Luɔi 21:19 - JAM DE NHIALIC 2011

¹⁹ Na wën, aacï ke thiëëc, ke ke guïïr käŋ cöökë ku cöökë, ka cïï Nhialic looi ë Juöör yiic në luɔide.

Luɔi 21:19 ပူးပေါင်းရင်းမြစ်များ

Math 23:7

ku nhiaarkï thiëc ee kɔc röt thiëëc ë thuk yiic, ku kɔɔrkï luɔi bï keek aa cɔɔl ë kɔc, an ‘Rabi, Rabi.’

Luɔi 1:17

Ku acï rɔt tɔ kuen ke wook ëtök, ku acï biäkde yök ë luɔiyë yic.”

Luɔi 14:27

Na wën, aa cïk bɛ̈n, ke ke tɔ kɔc ke ɣön ë Nhialic tɔ guëër, ku guïïrkï keek këriëëc cïï Nhialic looi kekë keek, ku luɔi cï en ɣön ë gäm liëp Juöör.

Luɔi 15:12

Na wën, ke amatnɔm ëbɛ̈n ke ke jɔ mim, ku piŋkï këde Baranaba ku Paulo, ke ke guiir göök ku ka ye kɔc ke gäi, ka cïï Nhialic looi ë Juöör yiic në kecin.

Luɔi 15:4

Na wën, aa cïk ɣet Jeruthalem, ke ke loor ɣön ë Nhialic ayï tuuc ku röördït, ku jɔkï ke guiëër këriëëc ëbɛ̈n ka cïï Nhialic looi kekë keek.

Luɔi 20:24

Ku acïn kë ya tɔ dït ee kakë yiic, acakaa pïïrdï acä duëër theek, luɔi bän luɔidï thöl ë miɛtëpiɔ̈u, ku thɔ̈l luɔi cïï Bɛ̈nydït Yecu tääu ë yacin an, bä aa cäätɔ, bï wëlpiɛth aa guiir, wëlpiɛth ke dhuëëŋ de Nhialic piɔ̈u.

1 Kor 15:10

Ku ee dhuëëŋ de Nhialic piɔ̈u, en atäu ɛn ë täudï: ku dhuëëŋ de yenpiɔ̈u dhuëëŋ cï yiɛ̈n ɛn, acie këɣɔ̈ric, yɛn ee luui arëët, ka wäär keek kedhie: ku acie yɛn ee luui, ee dhuëëŋ ë Nhialic piɔ̈u, en aye luui, dhuëëŋ ë tɔ̈u ke yɛn.

2 Kor 12:12

Ŋïny duëërë ye ŋic nɔn aa yɛn tuc ë guɔ looi ë weyiic në yic në guöm de këriëëc ëbɛ̈n, ku në göök ku ka gɛ̈iyë kɔc, ku luɔi ril ëbɛ̈n.

2 Kor 6:1

Ku nɔn ee wok luui në yen ëtök, en a lɛ̈ŋ wo week, ke we cïï dhuëëŋ de Nhialic piɔ̈u nöm ë ɣɔ̈ric.

Kolothai 1:29

Ku yen aya yɛn rɔt näk piny ë luɔi, cït man ë raan wiët, në riɛldɛn ë luui ë yaguöp ë luɔi ril arëët.