Luɔi 21:5 - JAM DE NHIALIC 2011

⁵ Na wën, aa cuk aköölkë lɛɛr, ke wo jɔ jäl lok ë kueerda, gokï wo ruac kedhie, kekë diëërken ku mïthken, abuk ɣet pänydït këc, goku womiɔl tuk ë wɛ̈ɛ̈r yɔu, ku lɛ̈ŋku.

Luɔi 21:5 ပူးပေါင်းရင်းမြစ်များ

1 Mel 8:54

Na wën aacï Tholomon thök në lɔ̈ŋ ku lïm lip en Bɛ̈nydït, go rɔt jɔt në yïïŋ ë Bɛ̈nydït nɔm tueŋ, të wën guŋ en ke cï yecin taar nhial.

2 Lëk 20:13

Kɔc ke Juda kedhie në diäärken ku mïthken, aake kääc ëtɛ̈ɛ̈n në Luaŋdït thok.

Neɣe 12:43

Në ee köölë miɔ̈c juëc acï ke bɛ̈n gam, ku kɔc acïk piɔ̈ɔ̈th bɛ̈n miɛt aläl në biäk cïï Nhialic keek tɔ mit piɔ̈ɔ̈th. Diäär ku mïth aake cï röt mat thïn në dhuëëŋic ku awuɔɔuden aaye piŋ të mec ku të dïït lääuwic.

Diɛt 95:6

Bäkkï, gutku wonïïm piny ku lɛmku, tukku wo miɔl në Bɛ̈nydït nɔm Aciëŋda!

Math 14:21

Kɔc wën cäm aake cït agum kadhïny de röör, ku nu diäär ku mïth ayadäŋ.

Mak 1:40

Na wën, ke raan bɔ̈ tëde yen, raan de guöp wɛth ke läŋ, ku tuk emiɔl ë yenɔm, lueel an, “Të de yïn piɔ̈u luɔi bï yïn a tɔ waar, ka duëërë looi.”

Luk 22:41

Ago rɔt mɛ̈ɛ̈c ke keek të duëër raan cuööp të dɛɛny en kɔɔi, go emiɔl tuk, ku lɛ̈ŋ,

Luɔi 15:3

Go kɔc ke ɣön ë Nhialic ke ruac kueer, ku jɔkï tëëk në Poiniki kekë Thamaria, ke ke lëk kɔc puŋ cï Juöör kepiɔ̈ɔ̈th pɔ̈k Nhialic, gokï wäthii tɔ mit piɔ̈ɔ̈th aläl.

Luɔi 17:10

Go wäthii Paulo dap tɔ jël wakɔ̈u kekë Thila, lek Beroya. Na wën, aa cïk ɣeet, ke ke lɔ luaŋ ee Judai lɔ̈ŋ thïn.

Luɔi 20:36

Na wën, acï kakë lueel, ke jɔ emiɔl tuk, ku jɔ lɔ̈ŋ ke keek ëtök kedhie.

Luɔi 20:38

ke ke dhiau ë dhiën dït aläl, në jam wën cï lueel an, cïkï bï bɛ tïŋ nyin ananden. Gokï lɔ në yen të de abël.

Luɔi 9:40

Go Petero ke tɔ lɔ biic kedhie, go emiɔl tuk ku lɛ̈ŋ, na wën, ke wɛ̈l enɔm raan cï thou, ku yöök an, “Tabitha, jɔt rɔt!” Go enyin liep: na wën, aacï Petero tïŋ, ke jɔt rɔt rëër.

Jocua 24:15

Na cäkkï Bɛ̈nydït bï luööi, ke we lɔc raan bäk luööi ee köölë. Tɛk däŋ, bäk yiëth ɣɔn ye kuarkun lam piny de Yuparat lɔŋ tui kek bäk luööi, ku nɔn ee kek yiëth ke kɔc ke Amor, kɔc rɛ̈ɛ̈r wek pinyden. Na yɛn wokë baaidï, ee Bɛ̈nydït Yen abuk luööi.”

Jocua 8:35

Jocua ë lööŋ ke Mothe bɛ̈n kuɛ̈n kɔc ke amatnɔm cï kenïïm mat kedhie, diäär, ayï mïth ayï kɔc lei rɛ̈ɛ̈r në keek.