Luɔi 22:12 - JAM DE NHIALIC 2011

¹² “Ku ade raan cɔl Anania, raan riëëu Nhialic ku döt löŋ, ku ye raan piɛth rin tëde Judai wään rɛ̈ɛ̈r ëtɛ̈ɛ̈n kedhie,

Luɔi 22:12 ပူးပေါင်းရင်းမြစ်များ

Luk 2:25

Ku ade raan nu Jeruthalem, cɔl Thimion, raanë apiɛthpiɔ̈u, ee Nhialic riëëu, ku ye muŋ bï Yithriɛl muk piɔ̈u tiit, ku tɔ̈u Wëidït ɣer në yen.

Luɔi 10:22

Gokï lueel an, “Korunelio, bɛ̈ny ë rem de tɔŋ, raan piɛthpiɔ̈u, ku ye Nhialic riëëu, ku ye raan piɛth rin ë jur ë Judai yic ëbɛ̈n. Go tunynhial ɣeric a yöök an, bï yï tuöc kɔc an, bä lɔ ɣönde, ke bï wël piŋ tëde yïn.”

Luɔi 17:4

Go kɔc kɔ̈k gam, ku mɛ̈tkï ë yï Paulo kekë Thila, ayï rem dïït ë Girikii riëëu Nhialic, kekë diëër dït diëër juëc ëmääth.

Luɔi 6:3

Na ënɔɔnë, wek mïthëkɔckuɔ, jakï röör kadhorou kɔɔr ë weyiic, röör cath ë rin piɛth ë kɔc yiic, ku cïk thiäŋ ë Wëidït ku pɛlënɔm, kɔc buk tääu ë luɔiyë nɔm.

Luɔi 8:2

Go kɔc riëëu Nhialic gokï Thepano jɔt lek thiɔ̈k, ku dhiëëukï ë dhiën dït.

2 Kor 6:8

Në lɛc, ku në ciën lɛc, në rin piɛth ku në rin rac, acït kɔc ee kɔc math, ku wok ee kɔc yith,

1 Tim 3:7

Ku abï dhil aa raan piɛth rin tëde kɔc nu biic aya, ke cïï këdäŋ bï wööc kë bï e gɔ̈k, ago cuö lööny ë wïn ë jɔŋdït racic wïn ë dëp.

Ɣeberuu 11:2

Yen gäm yen aa tɔ kɔc ɣɔn thɛɛr yök rin piɛth ë Nhialic nɔm.

3 Jɔn 1:12

Demeturio piathde aye lueel ë raan ëbɛ̈n, ku ye yic lueel aya: yeka ayï wook aya, wok ee cäätɔɔ luel këde, ku we ŋic kë luelku nɔn ee yen yic.