Luɔi 22:1 - JAM DE NHIALIC 2011

¹ “Week, wɛ̈ɛ̈tkewäär ku wärkuɔ, piɛŋkï këdiën luɛɛl ë wenïïm ënɔɔnë.

Luɔi 22:1 ပူးပေါင်းရင်းမြစ်များ

Luk 12:11

“Ku të ye kek week bɛ̈ɛ̈i ë ɣööt ke Nhialic yiic ku bäny nïïm bäny ee löŋ guiir, ku bäny ee kɔc cieŋ, ke we duökï ë diɛɛr në wël bäk bɛ̈ɛ̈r, ku në kë bäk lueel.

Luk 21:14

Yen aa wek löŋ dhek ë wepiɔ̈ɔ̈th, ke we cïï bï diɛɛr ë wepiɔ̈ɔ̈th në bëër bä wek aa bëër,

Luɔi 13:26

“Wek wäthii, mïth ke baai de Abraɣam, ku kɔc nu ë weyiic ëbɛ̈n kɔc riëëu Nhialic, jamë acï tuöc week, jam de Konydewëiyë!

Luɔi 19:33

Gokï Alekandaro tuɛɛl ë kut ë kɔc nïïm, ee Judai kek aa tɛ̈ɛ̈u en tueŋ. Go Alekandaro kɔc nieu ë yecin, akɔɔr luɔi bï en këde lueel ë kut ë kɔc nïïm.

Luɔi 23:1

Na wën, ke Paulo jɔ kɔc nu ë löŋic toom gup, ku lueel an, “Week, wɛ̈ɛ̈tkewäär, yɛn ee rëër ë rëërdï në piɔ̈n agɔk ë Nhialic nɔm aɣet cï ëköölë.

Luɔi 23:6

Na wën, aacï Paulo kɔc nu ë löŋic tïŋ nɔn ye biäk tök Thadokai, ku biäk tök ee Parithai, ke jɔ cööt ë löŋic an, “Wɛ̈ɛ̈tkewäär! Yɛn ee Parithai, wën ë Parithai. Në aŋäth aa yɛn ŋäth ku në jön bï kɔc cï thou röt jɔt, en a guiirë këdï!”

Luɔi 24:10

Na wën, aacï bɛ̈ny e nieu, ke Paulo bëër an, “Bɛ̈nydït, aŋiɛc nɔn ee yïn jurë cieŋ ë run juëc, en a luɛɛl ɛn këdï ë piɔ̈nmit.

Luɔi 25:16

Aguɔ këden bɛ̈ɛ̈r an, Acie ciɛɛŋ de Romai an, bïk raan yiɛ̈n kɔc, le nɔ̈k, të ŋootë raan cï gaany ke kën e thok kɔn tuööm kekë kɔc gɔɔny en, ago päl luɛl lueel en këde në kë ë gɔɔnyë ye.

Luɔi 25:8

Go Paulo bɛ̈ɛ̈r në këde guöp an, “Acïn kërɛɛc cä wööc në löŋ de Judai, ayï Luaŋdït, ayï Kaithar, acïn cöök tök.”

Luɔi 26:24

Na wën, të ŋootë Paulo ke luel këde, ke jɔ Petheto lueel ë röl dït an, “Paulo, yïn ë miɔ̈l, ŋïny ŋic yïn käŋ arëët acï yï tɔ miɔ̈l!”

Luɔi 28:17

Na wën, aacï nïn kadiäk wan, ke Paulo cɔl röördït ke Judai bïk bɛ̈n guëër të nu yen. Të cï kek guëër, ke jɔ ke yɔ̈ɔ̈k an, “Wäthii, ciɛk an, cïn ater cä cak wokë kɔc, ayï ciɛɛŋ de wärkuɔ, ke yɛn cï yiɛ̈n Romai ë Jeruthalem ke ya mac.

Luɔi 7:2

Go lueel an, “Wek wɛ̈ɛ̈t ke wäär ku wärkuɔ, piɛŋkï këdï! Nhialic cath ke dhuëëŋ, yen acï tuöl tëde wäärdan Abraɣam të ɣɔn nu yen Methopotamia, aŋoot ke kën guɔ ceŋ ë Ɣaran,

Romai 2:15

Anyoothkï luɔi de löŋ nɔn cï e gɔ̈ɔ̈r ë kepiɔ̈ɔ̈th, ku ŋïny de kepiɔ̈ɔ̈th ee rɔ̈m kekë löŋ aya, agokï löŋ guiir ë kepiɔ̈ɔ̈th kapäc, go raan rɔt gaany, ku nɔn de en të bï en rɔt kony, go rɔt kony.

1 Kor 9:3

Bëër bän e pɔ̈k nɔm kɔc thiëc ɛn, kï an:

2 Kor 12:19

Cöök däŋ an, yak lueel an, konyku röt ë wenïïm ë caŋawën? Wok jam ë Nhialic nɔm ë Kërtho yic. Ku ka luelku kedhie, wek kɔc nhiaar, ee ka ke kuɛ̈t bï we kueet.

2 Kor 7:11

Thɔ̈ɔ̈ŋkï këmanë guöp, dhiën cï we tɔ dhiau piɔ̈ɔ̈th në këde Nhialic, thɔ̈ɔ̈ŋkï lɛ̈th cï we tɔ lëth yiic dït dïït en, yeka, ku dït ë luɛl cä wek këdun lueel, yeka, ku diu cä wek piɔ̈ɔ̈th diu, yeka, ayï täŋ cä wek käŋ tak arëët, yeka, ayï tuöc cä wek piɔ̈ɔ̈th tuöc, yeka, ayï guur cä wek käŋ guöör! Në këriëëc ëbɛ̈n we cï röt nyuɔɔth nɔn cä wek gup a gɔk ë liu liɛɛu wek ë jamë yic.

Pilipoi 1:17

Ku guiir kɔckë në nhiëër, aŋickï nɔn cï a dɔm në kuny bän wëlpiɛth aa kony.

Pilipoi 1:7

Ku apiɛth aya nɔn bän kënë thɔ̈ɔ̈ŋ ë yapiɔ̈u në këdun week wedhie, luɔi aa yɛn we tak ë yapiɔ̈u, në röm aa wek dhuëëŋ rɔm në yɛn ëtök wedhie, në mäny mɛcë yɛn ayï kuny aa yɛn wëlpiɛth kony ke ke bï kɔ̈ɔ̈c aril.

2Tim 4:16

Kööl ë kan ɛn këdï lueel ë göönyic, acïn raan ë kɛ̈ɛ̈c wok ëtök, yɛn cïï kɔc päl wei kedhie. Ë cïï tɛ̈ɛ̈uwë ë keyiëth!

1 Pet 3:15

Ku yak Kërtho theek ë wepiɔ̈ɔ̈th takï ë Bɛ̈nydït. Yak cool ë cuɔc wek röt, ke we bï löŋ de raan ëbɛ̈n ŋiëc aa bɛ̈ɛ̈r, raan ee we thiëëc në këde aŋäth ŋäthkï, abäk aa bɛ̈ɛ̈r në piɔ̈nlir ku riëëu,