Luɔi 20:7 - JAM DE NHIALIC 2011

⁷ Na wën, ë kööl töŋ wën ee akööl dhorou, të cï kɔcpiööcë guëër bïk kuïn bɛ̈n wökic, ke ke jɔ Paulo guiëër wël, akɔɔr jäl bï en jäl miäk, go cool ë jam adïïtë piny.

Luɔi 20:7 ပူးပေါင်းရင်းမြစ်များ

Neɣe 8:3

Në pëëric lɔŋ të lɔ kal thoŋ de pïïu yen aa kɛ̈ɛ̈c en thïn, ku kuën keek awerek de lööŋ, gɔl ɣɔn amiäk abï akɔ̈l kɔ̈ɔ̈c cil, ku keek aake cï ke yïth päl piny apiɛth ke ke pïŋ.

Neɣe 9:3

Në kë cït thɛɛr kadiäk ke löŋ de Bɛ̈nydït Nhialicden ë kuënë keek, ku thɛɛr kɔ̈k kadiäk ke ke gam awɛ̈ɛ̈cken ku läŋkï Bɛ̈nydït Nhialicden.

Mak 16:9

Na wën, aacï Yecu rɔt jɔt miäk ëtɛ̈ɛ̈n ëkööl tueŋ wën ee akööl dhorou, ke kɔn tuöl tëde Meri Magdalene, tiiŋ wään cï en jɔɔk rac kadhorou cieec ë yeguöp.

Luk 22:19

Na wën, ke nöm kuïn cï pam, ku leec Nhialic, ku wɛ̈ɛ̈kic, ku yïn keek, lueel an, “Guöpdï kï, guöpdiën cï gam në baŋdun week, yak kënë looi në täŋ bä wek wenïïm aa tak në yɛn.

Luk 24:35

Go kɔc wën kaarou gokï ka cï tïc kueer guiir, ku ŋïny cï kek e jɔ ŋic ë wɛ̈ɛ̈k cï en kuïn cï pam wääkic.

Jɔn 20:1

Na wën, ë kööl tueŋ ë akööl kadhorou yiic, ke Meri Magdalene rial ɣɔn amiäk, të ŋootë piny ke col, le të nu raŋ, le ku tïŋ kuur acï nyaai ë raŋ thok.

Jɔn 20:19

Na ɣɔn thëën, ë köölmanë guöp, yen aye kööl tueŋ ë akööl kadhorou yiic, të cï ɣöt gäär, ɣön cï kɔcpiööcë guëër thïn, në riɔ̈ɔ̈c riɔ̈ɔ̈c kek ë Judai, ke Yecu bɔ̈ ku kɛ̈ɛ̈c ë ciɛɛlic, yöök keek, an, “Ë mät tɔ̈u ke week.”

Jɔn 20:26

Na wën, aacï nïn aa bɛ̈t, ke kɔckɛn ë piööcë ke ke be guëër ɣöt, ku nu Thoma kekë keek. Na wën, ke Yecu bɔ̈, ku ɣöt acï gäär, bïï ku kɛ̈ɛ̈c ë ciɛɛlic, lueel an, “Ë mät tɔ̈u ke week.”

Luɔi 16:10

Na wën, aacï raanë tïŋ, goku të bï wo lɔ Makedonia dap kɔɔr, ayok lueel ë wopiɔ̈ɔ̈th an, cï Bɛ̈nydït wo dhil cɔɔl, buk wëlpiɛth lɔ guiëër keek.

Luɔi 2:42

Agokï aa cool ë tɔ̈u ë wëëtic wëët ë tuuc, ku yek cool ë abärɔ yic, ku wäŋ ee kuïn wökic, ku lɔ̈ŋic.

Luɔi 2:46

Agokï aa cool ë Luaŋdïtic aköölnyïïn kedhie në piɔ̈n tök, ku yek kuïn wääkic ɣönë ku ɣönë, ku yek këden cam në piɔ̈nmit cïnic ruëëny,

Luɔi 20:11

Go bɛ lɔ nhial, le kuïn wökic, ku ciɛm, ku të cï kek abärɔ bɛ mat aruu piny, ke jɔ jäl.

Luɔi 20:31

Yɛn tiɛɛt wek röt, ku takkï wenïïm nɔn kɛ̈n ɛn wëët pɔ̈l wëët aa yɛn week wɛ̈ɛ̈t wedhie ë run kadiäk, wɛ̈ɛ̈rwakɔ̈u ku aköl, ke ya ye dhiau ë pïïu ke yɛn nyin.

Luɔi 20:5

Kɔckë acïk lɔ tueŋ lek wo tiit Toroa.

Luɔi 20:9

Ku rɛ̈ɛ̈r dhuŋ töŋ cɔl Yutuko awëërnyin, ke cï thiai ke nïn, na wën, aacï Paulo tëdït guiir, ke jɔ thiai ke nïn, go lööny piny ɣön nhial, wën ee ɣööt diäk, go jɔt ke cï thou.

Luɔi 28:23

Gokï akööl lueel, akööl bï kek bɛ̈n, na wën, ke kɔc juëc ë ke bɔ̈ ɣön rëër en thïn, ago keek guiëër wël, ku lëk keek ka ke ciɛɛŋ de Nhialic, ciɛk ɣɔn amiäk aɣet thëën, anyuth keek ka ke Yecu, ë löŋ de Mothe yic ayï tït yiic aya.

1 Kor 10:16

Bïny de athiɛɛi, bïny yok thieei, cie män mɛt wok në riɛm de Kërtho? Kuïn cï pam kuïn yok wääkic, cï en ee män mɛt wok në guöp de Kërtho?

1 Kor 15:10

Ku ee dhuëëŋ de Nhialic piɔ̈u, en atäu ɛn ë täudï: ku dhuëëŋ de yenpiɔ̈u dhuëëŋ cï yiɛ̈n ɛn, acie këɣɔ̈ric, yɛn ee luui arëët, ka wäär keek kedhie: ku acie yɛn ee luui, ee dhuëëŋ ë Nhialic piɔ̈u, en aye luui, dhuëëŋ ë tɔ̈u ke yɛn.

1 Kor 16:2

Ëkööl tueŋ ee kek dhorou ëbɛ̈n, week wedhie, ë ŋɛk ë ye käŋ tɔ̈ɔ̈u abï ke kueet, acït man cï Nhialic e tɔ yök käŋ, ku miäk të cän bɛ̈n, ka cïn juɛ̈ɛ̈rëkäŋ bï nu.

2Tim 4:2

an, Ye jam guiir, ye yic lɛ̈th ë luɔi ëkööl piɛth, ayï kööl rac: ye kɔc jɔ̈ɔ̈ny, ye kɔc nen, ye kɔc riit piɔ̈ɔ̈th, ke yï lirpiɔ̈u ë thuaat në wëët ee yïn kɔc wɛ̈ɛ̈t.

Nyuuth 1:10

Yɛn aa cath wo Wëidït ëkööl ë Bɛ̈nydït, na wën, ke ya piŋ röldïït cït röl ë kaaŋ ë yakɔ̈u ciëën,