Luɔi 21:24 - JAM DE NHIALIC 2011

²⁴ mätë rɔt keek, wak yïguöp abä guöp piath we keek, ku gämë keek wëu bï kek kenïïm muut: yen abï kɔc e ŋic kedhie nɔn ee yen lueth yen jam cïk piŋ në këdu, ku bïk ŋic nɔn rëër yïn ë rëër piɛth, ku nɔn döt yïn löŋ ë muk.

Luɔi 21:24 ပူးပေါင်းရင်းမြစ်များ

Jop 1:5

Ku të cïï akööl ke dhuëëŋken thäär thök, ke Jop abï ke tuöc kanäk bï awɛ̈ɛ̈cken waak wei, ee rɔt jɔt adurduur ku gɛm miɔ̈c ye nyop ëbɛ̈n thöŋ ke kuën ë mïthke kedhie, në luɔi ye Jop e lueel ë yepiɔ̈u an, cï mïthke dhil wäc, cïk Nhialic lat ë kepiɔ̈ɔ̈th. Aye Jop cool ke looi aya.

Jop 41:25

Të jɔt en rɔt, a cakaa yiëth, ayek riɔ̈ɔ̈c ku kɔtkï.

Bɛ̈n 19:10

Go Bɛ̈nydït lɛ̈k en an, “Lɔ tëde kɔc, lɔ tɔ ke nöm ee köölë ku miäk ke ke wak kegup, ku wakkï lupɔɔken.

Bɛ̈n 19:14

Na wën, ke Mothe jɔ bɛ̈n piny ë kuur nɔm, ku lëk kɔc an, “Guiɛɛrkï röt.” Agokï lupɔɔken waak.

Kuɛ̈n 6:13

Ku löŋ de yuul kï, të cï ayul akööl ke yuul thöl thook, ke bïïyë në paany de mät thok.

Kuɛ̈n 6:18

Ku ayul abï muut nɔm në paany de mät thok ëtɛ̈ɛ̈n, ku tɛ̈ɛ̈u nhïm mɛɛc në many de miɔ̈c de mät.

Kuɛ̈n 6:5

Ku në aköölkɛn ke yuuliic kedhie, ë cïï mut nɔm taitai agut të bï aköölkë kɔn thök, akööl cï yen rɔt gäm Bɛ̈nydït, abï yic dhil ɣɛɛr. Ë pɛ̈l e nɔm nhïm abï nɔm lɔ loplop.

Kuɛ̈n 6:9

Ku na cï raan guɔ thou në yelɔ̈ɔ̈m ëthiäu, ku cï ɣɛɛr ë yic dhiöök, ke mut enɔm në kööl ye akööl dhorou ku wɛɛk.

Jɔn 11:55

Ku Dhuëëŋ ë Judai cɔl Winythok acï guɔ thiɔ̈k: go kɔc juëc jäl rɛɛr lek Jeruthalem, të ŋootë Winythok wei, lek kegup tɔ piɛth.

Jɔn 3:25

Na wën, ke kɔcpiööcë Jɔn ke ke teer në Judai në këde waak.

Luɔi 18:18

Na wën, ke Paulo ŋoot ke rɛ̈ɛ̈r ëtɛ̈ɛ̈n ë nïn juëc, na ɣɔn, ke tɔ̈ŋ wäthii, ku jël le Thiriya në abël, ku cath Pirithila ku Akula në yen, acï e nɔm muut ë Kenkuria: në këde jam wään cï lɛ̈k Nhialic.

Luɔi 21:26

Go Paulo rɔt mat ee röörkë, na ɣɔn amiäk, acï yeguöp waak abï guöp a wic ke keek ëtök, ke jɔ lɔ Luaŋdïtic le kɔc lɛ̈k thök cï akööl ë wɛ̈k ë gup thök, ku tɔ̈u ëtɛ̈ɛ̈n, aɣet të bï këdäŋ gäm Nhialic në biäkden kedhie.

Luɔi 24:18

Ago Judai kɔ̈k bɔ̈ Athia agokï bɛ̈n, ku yökkï yɛn ë Luaŋdïtic, ke ya piɛth guöp, ku cïn kut ë kɔc cath ë yɛn, ku cïn awuɔɔu nu.

1 Kor 9:20

Tëde Judai yɛn cï rɔt tɔ ye Judai, luɔi bän Judai dɔm: ku tëde kɔc rɛ̈ɛ̈r ë löŋic, aguɔ rɔt tɔ ye raan rɛ̈ɛ̈r ë löŋic, luɔi bän kɔc rɛ̈ɛ̈r ë löŋic dɔm,

Galatai 2:12

Ɣɔn ŋootë kɔc kɔ̈k ë ke kën bɛ̈n tëde Jakop, aaye cam kekë juöör ëtök: na wën, aacï kɔckë bɛ̈n, ke jɔ enɔm dak ciëën, go rɔt tɔ̈ɔ̈u pei, në riɔ̈ɔ̈c ee yen riɔ̈ɔ̈c ë aŋueel.

Bäny 13:5

Në luɔi bï yïn liac ku dhiëth mɛwä, acï bï aa muut nɔm në luɔi bï ye gäm Nhialic ke ye ayul (raan cï kuëëŋ ku gëm rɔt Nhialic) ë nɔn töŋ ë dhiëëthë ye, ku abï Yithriɛl luäk bei ë kɔc ke Pilithiin cin.