Luɔi 20:6 - JAM DE NHIALIC 2011

⁶ Ku wook, wo ë jël Pilipoi ë abël, të cï akööl ke Dhuëëŋ de Kuïn Cïnic Luɔu thök, goku bɛ̈n të nu kek ë Toroa ë nïn kadhïc, ku rɛ̈ɛ̈rku ëtɛ̈ɛ̈n ë nïn kadhorou.

Luɔi 20:6 ပူးပေါင်းရင်းမြစ်များ

Bɛ̈n 23:15

Ku yak Dhuëëŋ de kuïn cïnic luɔu looi cït man cän e thɔ̈n week. Yak Dhuëëŋ de Kuïn Cïnic Luɔu looi cït man cän e thɔ̈n week në pɛɛi de Abib, pɛɛi wään jäl wek Rip. Yak kuïn cï pam cïnic luɔu cam në nïn ke dhuëëŋiic kadhorou. Ku raan ëbɛ̈n ë weyiic ë lam Ɛn në miɔ̈c.

Bɛ̈n 34:18

“Dɔ̈tkï Dhuëëŋ de Kuïn Cïnic Luɔu. Ku yak kuïn cï pam cïnic luɔu cam në nïniic kadhorou në pɛɛi de Abib, cït man cän e lɛ̈k week ɣɔn, në luɔi yen pɛɛi ë jäl wek Rip.

Luɔi 12:3

Na wën, aa cï luɔiyë tïŋ nɔn mit en ë Judai piɔ̈ɔ̈th, ke löök Petero dɔm aya. Aköölkë ayek akööl ke Dhuëëŋ de Kuïn Cïnic Luɔu.

Luɔi 16:10

Na wën, aacï raanë tïŋ, goku të bï wo lɔ Makedonia dap kɔɔr, ayok lueel ë wopiɔ̈ɔ̈th an, cï Bɛ̈nydït wo dhil cɔɔl, buk wëlpiɛth lɔ guiëër keek.

Luɔi 16:12

Ku jëlku, ëtɛ̈ɛ̈n lok Pilipoi, yen aye pänydït de naamdɛn dït ë Makedonia biäkë, ku ye piny cï Romai ɣap thïn aya, agoku rëër ë pänydïïtë aköölkë.

Luɔi 16:8

Gokï tëëk ë Muthia, ku jɔkï bɛ̈n Toroa.

Luɔi 20:16

Paulo aa de piɔ̈u luɔi bï en Epetho winy thok ë abël, acïn piɔ̈u luɔi bï en ceŋ në Athia, aa cath aläl, nɔn de të bï en nu Jeruthalem ë kööl ë Thiërdhïc.

Luɔi 20:5

Kɔckë acïk lɔ tueŋ lek wo tiit Toroa.

Luɔi 21:4

Na wën, aa cuk kɔcpiööcë yök ëtɛ̈ɛ̈n, ke wo jɔ rëër ëtɛ̈ɛ̈n ë nïn kadhorou. Go kɔckë Paulo yɔ̈ɔ̈k në Wëidït an, cïï Jeruthalem bï käcic.

Luɔi 21:8

Na ɣɔn amiäk, ke wo jɔ jäl wo kɔc wën cath ë Paulo, jɔku bɛ̈n Kaitharia. Goku lɔ ɣön ë Pilip, raan ŋic wëlpiɛth guïïr, ku ye raan töŋ ë kɔc kadhorou yiic, goku rëër ë yen.

Luɔi 28:14

Ade wɛ̈ɛ̈tamäthkuɔn cuk yök ëtɛ̈ɛ̈n, acïk wo cɔɔl an, buk rëër ë keek ë akööl kadhorou, ku jɔku ɣet Roma aya.

Pilipoi 1:1

Yɛn Paulo wokë Timotheo, lïïm ke Yecu Kërtho, awerek en gɛ̈ɛ̈rku kɔc ɣerpiɔ̈ɔ̈th ë Kërtho Yecuyic kedhie kɔc nu Pilipoi, kekë kɔc ë kɔc tiit ayï kɔc ee kake ɣön ë Nhialic looi:

1 Theth 2:2

Ku acakaa wok ë cï kërac kɔn guum, ku wo ye luöi kërac aläl ë Pilipoi, acït man ŋiɛc wek en, ke wo ŋoot ke wo ye week guiëër wëlpiɛth ke Nhialic në ater dït, ke wo ril piɔ̈ɔ̈th ë riɛl ë Nhialicda.

2Tim 4:13

Alulut de wiir wën cä nyääŋ piny Toroa tëde Karpo, të bï yïn, ke luɛ̈thë ya, kekë awereek, ku awereek lɔ reprep kek akaar aläl.