bä yiɛ̈n wäthii, guɔ lɔ Damathko, la kɔc ë tɔ̈u ëtɛ̈ɛ̈n lɔ bɛ̈ɛ̈i Jeruthalem, ke ke rɛk, abïk këdɛn tuc bɛ̈n yök.

Luɔi 22:5 ပူးပေါင်းရင်းမြစ်များ

Luk 22:66

Na wën, aacï piny guɔ ruu, ke amatnɔm ë röördït jɔ guëër, kekë bänydït ke ka ke Nhialic ayï kɔc ee löŋ gɔ̈ɔ̈r, gokï thel leerkï ë löŋdenic, ku luelkï an,

Luɔi 1:15

Ë aköölkë ke Petero jɔt rɔt ë kɔc yiic cil kɔcpiööcë (kuën ë rinken kedhie acït bɔt tök ku thiërrou),

Luɔi 13:26

“Wek wäthii, mïth ke baai de Abraɣam, ku kɔc nu ë weyiic ëbɛ̈n kɔc riëëu Nhialic, jamë acï tuöc week, jam de Konydewëiyë!

Luɔi 2:29

“Wek wäthii mïthëkɔckuɔ, acïn kë pën ɛn guiëër guiëër ɛn week në këde Debid kuɛɛrdan thɛɛr an, abï thou, ku acï thiɔ̈k, ku raŋde atɔ̈u kekë wook aɣet cï ëköölë.

Luɔi 22:1

“Week, wɛ̈ɛ̈tkewäär ku wärkuɔ, piɛŋkï këdiën luɛɛl ë wenïïm ënɔɔnë.

Luɔi 23:1

Na wën, ke Paulo jɔ kɔc nu ë löŋic toom gup, ku lueel an, “Week, wɛ̈ɛ̈tkewäär, yɛn ee rëër ë rëërdï në piɔ̈n agɔk ë Nhialic nɔm aɣet cï ëköölë.

Luɔi 23:6

Na wën, aacï Paulo kɔc nu ë löŋic tïŋ nɔn ye biäk tök Thadokai, ku biäk tök ee Parithai, ke jɔ cööt ë löŋic an, “Wɛ̈ɛ̈tkewäär! Yɛn ee Parithai, wën ë Parithai. Në aŋäth aa yɛn ŋäth ku në jön bï kɔc cï thou röt jɔt, en a guiirë këdï!”

Luɔi 26:10

Aguɔ looi aya ë Jeruthalem. Yɛn ë riɛl nööm tëde bänydït ke ka ke Nhialic, ku ja kɔc juëc mac ë aloc yiic, kɔc ɣerpiɔ̈ɔ̈th, ku ëkööl cï ë ke nɔ̈k, yɛn ë thonden gam.

Luɔi 26:11

Aake ya cool ë duöi ɛn ke ë ɣööt ke Nhialic yiic kedhie, ku ja ke dhil aa tɔ lat Nhialic, aguɔ ke yɔŋ ɣɛɛt pɛ̈ɛ̈nydït lei në agönhdïït aa yɛn gɔ̈th wo keek.

Luɔi 26:12

“Wään luɔɔi ɛn ee kake, ke ya keny Damathko, ku cath wo riɛl ku bɛ̈ɛ̈ny cïï bänydït ke ka ke Nhialic yiɛ̈n ɛn,

Luɔi 28:17

Na wën, aacï nïn kadiäk wan, ke Paulo cɔl röördït ke Judai bïk bɛ̈n guëër të nu yen. Të cï kek guëër, ke jɔ ke yɔ̈ɔ̈k an, “Wäthii, ciɛk an, cïn ater cä cak wokë kɔc, ayï ciɛɛŋ de wärkuɔ, ke yɛn cï yiɛ̈n Romai ë Jeruthalem ke ya mac.

Luɔi 28:21

Gokï yɔ̈ɔ̈k an, “Acïn awereek cuk yök në këdu awereek bɔ̈ Juda, ku acïn raan tök ë wɛ̈ɛ̈takëckuɔ cï bɛ̈n eenë, raan cath ke jam rac në këdu.

Luɔi 3:17

“Ku ënɔɔnë, mïthëkɔckuɔ, aŋiɛc nɔn cä wek kënë looi në kuny kuöc wek en, ayï bänykun aya.

Luɔi 4:5

Na wën, aruu piny, ke bäny ke Judai, ku röördït ku kɔc ee löŋ gɔ̈ɔ̈r ë ke guëër Jeruthalem.

Luɔi 5:21

Na wën, aa cïk e piŋ, ke ke lɔ Luaŋdïtic ɣɔn amiäk të cï piny ruu, lek kɔc wɛ̈ɛ̈t. Go bɛ̈nydïït ë kake Nhialic bɛ̈n kekë kɔc ë tɔ̈u në yen, gokï kɔc ke löŋ caal tëtök, kekë röördït ke kɔc ke Yithriɛl kedhie, ku toockï kɔc aloocic bïk tuuc lɔ bɛ̈ɛ̈i.

Luɔi 9:14

Ku acath ke riɛl ee tënë tëde bänydït ke ka Nhialic, bï kɔc bɛ̈n mac kedhie kɔc ee rinku cɔɔl.”

Galatai 1:13

Wek ë täudï piŋ täudiën aa yɛn tɔ̈u ɣɔn ë Judai yic, läm ee kek Nhialic lam, luɔi aa yɛn ɣön ë Nhialic yɔŋ ë yöŋ rac ëtaiwei, ku riääk:

Pilipoi 3:6

në këde lɛ̈th lɛ̈th ɛn yic, yɛn ë ɣön ë Nhialic yɔŋ, në këde piathëpiɔ̈u nu ë löŋic, yɛn cïn kë bï a gɔ̈k.

1 Tim 4:14

Du yïnɔm tɛɛk piny në miɔ̈c cath ke yïn, miɔ̈c wään cï gäm yïn në guiëërë wël ku thäny cï röördït yï thany ë kecin.