Luɔi 22:30 - JAM DE NHIALIC 2011

³⁰ Na ɣɔn amiäk, nɔn de yen piɔ̈u luɔi bï en thar ë këdäŋ ŋic ëgɔk, kë gɔɔnyë Judai ye, ke jɔ Paulo lony ë joth yiic, ku cɔɔl bänydït ke ka ke Nhialic kekë kɔc ke löŋ kedhie an, bïk bɛ̈n. Go Paulo bɛ̈ɛ̈i, ku tɛ̈ɛ̈uwë ë kenïïm.

Luɔi 22:30 ပူးပေါင်းရင်းမြစ်များ

Math 10:17

Ku yak röt tiit ë kɔc, abïk week aa lɛɛr ë lööŋ nïïm, ku we bï aa dui ë wɛt ë ɣöötkɛn ke Nhialic yiic,

Math 27:2

Na, wën, ke dutkï, ku thelkï, yïnkï bɛ̈ny Pontio Pilato.

Math 5:22

Ku wek yɔ̈ɔ̈k, an, “Raan ëbɛ̈n raan cï ɣɔ̈ric gɔ̈th kekë mɛnhkënë, ka duëër riɔ̈ɔ̈c ë guiëër bï löŋde guiir, ku raan yöök mɛnhkënë, an, Yïn piɔl piɔ̈u, aduëër riɔ̈ɔ̈c ë jäny bï ë jɔ̈ɔ̈ny ë löŋ nɔm, ku raan lueel en, an, “Yïn ee dhɔ̈n, aduëër riɔ̈ɔ̈c ë giɛna de mac.

Luɔi 21:11

Na wën, ke bɔ̈ të nu wok, bï ku nööm thiön wën ee Paulo e yic duut, ku duut rɔt, cin ku cök, ku jɔ lueel an, “Në Wëidït ɣer alëyɔ̈ɔ̈ an: Raan de ye thiönë abïï Judai nu ë Jeruthalem duut aya, ku jɔkï yiɛ̈n Juöör.”

Luɔi 21:33

Go bɛ̈nydït de rem de tɔŋ lɔ të nu yen, le ku dɔm, ku tɔ rek ë joth kaarou, go thiëëc an, “Ee yïn ŋa? Eeŋö cï looi?”

Luɔi 22:5

Bɛ̈nydïït ë kake Nhialic ee cäätɔdï në ëcöökë aya, ayï röördït ëbɛ̈n. Awereek acä ke nööm tëde keek aya, awerek bä yiɛ̈n wäthii, guɔ lɔ Damathko, la kɔc ë tɔ̈u ëtɛ̈ɛ̈n lɔ bɛ̈ɛ̈i Jeruthalem, ke ke rɛk, abïk këdɛn tuc bɛ̈n yök.

Luɔi 23:1

Na wën, ke Paulo jɔ kɔc nu ë löŋic toom gup, ku lueel an, “Week, wɛ̈ɛ̈tkewäär, yɛn ee rëër ë rëërdï në piɔ̈n agɔk ë Nhialic nɔm aɣet cï ëköölë.

Luɔi 23:15

Ku week ënɔɔnë, wekë kɔc nu ë löŋ nɔm we bï bɛ̈nydïït de rem de tɔŋ yɔ̈ɔ̈k an, bï Paulo bɛ̈ɛ̈i piny yïnë week an, kaarkï luɔi bä wek käŋ luɔp në këde, ka bäk ŋic ëgɔk, ku wook, të ŋoot en ke kën ɣet tëthiɔ̈k, ke wo ye thiɔ̈k ë näŋ nɛ̈k wok en.”

Luɔi 23:20

Go lueel an, “Judai acïk kethook mat, luɔi bï kek yï lɔ̈ŋ an, bä Paulo bɛ̈ɛ̈i ë löŋ nɔm miäk an, kɔɔrkï luɔi bï kek käŋ luɔp në këde, ka bïk ŋic ëgɔk.

Luɔi 23:28

Na wën, aa dɛ piɔ̈u luɔi bän gööny gɔɔny kek en ŋic, ke ja bɛ̈ɛ̈i ë löŋden nɔm.

Luɔi 23:6

Na wën, aacï Paulo kɔc nu ë löŋic tïŋ nɔn ye biäk tök Thadokai, ku biäk tök ee Parithai, ke jɔ cööt ë löŋic an, “Wɛ̈ɛ̈tkewäär! Yɛn ee Parithai, wën ë Parithai. Në aŋäth aa yɛn ŋäth ku në jön bï kɔc cï thou röt jɔt, en a guiirë këdï!”

Luɔi 26:29

Go Paulo bɛ̈ɛ̈r an, “Nɔn ee yen jam thiinakäŋ ku nɔn ee yen jam dït, yɛn läŋ Nhialic, acie këdu yïn yïtök, ee këde kɔc kedhie aya, kɔc piŋ këdï ee köölë, ke we bï ciët ɛn, ee jothkë tei, ee kek bï liu.”

Luɔi 5:21

Na wën, aa cïk e piŋ, ke ke lɔ Luaŋdïtic ɣɔn amiäk të cï piny ruu, lek kɔc wɛ̈ɛ̈t. Go bɛ̈nydïït ë kake Nhialic bɛ̈n kekë kɔc ë tɔ̈u në yen, gokï kɔc ke löŋ caal tëtök, kekë röördït ke kɔc ke Yithriɛl kedhie, ku toockï kɔc aloocic bïk tuuc lɔ bɛ̈ɛ̈i.