Luɔi 20:35 - JAM DE NHIALIC 2011

³⁵ We cä nyuöth këriëëc ëbɛ̈n, luɔi bä wek aa luui aya, aguɔkï kɔc kuanynyïïn dhil aa muk, ku yak wenïïm tak në wël ke Bɛ̈nydït Yecu, wään lueel en en an, ‘Raan yïn raan däŋ käŋ, yen aye thieei awär raan ë yïnë käŋ.”’

Luɔi 20:35 ပူးပေါင်းရင်းမြစ်များ

Kɛ̈ŋ 19:17

Raan ee kɔc kuanynyïïn miɔɔc ee Bɛ̈nydït miɔɔc, ku abï cuööt.

Yith 32:8

Ku raan piɛth ee luui apiɛth ku kɔ̈ɔ̈c aril në yicic.

Yith 35:3

Gämë riɛl cin cï bäp kekë miɔɔl kɔ̈c lɛthë keek.

Math 10:8

Takï kɔc tök dem, takï kɔc cïï wɛth dɔm takï ke waar gup, kɔc cï thou takï ke jɔt röt abïk pïïr, ciëëckï jɔɔk rac bei ë kɔc gup, we cï miɔɔc ë dhuëëŋ, yak miööc ë dhuëëŋ aya.

Luɔi 20:20

Ku aŋiɛckï aya nɔn cïn en jam cä pɛ̈n week, jam duëër we muk, yɛn aaye week guiëër wël ku wɛ̈ɛ̈t week ë kɔc nïïm ayï ɣööt yiic.

Luɔi 20:27

Luɔi cän week lɛ̈k löŋ de Nhialic ëbɛ̈n, acïn kë cä mɔ̈ny week.

Luɔi 20:34

Week wegup aŋiɛckï, nɔn ee cinkiënkë kek aa muk ɛn, ayï kɔc wään cath në yɛn aya.

Luɔi 20:36

Na wën, acï kakë lueel, ke jɔ emiɔl tuk, ku jɔ lɔ̈ŋ ke keek ëtök kedhie.

Romai 15:1

Wok kɔc ril, wo bï kɔc dhil aa muk në kɔ̈c kɔ̈ɔ̈c kek, ku cuku ee luui në këde piɔ̈nda.

1 Kor 9:12

Na cath kɔc kɔ̈k në riɛl bï we cieŋ aya, ke wook, cuku ke wär? Ku riɛlë aa cukë ye kɔɔr, wok ee këriëëc guum, ke wo cïï wëlpiɛth ke Kërtho bï aa pɛ̈n cäthden.

2 Kor 11:12

Ku kë luɔɔi ënɔɔnë, yen abä ya looi, luɔi bän kë bï kek röt leec tɛɛm wei tëde kɔc kɔɔr en: ago an, leckï röt, ka bïk röt yök akït ë wook.

2 Kor 11:9

Ku të wään rɛ̈ɛ̈r ɛn wo week, akööl ë de en kë dak ɛn, acïn raan cä miɛn, në kën ee ya dak, aye mïthëkɔckuɔ yiɛ̈n ɛn abä kuɛth, mïthëkɔckuɔ ë bɔ̈ Makedonia, ku yɛn aaye rɔt muk në këriëëc ëbɛ̈n aguɔ we cuö min, ku yɛn bï rɔt muk ë muŋdï.

2 Kor 12:13

Ee käŋö kë cï we tɔ kor ë ɣööt ke Nhialic kɔ̈k, ee luɔi ë cän kakun ee cäm lɛ̈ɛ̈ny etök, yɛnguöp, pälkï yɛn ee kë cä wööcë!

2 Kor 8:9

Wek ŋic dhuëëŋ de Bɛ̈nydan Yecu Kërtho piɔ̈u, acakaa yen ë juëc ë kake, ke ye rɔt tɔ ye raan kuany nyin në biäkdun, luɔi bä wek aa kɔc juëc ë kakun në kuany kuɛɛny en nyin.

Epethiei 4:28

Raan ë ye kual, në cie bɛ kual: aŋuän luɔi bï en aa luui ë luɔi piɛth në cinke, ke bï dɛ kë bï en raan däŋ miɔɔc, raan dɛk ë käŋ.

1 Theth 4:11

Ke we bï rëër bä wek rëër ëmääth aa cool ë thɛm wek e, ku bäk kakun gup aa looi, ku yak luui ë wecin, acït man cï wok e lɛ̈k week.

1 Theth 5:14

Wek lëkku, wek mïthëkɔckuɔ an, Yak kɔc ee löŋ yalic nen, yak kɔc ee piɔ̈ɔ̈th riɔ̈ɔ̈c muk piɔ̈ɔ̈th, yak kɔc kɔ̈c kony, yak piɔ̈ɔ̈th liɛɛr në kɔc kedhie.

Ɣeberuu 13:16

Ku duökï nïïm ee määr në luɔi de këpiɛth, thɛmkï bäk kakun aa rɔm në kɔc nuan, kënë ayadäŋ acït miɔ̈c cï gäm Nhialic, ku ee Yen tɔ mit piɔ̈u aläl.

Ɣeberuu 13:3

Yak diɛɛr anandun në kɔc mac cït man ë ka mac në keek ëtök.

3 Jɔn 1:7

luɔi ee yen biäk de rinke yen ë keny kek, ku cïn kë cïk nööm tëde Juöör.