Luɔi 21:8 - JAM DE NHIALIC 2011

⁸ Na ɣɔn amiäk, ke wo jɔ jäl wo kɔc wën cath ë Paulo, jɔku bɛ̈n Kaitharia. Goku lɔ ɣön ë Pilip, raan ŋic wëlpiɛth guïïr, ku ye raan töŋ ë kɔc kadhorou yiic, goku rëër ë yen.

Luɔi 21:8 ပူးပေါင်းရင်းမြစ်များ

Luɔi 10:1

Ku ade raan nu Kaitharia, cɔl Korunelio, ee bɛ̈ny de rem de Romai, “Rem cɔl Tiliyan.”

Luɔi 16:10

Na wën, aacï raanë tïŋ, goku të bï wo lɔ Makedonia dap kɔɔr, ayok lueel ë wopiɔ̈ɔ̈th an, cï Bɛ̈nydït wo dhil cɔɔl, buk wëlpiɛth lɔ guiëër keek.

Luɔi 16:13

Na wën, ëkööl ë Thabath, ke wo lɔ pänydït këc ë wɛ̈ɛ̈r yɔu të ye kɔc lɔ̈ŋ thïn, lokku ku nyucku piny, jamku në diëër cï guëër ëtɛ̈ɛ̈n.

Luɔi 16:16

Na wën, ë kööl tök, të le wok të ye kɔc lɔ̈ŋ, ke wo jɔ rɔ̈m në nyan lïm, nyan de guöp yanh cɔl nyiëël, ku ye bänyke tɔ yök wëu juëc në cäär ee yen cɔ̈ɔ̈r.

Luɔi 18:22

Na wën, aacï bɛ̈n bei ë abëlic ë Kaitharia, ke jɔ ɣön ë Nhialic lɔ thiëëc, ku jɔ lɔ Antiokia.

Luɔi 20:13

Ku wook, wok aa kɔn lɔ tueŋ të nu abël, ku jɔku jäl ë abël lok Atho, wo de piɔ̈ɔ̈th luɔi bï wo Paulo tääu ë abëlic ëtɛ̈ɛ̈n, cït man cï yen e kɔn lueel, akɔɔr luɔi bï en tëëk biic yetök.

Luɔi 20:6

Ku wook, wo ë jël Pilipoi ë abël, të cï akööl ke Dhuëëŋ de Kuïn Cïnic Luɔu thök, goku bɛ̈n të nu kek ë Toroa ë nïn kadhïc, ku rɛ̈ɛ̈rku ëtɛ̈ɛ̈n ë nïn kadhorou.

Luɔi 21:16

Ku wo aake ruɛcë ë kɔc kɔ̈k ë kɔcpiööcë nu ë Kaitharia, ku aciɛthkï në raan cɔl Manathon, mony ë bɔ̈ Thaiperuth, ee raan ë kɔn ë piɔ̈ɔ̈c thɛɛr, ku ye raan bï wok rëër ɣönde.

Luɔi 23:23

Go bäny ke rem cɔɔl kaarou, ku jɔ ke yɔ̈ɔ̈k an, “Takï bot ke rem de tɔŋ kaarou guik bïk lɔ Kaitharia, ayï rem de tɔŋ cath ë jöŋgöör kɔ̈ɔ̈th kathiërdhorou, ku rem de tɔŋ muk tɔɔŋ bot kaarou, abïk jäl ë thaar kadiäk ëlë wakɔ̈u.

Luɔi 27:1

Na wën, aacï lueel an, buk cath në abël lok Yitalia, ke ke jɔ Paulo kekë kɔc kɔ̈k cï mac yiɛ̈n raan cɔl Julio, ee bɛ̈ny de rem cɔl rem de Augutho.

Luɔi 28:11

Na wën, aa cuk pɛ̈i lɛɛr kadiäk, ke wo jɔ jäl ë Alekandaria, abël wään mäi tuur, abël de wɛ̈ɛ̈t Acuek cï guaŋ ë yenɔm tueŋ.

Luɔi 28:16

Na wën, aa cuk ɣet Roma, ke bɛ̈ny de rem jɔ kɔc cï mac yiɛ̈n bɛ̈ny ee alooc tiit, go Paulo pɔ̈l a rɛ̈ɛ̈r etök, ke tiit raan töŋ de rem tei.

Luɔi 6:5

Ku löŋë acï kut ë kɔc tɔ mit piɔ̈ɔ̈th kedhie, agokï Thepano lɔc, raan ë gam arëët, ku cï thiäŋ ke Wëidït ɣer, ku Pilip, ku Porokoro, ku Nikanor, ku Thimon, ku Parmena, ku Nikola raan ë bɔ̈ Antiokia ku cï rɔt tɔ ye Judai.

Luɔi 9:30

Na wën, aacï wäthii e piŋ, ke jɔtkï leerkï Kaitharia, gokï tɔ lɔ Tartho.

Epethiei 4:11

Go kɔ̈k gaam aye tuuc, ku gɛm kɔ̈k aye tït, ku bï kɔ̈k aa kɔc ë wëlpiɛth guiir, ku bï kɔ̈k aa kɔc ee kɔc tïït ku kɔc ee wëët.

2Tim 4:5

Ku yïn, ye röt tiit ë këriëëcic ëbɛ̈n, ye katuc guum, ye luɔi de raan ee wëlpiɛth guiir looi, ku jɔ luɔidu tiiŋic ëgɔk.